جهه الحريم
ميلان صحت وكانت متنشطه بالحيل صحت شيماء ولا قامت راحت المطبخ مالقت اكل
ميلان:اوف الحين كيف اكل وانا جوعانه بشوف احد من العيال صاحي ولا بالفعل راحت ولقت رعد
لبست حجابها وطلعت
ميلان بهمس:هي
رعد:مين
ميلان:انا ميلان
رعد:وش بغيتي
ميلان:جوعان صح؟
رعد:لا ليه
ميلان:تقدر تروح الدكان حق جدي وتجيب اكل خفيف
رعد:ابشري
ميلان بهمس: تبشر بالجنه
وراح رعد وجاب الاغراض
ميلان يعطيك العافيه يا
قاطعها رعد:رعد
ابتسمت بخفه ودخلت
"بعد مده صحو الي في الديره"
شيماء شافت ميلان وشهقت:يحيوانه بدال انك صاحيه ليه ماصحتيني معك
ميلان:صحيتك بس انتي ماقمتي وسحبت عليك
شيماء غمزت لميلان وميلان فهمت على طول
ميلان:جيبي مويه والحقيني غرفه البنات
شيماء: من عيوني
راحو غرفه البنات وكبو عليهم مويه وانحاشو
طلعو تالين وابرار بيضربوا شيماء وميلان
الجده منيره ضحكت عليهم والجده مناير كذالك
راحو خلف الجدات الجده منيره:ماتلمسونهم هم في وجهي
ابرار:يجده تكفين
تالين:يجده رشو علينا مويه لييه طيب
الجده منيره:انا قلت لهم عشانكم ماتصحون
تالين:اذا انتي يجده قلتي فا السموحه منك
واشرت بيدها لشيماء وميلان
ميلان وشيماء قعدو يضحكون
ميلان:شيمي شرايك نروح عند جدي سعود وجدي عايض
شيماء:يعيون شيمي ابشري يلاا
راحو عند اجدادهم وانصدمو من العيال ركضو لبسو الجلال وطلعو لمحهم الجد سعود:تعالو يبناتي وقعد يهلي بميلان وشيماء والعيال مصدومين كيف تحول جدهم بس عشان ميلان وشيماء
الجد عايض:يميلان يبنتي نادي عماتك وبناتهم خليهم يجون
ميلان:ابشر يجدي
وراحت تناديهم وماهي دقايق الى كلهم جو
رعد:يجدي عايض
الجد عايض:لبيه يالرعد
رعد:ابيك بكلمه تعال
كلهم استغربو من الرعد الي طلب جده
تالين"بت ابرار شنسوي في ميلان وشيماء
ابرار دقت صدرها:ازهليها معليك اعلمهم
للمعلومية(عقاب ابو الرعد عايش في الرياض يعني زي راشد اما في البارت الاول كانو موجودين وامس راحو)
وافي:ياهلين بالعائله الكريم اوف ميلان ياهلا تعالي
ميلان ضحكت عليه وجات عنده حضنها وسلم على راسها
فراس:ول كل ذي المحبه لميلان مسويه لهم سحر ولا ايش
تركي كان يشرب مويه وطرطش على فراس
وانهار ضحك:تراها اختي يوصخ
فراس وهو يشتم تركي:الله لايلعنك يوصخ انت واختك وراح لبس ثوب جديد ورجع
وتركي للان منهار ضحك
عند الرعد وجده سعود
رعد بجديه:يجدي تذكر الي دخلته السجن
الجد سعود:لا
رعد:الي كان بيعتد*ي على شيماء
تراه طلع وحالف لا ينتقهم انا اعرف له بس انتو احرصو على البنات
دق كتفه بخفه وقال:ابشر يولدي
ورجعو رعد شاف العيال يضحكون على وافي الي امه منيره ضربته بالقروره عشان حضن ميلان
رعد بعصبيه:اسكتو بس تضحكون تستهبلون
فراس والدمعه تنزل اثر الضحك:رعد لو شفت جده منيره وش سوت ب وافي ضحكت زينا واكثر بعد
رعد لف وابتسم من شاف ميلان تسولف مع اخته شيماء ومندمجه معاها
واذن صلاه العصر وراحو العيال يصلون والبنات دخلو جوا يصلون
"بعد صلاه العصر"
سو قهوه وحطوها برا
