العيال بالبر الساعه2 ظهرًا
وليد: ياعيال مو اتفقنا نقعد بالبر لين 11 ونرجع؟
راكان بضحك: يرجال احسن ذلحين لا رجعنا بنلقى المدير عافي وبيعرف اننا هربنا ويعاقبنا كالعاده
هشام: طيب يعيال جعت والله ماكلت شيء من صحيت
راكان بعد ماوقف: ابشر يلا خلونا ناخذ العزبه ونمشي
رجعو للسكن ودخلو من الباب الخلفي للسكن عشان مايمسكهم الحارس
رجعو لغرفتهم الي فيها غرام تروشو بسرعه وتكشخو
راكان: يلا يعيال نورح نف…
ماكمل جملته الا ودرعم عليهم المدير عافي وهو متكتف
وقال: ماشاءالله بتفطرون اجل؟ ثم صرخ لدرجة غرام فزت من نومتها وهي ماسكه على صدرها: وينننن كنتتووو مننننن الساعهه ٦ الصباح؟!!
هشام بلع ريقه وتقدم للمدير وباس راسه: شدعوه رحنا البر كالعاده يـَا عمي عافي
ابتسم عافي وقال: على المكتب انت وياه
غرام بعد ماطلعو: يمهه هذول وشز يخرعوني من نومي شذول العيال اهخ بغى قلبي يطيحح خل اقوم بس قبل يجون ويخربون جوي
طلعو ووتوجهو للمكتب واكلو تعهد كالعاده
طلعو الثلاثه من المكتب متوجهين لغرفتهم وقال راكان:
اااوووف! الحين كيف بنفطر بالله؟!!! ومحد فينا متسنع يسوي فطور لنا!
وليد اول مافك الباب بحماس: يعيال تشمون الريحه؟
هشام: اي جايه من المطبخ!
راكان بحماس: يعيال امشو نقلط معاه وربي جوعان
هشام: يلا
غرام وهي تصرخ من المطبخ وماسكه الجوال: ريناد ييححيوانهه قومي ساعدي هدى
ريناد: تعبانهه
فتح راكان باب المطبخ ومعاه هشام و وليد توجه لغرام الي جالسه على الجوال: ماشاءالله شذي الريحه الحلوه؟ انت الي مسوي الفطور
غرام ببرود: شدخلك؟
راكان بغضب: يورع؟؟! تقول لي شدخلك؟ تبيني افرشك هنا؟
غرام بغضب: تخسي وتعقب ياورع مابقى الا الطعس انت تفرشني
مسك راكان ياقة غرام وقرب وجهه من وجهها: اسمع ياورع تراك تلعب مع الشخص الخطا بعطيك فرصه تعتذر لي
بعدت غرام يده عن ملابسها ونطقت: تخسي اعتذر منك!!!!
وهجمت عليه وسددت له ضربات ورا بعض وهو برضو سدد لها ضربات ورا بعض وسمعو البنات الصوت وجو وانصدمو من العيال الي نبهتهم غرام انهم يشوفونهم بس لما ريناد شافت غرام تتهاوش مع واحد راحت ومسكت وليد وتهاوشت معاه وهدى مسكت هشام تتهاوش معاه
درعم عليهم المدير عافي من ازعاجهم وقال: وجع إن شاءالله وش خليتو للبزارين؟!!! امش انت وياه عالمكتب الان!!
تركت غرام شعر راكان وشمقت له وطلعت اول وحده ولحقوها ريناد وهدى وراكان وشلته وراهم
بالمكتب…
المدير بغضب: ممكن اعرف شصاير؟! يعني راكان وشلته دايم مشكله جديده متعودين لكن انتم!؟ من اول يوم لكم على طول هوشه؟!
غرام بعد ماقلبت عيونها وهي تأشر على راكان: ذا الطويل هو الي بدا درعم علينا و يدور فطور عندنا بالغصب!
راكان وهو يناظر لـغرام بصدمه ويتوعد لها: اقول اسكت يالخكري لا اجلدك مره ثانيه انت والخكاريه الي وراك مدري شجايبهم عندنا!
غرام بغضب: ججرب بس يالطعس وربي لاكسر ايدك وان مديت ايدك على اخوات.... قصدي اخواني وربي لاكسر ايدك
المدير بغضب: بسس انت ويااااه عزّام وراكان! تراكم مو اطفال!
وحول انظاره لـ ريناد و وليد: وانت وياه لي تهاوشتو!؟
ريناد ببرود وهي تلعب باظافرها: صراحه شفته يعزز لخويه وهو يضرب اخوي عزّام قهرني عشان كذا جلدته
وليد ببرود: اسسكت يالخكريي
ناظرته ريناد ببرود وشمقت له وانقهر وليد من ريناد واقترب منها كان بيصفقها بس مسكت يده بقوه
صرخ المدير وقال: ببببسسس!! وقدامي بعد! ناظر لـ ريناد ماتركت يد وليد: انت فهد صح؟
ريناد بعدم الامبالاة: صح
ثم ناظر لـ هشام و هدى ونطق: مايحتاج تقولون اكيد انكم فزعتو بالهوشه زي الجحلط ذولي ، وناظر لـ هدى وقال: انت فراس ، عزام وفهد وفراس من اول يوم لكم مضاربه؟! وش خليتو للدوام؟
غرام ببرود وغضب: اقول انت ترا خلاص ازعجتنا واذا اول يوم لنا! خلاص قلنا لك الطفس ذا قل ادبه علي وعلمته الادب وين المشكله!
ناظرها راكان بغضب وكان وده لو يتضارب معاها لكن مسك نفسه
خارج القصه.
اكيد بتسالوني(وش جايب هدى وريناد عند غرام؟!) يجماعه مارح احط البارت حقهم بس القصه هي بالمختصر انو هدى ماتحملت السكن عند البنات لانهم مايتهاوشون بس هادئين وكلمت ريناد وريناد وافقت الرائي معاها واتصلت على غرام تحل لهم المشكله واقترحت لهم غرام بانهم يجون ، وافقو وقصو شعورهم ولبسو المشد زي غرام و وصلو السكن ودخلو وعرفو انفسهم للمدير واتجهو لغرفة غرام يسوون الفطور ويسولفون مع بعض
