Securing The String

Prologue

'Sorry talaga, but hindi ko kaya i-reciprocate 'yung feelings mo. But, I really appreciate your efforts and feelings for me. Thank you parin, Sam!'

'Yan ang bungad ng umaga ko from Zavi. Mapait akong napangiti nang mabasa ko ang reply niya sa confession ko kagabi. Ang bait naman nitong mang-reject!

So this is how 'take the risk or lose the chance' works, huh. Dapat talaga hindi na ako nakinig sa TikTok eh! Hay!

Matamlay akong nag-ayos para pumasok sa school. Aaminin ko, mabigat ang pakiramdam ko because of the result of me taking the risk. Don't get me wrong, I really understand what he truly feels and I'm so thankful that he was honest with me... hindi ko lang talaga maiwasang masaktan ng kaunti.

Yes, slight lang. He was just my happy crush for two months! Makaka-move on din naman ako sakaniya.

***

Or so I thought...

Because three months after confessing to Zavi... nandito pa rin ako. Stuck with the feelings I have for him! Hindi ko alam kung paanong nangyari. Basta alam ko lang na I am slowly falling for him deeply.

Sa loob ng tatlong buwan pagkatapos noong rejection na 'yon. Mas nakilala ko siya. I've seen different versions of him... kaya mas lalo akong nahulog.

My friends call me pathetic pero, damn... I really can't get him out of my mind! Ang bait naman kasi! Kahit na ni-reject niya ako hindi pa din nag-iba ang trato niya sa akin! We've known each other since Grade 11 'cause we're in the same class. And suddenly, after the first semester of our grade twelveth year, biglang we're in the same circle na!

Pero hindi kami ganoon ka-close. But now! Mas lalo kaming nagkalapit dahil nga nasa iisang circle na lang kami! Nakakashit! Hindi talaga ako pinagbibigyan ni universe para umusad sakaniya.

Katulad ngayon...

"Libre mo 'ko, Gio! Kahit palamig lang oh!" Pangungulit ko kay Gio, he's also the same circle as me... bestfriend siya ni Zavi.

"Wala na akong pera, teh! Simot na simot na sa ambagan! At saksi ka doon dahil ikaw ang Finance Officer! Ikaw ang naniningil!" Simangot niyang singhal sa akin na inirapan ko naman.

"Damot nito! Parang hindi tayo BFF ng three months, two weeks, and one day ah!" Panunumbat ko sakaniya. Context? Naging magkaibigan lang din kasi kami nang masama sila ni Zavi sa circle of friends namin.

Nginisian niya lang ako at lumingon sa paligid na para bang may sikreto siyang sasabihin, "Alam mo kung kanino ka papa-libre?" Ngingisi-ngisi niyang sabi sa akin.

Nangunot naman ang noo ko sa sinabi niya, "Kanino?"

Lumapit siya sa tainga ko at bumulong, "Kay Zavi,"

Tinulak ko ang mukha niya palayo sa akin dahil sa kalokohang sinasabi niya! Ayoko nga! Alam ni Zavi ang feelings ko sakaniya at alam niya din namang hindi pa ako nakakamove-on, kaya as much as possible ayokong dumidikit o kinakausap siya. Dahil baka isipin niyang tinatake advantage ko siya 'no!

"Ayoko na pala! 'Wag na pala, may lima pa pala ako dito!" Tanggi ko agad sakaniya.

"Sus! Lima? Wala nang lima ngayon, Sis! Sampu na palamig 'di ba, 'Te?" Baling niya sa tindera na siyang tumango din!