ودخلو لين مايجون العيال
والجداد
رانيا:اوف يبنات لو شفتو الرعد كان موت يهبل مره
ابرار:اشغلتينا وياليت رعد معطيك وجه وضحكو البنات على رانيا الي تفشلت وطلعت
تالين:اعطتيها وحده ماتنساها
ميلان بضحكه:واحد صفر
وصارو يضحكون
"عند ابرار وتالين"
تالين"اسمعي وش نسوي لهم
ابرار تصدقين لازم نسوي لهم شي قوي مافكرت للان
تالين:تكفين ابي شي يبرد خاطري
ابرار:تبشرين يعيني
بعد دقيقه فكرت بمقلب جامد
ابرار:شرايك نحط مويه وصابون بغرفت ميلان وشيماء
تالين بحماس:ايهه المقلب حلللو زييك
ابرار:ماخذه الجمال منك يعمري يلا تعالي
حطو مويه وصابون ودخلو جوا الدولاب ويشوفون من الفتحه الصغيره
ارسلت ابرار ل ميلان تقول:ميلان جيبي معاك شيماء وتعالو غرفتكم بسرعه ركض وماهي الى دقيقه ودخلو وسرعان م طاحو وطلعو ابرار وتالين من الدولاب وصارو يضحكون عليهم قالت ميلان:مراح اخليكم يوصخين اوريكم
شيماء:هين انتي وياها وراحو بدلو ملابسهم
ولبسو جلالهم وطلعو برا ولقوهم متجمعين كلهم وقعدو عند البنات بترتيب ميلان"شيماء"رانيا"صفيه"سميه"ابرار"تالين"قمر"
دالين
الامهات منيره*مناير*خديجه*حيات*غيدا
عايض*سعود*رعد*تركي*فراس*نايف*خالد*
هيثم* ذيب" نجم*
كانو كلهم يسالفون الا فراس كان يطالع في دالين
رعد:ترا راعي الهوى مفضوح وغمز لفراس وكلهم ضحكو على فراس الي انحرج
فراس:حسبيك الله يالرعد
الجد سعود:يالرعد
رعد بصوته الرخيم:لبيه يجدي
رانيا شوي وتدوخ من صوته
رانيا بدلع وغنج:يجدي ليه مانروح استراحه
البنات تقرفو من صوتها
ميلان بهمس:يع الله يقرف عدوك
شيماء:صادقه وع
الجد عايض:نروح لاجل عين تكرم مدينه
ميلان شهقت وقالت بغرور:افا يجدي مو كانت الكلمه لي
ضحك الجد عايض:وقال انتي الاولى بقلبي بعد مناير
البنات بصراخ:عشناا يجدي
وضحكو
تالين راحت لجدها سعود:محد يدلعني غير جدي سعود
الجد سعود باس راسها:تتدلي ي بنتي
تالين اشرت على العيال:خليهم يودونا الاسنطبل
الجد سعود بتمثيل الحده:قومو ودو البنات الاسنطبل
رعد:رايح الدوام توصون شي يجداني
عوض وسعود:سلامتك
رعد:يسلمك شيماء تعالي كوي بدلتي
شيماء:جايتك يالرعد
رانيا بهمس لدالين:يحضها
دالين.:انطمي
رانيا:اوف منك يشيخه
فراس:بترحون الاسنطبل ولا
دالين:اي بنروح استنا شوي
فراس بهمس:تبشرين يعيني
"عند شيماء والرعد"
رعد:شيماء كويتي البدله
شيماء:اي ياعيوني
رعد ابتسم:تسلم عيونك الا بسالك ميلان بنت مين
شيماء بغمزه:شكلك طحت عليها ولا احد سمى عليك ماالومك جميله
رعد ضحك بخفه:صدق بنت مين
شيماء:بنت عمي راشد
رعد:اها يعطيك العافيه رايح انا
شيماء:ودعتك الله اسمع وانت جاي جيب شوكولاته خطيبتك المستقبليه
رعد بتمثيل للحده:بتسكتين ولا كيف
شيماء بخوف:طيب باي
رعد"باي
نزل تحت رعد قابل رانيا ماينكر انها حلوه بس انه صد واستغفر من الشيطان
ميلان دخلت وسرعان ماشهقت من شافت رانيا قريبه من رعد
رعد دفها :عمى يعميك ان شاءالله
رانيا بدلع وغنج:ليه ماتبيني انا ابيك
رعد راح وسحب عليها وشاف ميلان واقفه مصدومه
