فـرق كلش چبير
الـ بينك وبيني
شفتك تضحَك بـحِزني
وانا بعيد عنك
وانتَ مَن تضوج
احَس بگلبي ينغزني
ومَن گتلي الضباب هواي .!
عرفت تريد بس تروح
عرفتلها وشفت
كلمَات اليتيهون كثرانات
وعرفتك بَعد متعزني ..♡!
ـــــــــــــــــــــــــــــــــــــــــــــــــــــــــــ
علي::- اباوع ع ايديها مضمديهن ورگبتها هم
اريد اعرف السبب!
:- دكتور اريد اسألك من جابوها شصاير بيها؟ وعرفت السبب انتَ لولا!؟
الدكتور::- والله السبب ماعرفه بس من جابوها فاقده والآثار مال اظافر عبالي احد من العائله مسوي هيج بس سألتهم كالو لا مو احنه
:- عندك سؤال ثاني
علي::- لا دكتور مشكور بس ردت اعرف
زين خوما متأذيه كلش؟
الدكتور::- بس بالبدايه هسه عادي تكعد وتشوفوها كلشي مبيها ان شاء الله اذا خلصت حتى نطلع
علي::- لا بعدني ماخلصت اريد ابقى يمها عادي ابقى وحدي؟
الدكتور::- راح اطلع بس اذا كعدت ضروري تصيحلي لان تحتاج مغذي بعد
علي::- صار
:- طلع الدكتور بقيت وحدي يمها
:- الين حبيبي كعدي والله شليتي حالي لشوكت تبقين هيج فرحتيني من كلتي احبك وهسه تغير كلشي كعدي وعاتبيني كعدي ولوميني شتردين تسوين سوي بس حاجيني
:- بقيت امسح بأيدها واحجي وياها وابجي
:- بويه كومي ورديلي عافيتي تعبان من دنيتي وناسها لا تخذليني
إلينا::- بديت اصحى واسمع كلامه بس ماردت افتح عيوني واخلي يعرف انا كاعده
:- هوَ يحجي ومبينه الغصه بقى يبجي
:- ماكدرت اسيطر شهكت وفتحت عيوني
علي::- رجعت شهكاتج الاحبها كعدتي يروحي شون صرتي شبيها عيونج ايديج ورگبتج شبيهن احجيلي؟
الينا::- اطلع برا علي
علي::- راح اصيح للدكتور
الينا::- لا ميحتاج كلشي مابيه عوفني ولتشوفني خلقتك من اليوم انت السبب بكل أذيه الي انت السبب بتدمير حياتي ونفسيتي انت سبب كل وجع بيه مراح اسامحك
علي::- شدتحجين شبيج إلين شنو سامعه عني
الينا::- مسامعه شي بس تعرفني كلش زين ماطيقك مااعتبرك شي بس اخوي انت تشوفني كـ زوجة الك بس انا اشوفك اخ الي لاا اكثر
علي::- اعرف مترديني بس الي حجيتي اليوم كلش فرحني شغيرج اقنعيني بشي لتكليلي بدون سبب
الينا::- ردت العب بمشاعرك اعتبره انتقام صغير مني بعد مراويتك شي إلينا القديمه اختفت هيه وفهاوتها كل أذيه منك تخليني احسب الف حساب واقوى اكثر
