"စောက်ရမ်း ပူတယ်ဟ! ယီးလိုပဲ ရာသီဥတုကြီးက! ချီး!"
ကိုရီးယားစကားကိုမှ Satoori (ဆာထူရီ) ဆိုသည့် ဒေသိယလေသံဖြင့် ဆော့ဂျင် ပျစ်ပျစ်နှစ်နှစ် ဆဲဆိုလိုက်သည်။ ပုံမှန်ထက် အနည်းငယ် ကျယ်သွားသော သူ့အသံကြောင့် နံဘေးနားမှ တန်းစီနေကြတဲ့ သူတစ်ချို့သည် သူ့အား အူကြောင်ကြောင် အကြည့်တို့ဖြင့် မသိမသာ စူးစမ်းလာကြသည်။
အခုချိန်မှာ ထို Karen (ကယ်ရန်) တစ်စုကို ဂရုစိုက်နေဖို့ ဆော့ဂျင် မအားသေးချေ။ လက်တစ်ဖက်ဖြင့် လွယ်ထားသော ကျောပိုးအိတ်ထဲ ဟိုဟိုဒီဒီ နှိုက်ရှာစမ်းကြည့်သော်လည်း သူ့အလိုရှိသည့် အရာကို မတွေ့သေးသည်မို့ စိတ်က အချဉ်ပေါက်သည်ထက် ဆိုးကာ အပြင်ဘက်က ရာသီဥတုလို မီးဟုန်းဟုန်းတောက်လာပြီ ဖြစ်သည်။
"ချီး! fuck! စောက် ပန်ကာအားသွင်းကြိုးက မလိုချင်ရင်တော့ အမြဲတွေ့တယ်! လိုချင်ရင် မရှိတော့ဘူး!"
တစ်ယောက်ထဲ ကျေကျေနပ်နပ် အားရပါးရ ပေါက်ကွဲပြီးနောက် စိတ်မရှည်တော့တဲ့အဆုံး ကြမ်းပြင်ပေါ် ထိုင်ချလိုက်ကာ ကျောပိုးအိတ်ကိုလည်း ချလိုက်ရင်း အတွင်းထဲမှ ထိုးကြိတ်ထည့်ထားသော ပစ္စည်းပစ္စယာတွေကို တစ်ခုချင်းစီ အစပြန်ဆွဲထုတ်ရတော့သည်။
အီတလီရဲ့ နွေရာသီဟု ခေါ်နိုင်သော ဇွန်လမို့ လေဆိပ်ထဲ၌ ခရီးသွားဦးရေကလည်း ပုံမှန်ထက် နှစ်ဆလောက် များနေသည်။ ဥရောပတိုက်ရဲ့ လေယာဉ် အတက်အဆင်းအများဆုံး၊ ခရီးသွားများဖြင့် ခြေအရှုပ်ဆုံးသော လေဆိပ်တွေထဲမှာမှ နံပါတ် ၉ နေရာချိတ်သော Rome Fiumicino နိုင်ငံတကာလေဆိပ်ကြီးသည် အရပ်လေးမျက်နှာမှ လာကြသော ခရီးသည်များဖြင့် တိုးကြိတ်နေသည်။
အမှန်ဆို ဒီလို ခရီးသွားရာသီဖြစ်သော အချိန်ကာလမျိုး၌ ခရီးထွက်ရသည်ကို ဆော့ဂျင် မကြိုက်။ ဘယ်နေရာသွားသွား၊ တိုးကြိတ်နေတဲ့ လူအုပ်များကို မြင်ရရုံဖြင့်ပင် သူ အသက်ရှုကျပ်သည်။
အခုဆို စိတ်အိုက်တာက တစ်ကြောင်း၊ စိတ်အိုက်တော့ အေးလိုအေးငြား လက်ကိုင် လျှပ်စစ်ပန်ကာ အသေးစားလေးကို ထုတ်ပြီး ဖွင့်မည်ကြံသေး၊ ဘက်ထရီက လာကုန်နေသည်။ ထို့ကြောင့် အားသွင်းဖို့ အားသွင်းကြိုးလိုက်ရှာတော့ ကျောပိုးအိတ်ထဲမှာ ဘဲဥအစ ရှာမရသလို ပျောက်ချင်းမလှ ပျောက်နေသည်။ သူ ထည့်ရော ထည့်မိခဲ့ရဲ့လား?
YOU ARE READING
Dear Summer, Where did we go wrong?
Fanfiction❝ In the Embrace of Summer's Miracles... It can be both light and dark... ❞ Dear Summer, Please tell me. Where did we stray off our paths? KIM TAEHYUNG x KIM SEOKJIN TAEJIN FANFICTION - by Mushroom Ball 🍄 Language : Myanmar [Unicode] Start : 2404...
