‎"احتليتِ القَّلب وصعب من يحتله "

15

في المستشفى عند حمود ~
حمود الي كان يدعي مايصير شي في امه وكان خايف عليها مره دخلت تسوي عميلتها وكان حمود بس يدعي انها تطلع بخير بعد دقايق
في غرفه العنود
العنود بصوت تعبان : هاتي لي ورقه يحبيبتي بكتب وصيه لولدي
الممرضة : سمي
لفت الورقه وخلتها عند الممرضة لو صار فيها شي تعطيها حمود
ببعد ساعتين طلع الدكتور والدكتوره بوجه حزين جداً على حمود، حمود : بشرو بخير؟
الدكتور الي صد وقال : الله يرحمها يارب
حمود الي صار كل شي اسود عنده وماكان احد يهتم فيه الا امه وماتت حس ان معد معه روح نزل راسه على الارض وبكاء بكاء شديد بس بدون صوت كانت كلها شهقات حزن على امه حمود الي رفع جواله وكلم ابوه
عثمان : هلا؟
حمود بصوت مكسور : امي توفت
عثمان جاته صدمه خفيفه بس ماحزن كان وجودها وعدمها واحد عثمان : جاييك مع خواتك
حمود : طيب
قفل جواله وطلع يتنفس برا ومو مصدق مره انها ماتت ..
عند ال ياسر الي حزنو وصارو يترحمون عليها وراحو لحمود يواسونه
في بيت عايض وكنوز ~
كنوز الي ماكانت تدري هي وعايض وجالسين يلعبون هتان
كنوز ببتسامه : شوف كيف يضحك برريء
عايض الي باسه وقاطعه جواله الي دق "ياسر"
ياسر : ارحب يبو هتان
عايض : البقى يبو مسفر
ياسر : ام حمود توفت وبنروح نعزي بدا العزا
كنوز الي شهقت وقالت بصوت خفيف الله يرحمهاا
عايض بحزن على حمود : يلا يلا جاييكم
كنوز : اروح معك؟
عايض : لا العزا في بيت جدي
كنوز : طيب
بعد اربع ايام من الحزن ~
هدى بصوت مرفوع : كيف تدرسين الجامعه هنا تستهبلين؟
رهف : طيب هنا التخصص الي ابيه مو موجود هناك!
هدى : بكيفتس كلمي ابوتس
رهف ببتسامه : كلمت ابوي ووافق
هدى : اجل انتبهي لنفستس يابنتي واهتمي لدراستس
رهف : ابشري
راحو كل اهل الصيفيات ومعد بقى في بيت الجد الا رهف والجده وحمود الي قعد عند جدانه بعد ماتوفت امه
في بيت ال راشد ~
تهاني : يارب الي في بطنتس بنت عشان نكشخها
همس ببتسامه : اي بنت سويت سونار وطلع بنت
تهاني : ي الوسخه يعني قد لك 4 شهور او اكثر ولاتعلمينا
همس بضحكه : مفاجأه الا صدق وين فارس ذا ماجا خطبتس
تهاني : بكره الملكه والزواج في نفس اليوم
همس : اما عاد ي البزر احسب بتقعدين سنه وبعدها تروحين
تهاني : لا وين ههههههههه
غدي : وين احمد ادوره من يوم ولاحصلته
همس ببتسامه : راح لدوامه ليه بغيتي شي؟
غدي : لا لا اسال بس
في بيت الجد ياسر ~
ساره : ودي اننا نروح لاابل جدتس تروحين معنا
رهف : مع ان علي اختبارات بس تم معكم ههههههه
ساره : اجل نادي حمود يسولف معنا هم يودينا
رهف ب احراج :  جده استحي اروح أناديه
ساره : انتس ذيك المره تساعبين انتي وياه ولااستحيتي
رهف : جده حكم شدخلني ههههههههه
ساره : ناديه بس
عند حمود الي كان نايم في المجلس وكانت تدق عليه الباب عشان يفتح وتعلمه
رهف : حمود بدخل ترا
دخلت وشافته نايم نومه تعب
رهف : حمود قومم جدتي تبيك
فز حمود من نومه وراح غسل وجه وقعد عند جدانه
الجد ياسر : راقد من صبح ي الرخمه والحين قدنا عصر
حمود ببتسامه : رجعت من الجامعه تعبان اكيد بنام يجد
الجد ياسر ببتسامه : فاضي تودينا البر؟
حمود ببتسامه : افضى لكم اذا ماني فاضي ابشرو ابشرو
طلع حمود يجيب سيارته ووقفها وجات رهف وكان معها اكل لاابل جدها موصيها تطلعها معها
حمود ببتسامه : تجين معنا
رهف : اي بجي
حمود : اطلق من يجي والله
رهف الي استحت ودخلت لسياره
في طريقهم للبل كان الجد ياسر يسولف ويقول قصايد لحفيده
قاطعهم صوت الجده الي قالت : ورا يدتس كذا مابها حنا
رهف : جده مااحبه يع
الجده الي ضحكت وقلدتها بصوت ناعم وضحكو كلهم عليها
بعد دقايق وصلو للبل وراحت رهف تصورهم وحمود يحلب الناقه لجده وكانو جالسين الشيبان وجلس معهم حمود
عند رهف الي كانت تصوره وكان ورها ناقه ضخمه وتلحقها وتركض رهف ومو راضيه تخليها الناقه
رهف بصوت مرفوع :  يمهههه
ساره الي التفتت عليها وقالت بضحكه: اقعدي محد بفازع لتس ، رهف ببكي الي ركضت عند حمود الي كان واقف يدور ابراج وقالت : حمود وخرها منييي
ابتسم حمود وطرد الناقه وجاتهم وحده من ورا رهف لاشعورياً حضنت حمود ووقف في مكانه وقال : وش فيتس
رهف الي ادركت الوضع وبعدت عنه : اسفه مب قصدي والله ، حمود ببتسامه : عادي ماصار الا كل خير
رجعو وجلسو مع جدانهم وبدو يسولفون طبيعي
في بيت كنوز وعايض ~
كنوز : بخاطري نطلع مكان برا الديره شرايك؟
عايض : عندي لتس مكان بيعجبتس اروح له اول قبل مااتزوجتس واقعد هناك ب الساعات مع خوياي
كنوز بفضول وينه ذا المكان
عايض الي مارد وركب السياره وبدا يغني لها بصوته الجميل وكانت كنوز مستمتعه معه وكان ولدهم في حضنهم
"لاشاف فالسجل اتصالك
ينطق بقوله حّـي ذالعين
قلبي لك لحالك حلالك
يابهجتي يادره العين "
عايض مسك يد كنوز وباسها وقال : ياعساني ماانحرم منتس انتي وهتان يدنيتي !
