هلو اشلونكم شخباركم مشتاقين ❤🤍
...
ولو انك مو دمع ماضمتك عيني،
ولو انك كحل ما شالتك عيني ،
يلوموني و احسك تكبر بـ روحي،
يلوموني ، وانآ بلا شوفتك شينفعن عيوني ،
يـ شوفي ورجوتي و دنياي،
دنياتي و لوني وعذابي ،
بسمتي و شكواي و ضنوني.
يـ خيعونك علية ،
وبيك خيعوني.
....
بس هيهاتتتت اسكتت عن حقي اخذ حقي يعني اخذه هاذ الي تعلمته واني صغيره لزمت الكلاص الكزاز الموجود وركعته براس ابوي بكل قوتي اتفلش الكلاص واتناثر بل كاع وصوت ابوي رج البيت رج لازم راسه الي كام ينزل من عنده الدم
حسيت هاي نهايتي لان ادري بي راح يموتني لان ضربته جسمي صار يرجف اصراخ امي وعمتي وابوي الي لازم راسه ويصرخ رحت اخذت كل فلوسي الي بل كاع والي بجيبه وطلعت من البيت كله اركض واتلفت خايفه اعرف ابوي ما راح يعديها الي على خيـر
كلبي دكاته سريعه من خوفي كمت امشي بين الافرع والشوارع واتلفتت اخاف احد وراي امشي بسرعه وي كل خطوه اكول يا علي بل كوه اسحب النفس من الهبطه بس والله حيل بي تعبي هاذ صالي شكد الملم بيهن وهسه مد ايده عليهن وباكهن شلون اله نفس بيهن وهنه البته؟ احس روحي مو بنته من وره سوالفه وياي صار اليل واني افتر اخاف ارجع ويطلع ميت بنفس الوكت اخاف ارجع ويطيح بيه ويكتلني؟ ضليت حايره ارجع لو لا؟
اخير شيء شجعت نفسي ورجعت امشي واني امثل القوه دخلت البيت هدوء مابي اي صوت تفاجئت؟ معقوله هل هدوء ما قبل العاصفه؟؟ اني طبيت للصاله واشوف ابوي امدد على الكرويته وراسه ملفوف بشاش وبل كاع كاعده امي يمه وعمتي تفتر فوك راسهم قادر كاعد على جهه ولازم جهازه يخابر همه شافوني لو انكلب البيت صار يصيحون ويحجون اجه قادر عليه يركض يريد يلزمني دفعته حيل من صدره وكعته بل كاع وركضت للغرفه سديتها عليه لان ادري بي يريد يضربني
واني لازم كلبي اسمعهم ضلو يفشرون وقادر خبص البيت عود لان دفعته مسوي روحه زلمه ابو المخدرات ما اهتميت الهم وفلوسي ضميتهن بمكان امن وطفيت ضوه الغرفه ونمت..
فزيت من النوم باوعت الساعه بل 4 الصبح جوعانه وشبعانه نوم كمت من الفراش وعدلته ورحت فتحت الباب على كيف باوعت الصاله مابيهه اي احد اطمئنيت شوي ورحت للمطبخ البيت هدوء كلهم نايمين انشالله نامت عليكم طابوكه
فتحت الثلاجه وشفت عدنه جبن هاذ المنقذ طلعته وحميت خبز وسويت جاي وكعدت بل كاع اكل الحد ما شبعت حمدت ربي وكمت غسلت الاماعين وغسلت اديه ورحت بره بل حوش الدنيه بعدها ضلام ضليت كاعده اباوع على السمه ما جايني نوم ابد جهازي جان يمي اجتني رساله فتحتها جان مكتوب
" ارتاحي هل فتره وانتي تباوعين للسمه بعد اجم يوم متشوفينها 'جحيمج بنتضارج' "
نفس الرقم؟ نفس الرقم الي راسلني ذيج المره؟ وهم بس شفتها انحضرت؟ دخيلك يا ربي منو هاذ؟ شيريد مني شنو جحيمي؟ هواي اجت براسي سوألات
شدرا اني اباوع للسمه؟ وتحديدن بهل وقت؟ منو هاذ؟ الخوف سيطر على كل جزء بجسمي وهاي اول مره هيج اخاف.
أنت تقرأ
جحيم الابتر
General Fictionيتنهد وكأنه يحاول أن يُطفئ حريقًا ما في صدره" مالي احسُ أنني روحٌ غريبٌ في الحياة . وكُلّ قَلب، كونٌ من الأسرار" ما زلتُ ذاك الذي عرفته للمرة الأولى، لكن أقل أملًا وأكثر حزنًا" بعد الكذبة الأولى، كل الحقيقة شك." ولكنّي اليوم غير الأمس تمامًا،...
