طيحولي.
هاي الفترة متعوب
كل لحظة يبدي وياي الغروب
طكني الوقت خسران محبوب
دافن الدنيه وجاي منهوب
هد من حيلي ثكال الحمول
طكات وكتي وطكت احجول
ملجوم كلبي وينعه ويكول
موش برصاصة .. بولفي مكتول
وسير عليه البين غباش
كحل اعيون وياي ماعاش
تابوت صار بعيني الفراش
وغرفت منامي نكلبت نعاش
متعافي وكتي يكاطف حجار
ما نحجي حك الجار عجار
هلمره لاح ضلوعي الكصار
وجمرة فراكك بعيني خطار
ذواق مو اي شي اريده
ما تقتنع روحي
العنيدة
كون الأحطن ايدي بايده
مالح مثل بيت القصيدة
وتمشي الايام وتبقى الجروح
صارت عتيقة وباقية تفوح
تعبني جرحك حيل مفضوح
لا باقي ولا رضه يروح ..!
و...
فاجئتني بهذا حجيك عود شاطر
وجارح بكلبي مشاعر واني شاعر
کمت ماحب حته اكشخ
کمت ماحب حته اسافر
کله جان الصوج بيه
کمت اجازف كمت اخاطر
جنت افكر وادري راح اخسرك
واني ماكاسرلي جامه
شلون بيك اكسر خواطر
ضايج ومغثوث كلش
اني مثل الماتخلف طلكوها
وكالو عليها انتي عاكر
حاير وصدكني حاير
دايخ ويوجعني كلبي
مدري
منك
مدري من كد الجكاير
حيل تعبان بوداعك
بس وحقك جاي اكابر
ضلمه ومتيه طريجي بنص مكابر
سبب نتفارك بلحضه
وسبب ثاني
بقيت .انته.... ومشيت اني
درت وجهي... ونزل دمعي
ومسحت عيوني برداني
يلمخليك وسط العين
اوجوك بسرعه تنساني
تعال وفرغ امجاني
وذا هليله ما تنسى
طلقه براس العشك احط وخلص
تره يوز بيه شيطاني
تعال الكلبي أذاني
تعال الجرح ما يلتم
أنت تقرأ
خواطر （ンげ慰
General Fictionكل ما يدور في داخلنا هو عباره عن احساس نابع من القلب فالاحساس هو اساس موهبه الشخص
