ديرة السمراء"غين"

"2"

في الشركه:

دراجه سوده وضخمه بطحه نزل منها هذاك الضخم

المعضل وطويل لابس خوذه سوده وكلشي اسود

طفه الدراجه ودخل للشركه  يمشي بهيبه ومستعجل

شايل بأيده الايباد مال سمر  ،  اي نعم هذا احمد البيطري  ، 

وهو ديمشي فجأة انضرب بوحده  ،  وكف بصدمه

وراد يوكع الايباد بس لكفه  ،  عثرت البنيه الا شويه

وتوكع على وجهها بس الحمدلله لزمها احمد من

خصرها (خزونا++البنيه مو محجبه)،  طبعا صارت نظرات وكذا واجتي سمر
خربتها

سمر: هاه احمددد همزين اجيت بوكتك فدوه لكلبك وين الايباد  ،  سلمت عليه وانطاها الايباد

احمد: هلا سوسو يمعوده اشغلتيني عندي كومه حيوانات عفتهم خطيه  ،  يلا رايح مستعجل

طبعا السكرتيره (مينا) الخفيفه رادت تكتل روحها من شافته وضاجت من عليا لان لزمها و  لكم ان تتخيلوا  ،  رغم كل هذا تحبها كلش وذابه وياها ميانه

سمر: تمام حموده باييي  ،  يلا عليا بسرعه

عليا متدري بالدنيا وين راح يغمى عليها من الخجل والفشله وفجأه فزوا سمر وعليا على صوت تصفيق قوي

مينا: عليا حبي شبيج هيج صافنه شكو؟؟ سألتها بنظره خبيثه وغارت منها لان عجبها احمد

عليا بتوتر: هاه لا حبي شنو ما صفنت ماكو هيج شي  هههه  ،  هو هذا الرجال الي حجيتي عنه؟؟  ،  سألت سمر

سمر بـ غباء:  منو؟؟ هاااا لا هذا صديقي البيطري احمد الي دائما احجيلكم عنه

عليا بضحكه فرحانه: هاااا هذا هو احمد المشهور  ،

انوب صفنت شويه صفنه مال بناء احلام وكذا جان

تكول: سمر ضليتي سنوات تكولين عنه بس بيطري؟؟!  ،عود قصدها طلع حلو مو بس بيطري

سمر مستغربه: اي صح هو بيطري!

عليا بفشله: ههههه اي هو هيج داكول يعني ماكلتي شي ثاني 

سمر بضحكه عرفت بيها كرشت: ان شاء الله خيرررررر  ،  تباوع الها صفح وتضحك

عليا: لا تربطين المواضيع هسه فدوه اروحلج خلي
نصيح مروه علمود تسولفين السالفه بالتفصيل عن
هذاك الرجال ابو الفشله  ، 
راحت تركض ماتت توتر
وخجل  ،  سمر مستغربه وتضحك عليها وراحت وراها

في المزرعه:

اياد: لك اشتاقيتلك ضلعييييي  ،  كالها وهو ديشرب جاي وصافن عليه يتأمل بي كلش يحبه

ديار:  طبعا تشتاق يابه  ،  فد يوم تعال اسويلك احلى سوشي بأيديه اني تقدمت بابا وتخطيت نفسي راح تنصدم مني  ،  كالها بفخر ويتفيك على اياد