علي : والله بطرانه دطلبيها فلوس موجوده بكثر شعر راسج
من الفرحه ما صدكت طفرت عليه حضنته وهوه ضل صافن استوعبت انو انا كاعده بحضنه وطفرت جوه للمطبخ احس حموت بدمي
طلبتها وكالوا ثلاث ايام وتوصل لان باربيل صعدت فوك انام بعدني محاطه راسي على المخده اتصل فونه فتح الخط وطكها صفنه وشرايين ركبته برزت انتفض من الفراش وعاط بصوت ......
علي : ششلللوونننن رغدددد مااااتتتتتتت ........
_گأن شعوري وقتها كقاض ينصف العدل بأعدام ابنه الوحيد
_صرت هيلة بوسط هاون
العطر للغير والدگات بيه.
_"لم أكن طفلة حتى في طفولتي"
_ لم تعُد هُناك إي عِباره تَشرح مَانا عليه .
"اغمضتها كي لا تفيض فأمطرت" .
سد الخط وطفر اخذ سيارته وطلع وانا بوسط الصدمه شنو رغد ماتت شنو تشتغل بأربيل الكلام مداينربط عندي اتصل الفون رفعته
علي : طلعي للسياره بسررعهه ولملي ملابسج
لميت الملابس والغراض بالجنطه وسديت الباب ونزلت للسياره وطار بيه طير دخلني لمنطقه تخوف وكلها زلم داكين وشوم والبيوت تعبانه
اتصل فونه
علي : ها يابه
_ وين انت يوم
علي : ستوني طبيت للبتاوين يوم صبري
_ يلا حبيبي انتظرك
نزلني يم بيت طابقين چبير وحلو فتحت الباب مره چبيره بالعمر
علياء : تعاي يمه تفضلي لاتستحين البيت بيتچ
علي : يوم انتبهي عليها بين ماارجع
علياء : بين عيوني
اعاين للبيت بين حديقه بيها مرجوحه وانا احب المرجوحه من انا وصغيره
دخلت للبيت ما شاء الله دخلت بنيه يطلع عمرها بالعشرين
زينب : شرفت بواكة الزلم
علياء : اسكتي لچ
زينب : اي حبيبتي اني مرته للعميد اخاف متدرين
فرح : تركي البنيه زينب
صاحت علياء اصعد للغرفه بين اني وداصعد افكر بكلامها شنو مرته للعميد
دخلت لغرفه چبيره فراش نفرين والغرفه اثاثها صاج رصاصي ودولاب ابيض وفضي حلوه وديكورها خفيف ونازك
علياء : يمه اني ام علي ارتاحي رتبي ملابسج خوش يمه لاتستحين البيت بيتچ
ابرار : تمام عمه شكرا
سديت الباب رحت للحمام اخذت شاور رتبت ملابسي وكملت اجيت اخذت فوني اريد اتصل على علي اتصلت مره اولى ميرد ثانيه بالثاله رد
علي : هها بويه
ابرار : اريد امي
علي :شنوو مدااسمع شيي
ابرار : اسمه صوت صريخ بچي صياح يمه دموعي بدت تنزل وانا مادري لساني انعقد وشعور محلو
علي : ابرار بويه صاير شي
ابرار : هها شنو صار
علي : من اجي افهمج كلشي اكلتي شي
ابرار : دموعي تتسابق بالنزول لا
علي : لاتعبيني بويه نزلي اكلي لخاطري واخذي علاجچ
ابرار : تماام
طفيت الاتصال وانا افكر امي ماتت يعني انا هساع مالي احد غير البريعصي
تعوذت من الشيطان نزلت جوه عاينت عمتي كاعده بالغرفه رحت يمها
علياء : هلا يمه
ابرار : عمه جوعانه
علياء : اي يمه روحي لهاي الغرفه الي بصفي بيها فرح تصبلچ غده
دكيت الباب
فرح: منو
ابرار : اني
فرح : تعاي طبي
ابرار : فتحت الباب ودخلت عندها ولد وبنيه صغيرونه عادي تصبيلي غده جوعانه
فرح: تدللين حبيبتي
ابرار : انت يحلو شنو اسمك
منصور
ابرار : فدوه حبيبي
منصور : وهاي اختي رزان انت ملت عمو
فرح : اي ماما منصور هاي مرت عمو
ابرار : فدوه الله يحفظهم الج
فرح : حبيبتي ان شاء الله اشوف جهالكم انت وعلي
ابرار : همست بالاحلام
فرح : ها شتكولين
ابرار : ان شاء الله عمري
أنت تقرأ
بَراءةُ العَـلي
Actionقصة درامية بأمتياز حاضر فيها الدرامة ، التضحية ، الاكشن ، الحقد ، القوه ، الجبروت رأيتك تقترب والنور يختار الفرار من عيني اليك.... يؤرقني ذلك البريق فلا استطيع حينها المقاومة اسقط شهيده عند قدميك فلا فرار منك يريحني ولا مكوث يشعرني بالسكون...