رعد:لاتفهمي غلط
ميلان:معليك عارفه
رعد ابتسم على جنب وراح
ميلان راحت لرانيا:يا قليله الادب تروحين لولد الناس ماتستحين انتي
رانيا:مالك دخل وان شاء الله بتزوجه وبصير زوجته
ميلان:ف احلامك يروحي رعد مايبيك باين
شيماء جات وسمعت السالفه كلها وقالت بنفسها
(باين ان ميلان حبت رععد اوف يالحماسس)
شيماء:صدق مايبيك رعد يبي وحده ثانيه
رانيا انقهرت وراحت
ميلان حست انها انصفقت لانها اعجاب
وقال بنفسها(بدال بيتزوج الله يتمم له على خير وذا اعجاب فقط)
ميلان: تعالي نلحق البنات للاسطنبل
شيماء:يلا
بعد مده رجعو وماشفو امهاتهم
دق جوال فراس
فراس:هلا
رعد: البنات عنندك
فراس:ايه ليه
رعد:بقولك شي لاتعلم احد طيب
فراس:قبل ماتقول وين الامهات وجداتنا
رعد:خديجه توفت
شهق وصارخ:ماتتت
رعد:عمى يعميك يشيخ
فراس طاح على ركبته وقفل من الرعد ركضو البنات له وقالو فراس شفيك امهاتنا ويين
فراس طالع ببنات راشد العيال عرفو
خالد:فراس ترا تركي ونايف راحو المستشفى عشان امهم ماتت
ميلان صارخت:وشش
خالد ضرب جبهته
تالين قعدت تبكي
ميلان:الانن تودوني عندها
وطاحت تصيح
فراس:البسو جلالكم وتعالو
فزو تالين وميلان يلبسون وراحو المستشفى
"المستشفى"
رعد عصب من شاف بنات راشد
ميلان ركضت لرعد ببكي:ويين امييي
رعد قعدها:اقعدي هنا امك تطلب الدعاء من وانتي تصيحين
ميلان حضنته بلا شعور منها وتصيح:ابي ماما تكفى يالرعد امي لاتروح وتصيح
رعد حضنها اكثر
تالين قعدت عند اختها وتحاول تمسك دموعها الي تنزل اجباري لين شافت ابوها واخوانها بحاله سيئه انهارت بحضن نايف
نايف بنبره مهزوزه:انا وتركي و ابوي معاكم لاتخافون
ميلان:محد بيعوض مكان الام يا نايف
رجعو البيت
الجد عوض:العزا بكرا
كلهم:ابشر
"بعد أسبوعين بدون احداث مهمه"
عند ميلان كانت تغني
اركض ورا ضلك
بجيك اركض ولا
احصل احد
ارسلت لها تالين تجي
ونزلت لقت كل العائله
وقعدت عند شيماء وسكووت
الجد سعود:ي ميلان
ميلان بهدوء:لبيه
الجد سعود: لبيتي بمنى قررت انا وجدك عايض وابوك نزوجك رعد
ميلان ببرود:اخذتو قراري طيب والا توفقون من عندكم؟؟؟
راشد:بنت احترمي جدك امك كانت موافق كمان
ميلان:الزواج ذا مراح يحصل لو طلعوتني جثه
الجد عايض بعصبيه:بتزوجينه غصب عليك مو برضاك والحين المملك يجي وتوافقين
ميلان ببرود:طيب بوافق معندي شي اخسره اساسا
الجد سعود بحزن على حفيدته:اذا ماتبين ي ميلان مراح نغصبك
ميلان بتحدي للرعد:بوافق عادي الزواج سنه الحياه يجدي
البنات يعرفون ان ميلان بتتحدا الرعد وبتنهزم لان الرعد محد يفوز عليه
جا المملك وكانت بكامل كشختها
ووافقت وتم زواجهم
ميلان: بدال انكم خليوتوني اوفق الزواج بعد خمس اشهر
الرعد:خير البر عاجله الزواج بعد شهر
الجد عايض:الزواج بعد شهر وانتهى
شرايكم في البارت يحلوين وكيف الاعصار الي جا فجاه موت خديجه وزواج الرعد و ميلان😉 بقطع عنكم اسبوع والبارتات جاهزه بس اني بقطع اسبوع تعرفون اختبارات الله الله بالنجوم يحلويني
