الشخصيات :
(عائلة الحميدان )
فارس : شخصية قوه ياهبه الجميع عمره ٤٨
زوجته افراح : تنحب حنونه عمرها ٤٠
(الأبناء)
يوسف : جميل عصبي عمره ٢٢
ماهر : ماهمه الا نفسه حنون عمره ١٩
مهرة : طيبة قلب تنحب بسرعه ١٨
حمادي : مزحه خفيف حنون عمره ١٧
حنان : حنونه قلبه طيب عمره ١٥
(عائلة الرشودي)
مسفر : شخص طيب يحبه الكل عمره ٥٠
زوجته فزه : حنونة طيبة القلب عمرها ٤٨
(الابناء)
سيف : ماهمه الا بطنه حنون طيب عصبي عمره ٢٣
خلود : حنونه تنحب عمرها ٢٠
وليد : عصبي ينخاف منه حنون عمره ١٧
سامي : له حياه خاصه لحاله حنون عمره ١٩
(عائله الجمحان)
محمد : شخصية شديدة عصبي المزاج عمره ٤٩
زوجته ريم : حنونه تنحب عمرها ٤٤
(الابناء)
فهد : عصبي ينحب عمره ٢٤
خالد : حنون طيب عمره ٢٢
ساره : تنحب طيبه القلب عمرها ١٨
نوره : عصبيه تفهي حنونه عمرها ١٩
(تبدا قصتنا بعائلة الجمحان )
يوم عادي مجتمعين الأهل والسوالف الحلوه فجاء من غير سابق إنذار
دخل ابو فهد وهو معصب وحالته حله
ريم : بسم الله وش فيك
محمد : وين بنتك اللي ماتربت
ريم : وش صار يابن الحلال
محمد : اخلصي وينها
ريم : بغرفتها ما راح تعلمني وش صاير
(بغرفت نوره )
دخل عليها ابوها وهو موب شايف قدامه مسكها ضرب
ريم : يابن الحلال اترك البنت
محمد : ذي لزم تتربى اجل تكلمين عيال وتطلعين معهم
نوره : والله يايبه ماكلم والله
محمد: لا تحلفين وذولي الصور لمين
نوره : والله موب انا والله
محمد : والله لزوجك اول واحد يطق الباب فهمه
ريم : يابنت صدق انك تكلمين
نوره : يمه والله ماكلم والله والصور موب لي والله
ريم : انا امك قولي لي
نوره : يمه والله موب لي والله
ساره : يمه وش فيك وش صاير
ريم : ابوك جن علينا وضرب اختك
ساره : ليه يضربها وش فيه
ريم : مدري والله يقول تكلم عيال وتطلع معهم ومعه صور
ساره : شلون ومين اللي عطاه اصور
نوره : مدري مدري حسبي الله ونعم الوكيل
مر اسبوع
(عائلة الحميدان )
حنان : يالله صباح الخير من مشغل اغاني على هل صبح
ماهر : ياليل حمادي ذا
حمادي : يالله قم كافيه نوم
ماهر : دز خلن انام
حمادي : قم خلصن بسرعه عندي لك مفاجأه
ماهر : ادري انه مقلب موب قايم
حمادي : ياليل احسن نم بروح لخواتي ابرك
(غرفت البنات )
حمادي : يالله ياحلوات
حنان : موب حلوات رح بس
مهرة : اففف طف النور
حمادي : قومو اخلصو
مهرة : طف النور ولا بعلم ابوي
حمادي : يقاله تهديد دزو بس
(بأصالة)
حمادي :ياليل طفش خلن اولع زقاره
مامدى يدخن الا دخل عليه ابوه
فارس : الي متى علمني الي متى
حمادي : والله اخر مره صدق اخر مره
فارس : لا والله من زمان تقول لي كذا اطلع من بيتي اطلع
حمادي : يابه اخر مره والله اخر مره
فارس : اقولك اطلع فاهم
(بشارع )
حمادي : وش اسوي الحين مالي الا ادق على الفزعه
خالد : الو
حمادي : هلا شلونك
خالد : بخير اكيد داق علي لن ابوك طردك
حمادي : عليك نور تعال خذني
خالد : والله اني داري شويات واكون عندك
(ببيت خالد )
حمادي : غريبه البيت هادي
خالد : نامين ادخل بالمجلس بزين لك احلى فطور
حمادي : لبى اصابعك
خالد بضحك : حبيبي
(بعد الاكل )
حمادي : تسلم يدينك
خالد : حبيبي
حمادي : مع السلامه
خالد : وين يالحبيب
حمادي : مابي اثقل عليك
خالد : يارجل البيت بيتك اجلس بس
حمادي : حبيبي
(بعد صلاة العصر)
حمادي : يالله مع السلامه
خالد : الله معك
حمادي يكلم نفسه : شكله النومه بالمسجد
(عائلة الرشودي )
خلود : يمه وش رايك نطلع ملل
فزه : دوري لخوك عروسه ومن عيوني اطلعك
خلود : يايمه خليه يولي ابي اطلع
فزه : اقول اسكتي بس
سيف : السلام عليكم
فزه : وعليكم السلام اجلس خل ندور لك عروسه
سيف : يايمه رجعنا لذيك السالفه توي صغير
فزه : بزوجك الحين يعني الحين
مسفر : يابنت الحلال خلي الولد عنك
سيف : المهم بطلع تبون شيء
الكل : لا سلامتك
(الاستراحة العيال )
ماهر : هلا والله تو الناس
سيف : هلابك اخذت محاضره قبل الاجي
نواف بضحك : للحين الوالدة مصره
سيف : الا غصب تزوجن توي صغير
ناصر : وش تبوك صغير بتخلص جامعه يقولي صغير
سيف : اسكت اقول الي فيني مكفيني
نواف : غريبه فهد ماجاء
ناصر : مدري عنه له يوم كامل جواله مسكر
سيف : دق عليه
فهد : الو
ناصر : هلا والله وينك مختفي
فهد : يارجال ضروف
ناصر : الله يعينك بتجي ولا عشان نحسبك على العشاء
فهد: لا موب جاي بالعافيه
ناصر : الله يعافيك
سيف : ها بيجي
ناصر : لا يقول عنده ضروف
سيف : الله يعينه المهم وش العشاء
نواف بضحك: ذا همك
الكل : ضحك
(اتمنى تعجبكم وعطوني رايكم لشفت تفعلكم بكمل القصه 🥹❤️)
