كلمت فيروز صاحبتها بليل بعد ما باباها نام هو ومراته و فعلا تاني يوم كانوا عندها بعد لما فيروز قالت لابوها انها عايزه تنزل تشتري حاجات هيا و اختها و كانت مجهزه الشنط و حاطاها عند جارتهم
مره واحده تليفون فيروز رن وهي كانت عارفه ان ممكن يكون حد تبع باباها او ابن عمها علشان كده قفلت تليفونها عدى اسبوع على هروب فيروز واختها جاسمين وباباها ومحمد بيدوروا عليهم هما الاتنين لحد ما في يوم.....
قررت فيروز انها تنزل تشتغل علشان ما تكونش تقيله على صاحبتها وفعلا نزلت فيروز ودورت على شغل لحد ما لقت شغل في محل ملابس حريمي
دخلت المحل وهي خايفه انها تشوف حد يعرفها وسالت عن المُرتب وقالت لهم انها عايزه تشتغل وفعلا اشتغلت في المحل و كانت بتروح كل يوم من الساعه 9:00 الصبح وبترجع الساعه 8:00 بالليل
وفي مره وهي نازله شافت محمد ابن عمها معرفتش تعمل ايه ولا تستخبى فين فضلت تجري لحد ما وصلت بيت صاحبتها وطلعت وحكت لصاحبتها على كل حاجه
الي كان اسمها (نرمين) و عندها 21 سنه عايشه لوحدها بعد ما اهلها توفوا في حادثة عربيه بتشتغل وبتصرف علي نفسها
(نرمين) انا قلت لك يا فيروز من الاول متنزليش تشتغلي دلوقتي انتي عارفه ان ابن عمك عنده شركات في الاسكندريه كثير وهتلاقيه هنا في اي وقت انت عندك حل واحد بس انك تنتقبي وانتي نازله وبكده محدش هيعرفك خالص (فيروز) تصدقي فعلا يا نرمين عندك حق انا بفكر انتقب بس انا هجيب النقاب ده دلوقتي منين انا مينفعش انزل
(نرمين) متقلقيش انا هنزل وهشتريلك كم طقم للمنتقبين وكم نقاب علشان تعرفي تنزلي
ولو ينفع تقول لصاحبه الشغل انك تعبانه النهارده ومش هتقدري تيجي هتبقى احسن حاجه
فعلا رنت فيروز و استئذنت من صاحبة الشغل انها متجيش في اليوم ده
،نزلت نرمين و اشترت لفيروز لبس هي واختها ولما طلعت قاسوا الفساتين والحاجات اللي هي كانت جايباها وطلعت حلوه
(فيروز) مش عارفه اشكرك ازاي بجد يا نرمين ان شاء الله اول لما هقبض هديكي الفلوس بتاعت الحاجه علي طول
(نرمين) تديني فلوس ايه يا فيروز انت هبله يا بنتي احنا اخوات انا مش عايزه منك حاجه خلي فلوسك معاكي
(فيروز) بجد مش عارفه اشكرك ازاي يا نرمين
(نرمين) ولا شكر ولا حاجه يا حبيبتي يلا ادخلي نامي انتي و اختك علشان تصحوا بدري
(فيروز) طيب ماشي
دخلت فيروز هيا و اختها يناموا ، بعد ساعتين قامو مفزوعين من صوت التخبيط الجامد اللي كان على باب الشقه واللي شويه كمان وباب الشقه هيتكسر منه
قامت نرمين هي فيروز و بيتسحبوا يشوفوا مين
اتفاجات فيروز بباباها وابن عمها ومكنتش عارفه تعمل ايه ولا هتستخبى فين هي و اختها اقترحت نرمين عليهم ان هم ينزلوا البدروم ويستخبوا ورا الكراتين الموجوده لحد ما تخلص معاهم الحوار وتمنعهم ان هم يدخلوا يفتشوا الشقه
YOU ARE READING
ذوبني عشقها
Mystery / Thrillerمابين حب و حب ظلام عزيز القارئ اتمنا ان يعجبك هذا المشروع الصغير اتنظر تعليق عليها✨🌻