كنوز ببتسامه : امين يارب
قاطعهم بكاء هتان
كنوز : مافيني من سكته خذه ياعايض
عايض الي خذاه وحطه في حضنه وكملو طريقهم..
في اليوم التالي ~
الساعه 6:30
رهف الي دقت على حمود الباب وقالت:
حمود عادي توديني الجامعه؟
حمود وهي قاعد على جواله : اي اصلاً جامعتس بجينا اذا خلصتي دقي علي واجي اخذتس
رهف ببتسامه : تمام
طلعو وركبت رهف ورا ووداها الجامعه وراح لجامعته
في الجامعه عند رهف اول اليوم الي كانت جالسه لحالها وكانت قاعده تطقطق على جوالها رفعت راسها وجلست بجنبها "وسن "
وسن ببتسامه : هاي شكلك جديده هنا
رهف : اي شدراك؟
وسن : اعرف الي في الجامعه كلهم
رهف : اها ممكن تعلميني وين المحاضرة؟
وسن : انتي اول جامعه؟
رهف : اي
وسن : اطلعي مع الدرج ولفي يمين تلقين المحاضرة ترا قد بدت الدكتوره تشرح
رهف فزت وراحت بسرعه ودخلت محاضرتها ..
في مدرسه الثانوية عند تهاني ~
اروى : تستهبلين جايبه معش طراقيع!
تهاني : عادي ياخي خلونا نفلها بلا خوف
تهاني الي جات ورا المدرسه وبدت تطرقع وسمعتها هديل بنت المديره وراحت لامها ومسكو تهاني ودقو على فارس😭 سلمى : سريع تجي وتاخذ زوجتك وفصل اسبوعين كامله
فارس الي ضحك بعد ماقال وقال ماتتوب ذي
بعد 10 دقايق طلعت له وهي معصبه
فارس : القمي اسبوعين فصللل
تهاني : احسن اجازه حقت زواجنا ههههههههه
فارس الي ضحك وقال : صح صادقه مايمديش تاخذين اجازه حقت الزواج لان يحسبونا متزوجين هههههههه
فارس : وريني وجهش اشتقت له!
تهاني : بتشوفني اليوم ليه اوريك
فارس ببتسامه : اليوم ان شاءالله بين احضاني
تهاني برعب : يع!
فارس : وش يع تشوفين وش بسوي بش ههههههههه
تهاني : اهجد بس
نزل تهاني وراح لبيتهم
تعريف عن عائله فارس
نايف : عمره 51 متزوج بخديجة
خديجه : حنونه جداً وعصبيه في نفس الوقت عمرها 50
ذياب البكر : عمره 30 متزوج بس ماعليه عيال
فارس : الولد الثاني حنون جداً وكان محبوب جداً في العايله عمره 27
اروى : اخر العنقود صديقه تهاني المقربة عمرها 17
"في بيت ال نايف "
اروى وهي تشوف اخوها يتشكخ وطالع
اروى : وين رايح؟
فارس : اليوم زواجي
اروى : نعمممم !!
فارس ببتسامه : اي وربي
اروى : ليه محد قال لي شي!
فارس : زواج رجال بس
اروى : مين خذيت ؟
فارس : تهاني خويتش
اروى مثلت انه بيغمى عليها وقالت : توني شايفتها اليوم ولاتطري شي الحيوانه وربي فيها
فارس : تحسبني علمتش
اروى : وليه ماقلت لي ؟
فارس : مايخصش ههههههه
طلعت اروى وهي زعلانه ب الحيل منهم
في بيت ال ملفي ~
مطلق بمزح : وين زوجتس طولتي عندنا
ريما بضحكه شدخلك بيت ابوي وحمد عنده دوام وسافر لتبوك بيرجع بعد بكره واروح منكم هههههههه
مطلق : الحمدالله
طلع مطلق ودقت ريما عليه ~
حمد ببتسامه : ارحبي ارحبي
ريما : البقى يعيوني وينك اسبوع ولاتدق خير!
حمد : والله اشغال كيفتس انتي بخير؟
ريما ببتسامه : اي بخير متى تجي مشتاقه لك حيلل
حمد ببتسامه: بجيتس بكره الصبح وباخذتس
ريما بحب : تمام انتظرك ..
وبكذا خلص البارت شرايكم ❤️❤️
لاتنسون النجمه يحلواتي 😋⭐️
قربت النهايه ..