اي اجت مره واني كاعده ع البلوكات الي بابنا
جان تكول
دلال:ابو وئام جوه؟
أية:اي
دلال:صيحي
أيه:هسه
ع نياتي ورحت اصيحه جان ابوي طلع وانصدم وجهه صار ينطي الوان
امي كلتله
امال:منو هاي؟
حسن:ب بعدين بعددددددين طبييي جوهه
دخلت امي واني بقيت صافنه
ابن خال ابوي اسمه حيدر فد حباب عرفها منو الضاهر لان كال لابوي
حيدر:ابو وئام ادخل
حسن:هسه
اني شكيت بالموضوع
بس سكتت دخلت للبيت كاعدين بالغرفه حيدر كلي
حيدر:ايوته تعرفين تركصين
أية:اييي جا ليش
حيدر: اركصي الي جا
أية:غمض جا
ا
خوي علي كمز
علي:يلا يلا ولك غمض
غمض هو
اية:لا لا بطلت فتح عيونك ولك
اختي نور للمغرب رجعت من المعهد
واني وزهراء مستمرين نداوم
وره ايام امي الضاهر كشفت ابوي والصدمة
امال:نور ابوج متزوج
كلنا صفنا
اني تجمعت الدموع بعيني بس سكتت كمت من العشى ورحت انام
ابستمت لا ارادي وتذكرت
صديقه اختي فاطمه لمن اجتنا جانت حامل
واني طلعت الها كالتالي
روى:يا فدوه اتمنى بتي تطلع حلوه مثلج
اكتفيت بالابتسامه
وشوي وراحت صديقه اختي
رجعت للواقع ع صوت طكطكه
كعدت الصبح جانت جمعه
واخواتي كاعدات يم امي
وابوي اختفى من يومها بعد ميجي النا نهائيا
صرت ابجي واخابره ميرد
اخوي حمودي متعلم ع ابوي يكله انت نصف من روحي
جا نصف روحك تبجي عليك بويه
صعدت ابجي
ليش مو مثل البنات ابوي مايريدنا ليش
حمودي بليل اسمعه يشهك قبل مينام
وابجي ع بجيه
ثاني يوم حضرت حتى امشي للمدرسه ورحنه بدون فلوس لان ابوي صار اسبوع ماكو
واخوي علي يشتغل حلاق،صباغ
ويسوك النا
رجعت اكلت ونمت كعدت المغرب دنيا ثلج
وتمطرررر والسقف يقطر مي علينا
كمت ابجي اخوي حمودي يبجي وياي وامي حايره
بيوم وليله صرنا عاجزين عن كلشي
كلت لامي
أية:يمه جوعانه ويم العشه
امال:اي هسه نصب اكعدي
كعدت وانتضرت العشه اخوي علي اجه
هم كعدنه ع صينيه
دمعت عيني ع غياب ابوي مادري شصار بي
وكل يوم صرت ادعيله
حتى يرجع واتوسل برب العالمين بس كون يرجع ابوي
شفت الاكل امي مسويه
خيار وطماطه ومخليه ملح وبصفه طرشي
كتلها
أية:يمه هاي العشه ؟
امال:اي
اكلت واني ساكته ولو ماحب بس هيج لكن مجبورين ماعدنا
كمت من الاكل حضرت دروسي
كعدت الصبح امي تحجي وياي
غسلت ورحت للمدرسه بس انطوني ربع الي وربع لزهراء
اشتريت جبس
رجعنا لكيت اختي وئام هي ورجلها عدنا
مسوكين النا اشكال
لليل وحمودي كام يبجي
امال:شبيك حمودي
محمد:يمه اذني اذني
امال:شبيها ليش توجعك منو ضربك ؟
محمد:مادري يمه
ويبجي بنحيب
علاوي جان تعبان ونايم
خابرنه ع ابوي
اجه ابوي ولاول مره اشوفه بعد غياب اشهر
بجيت كتله
أية:بويه وين جنت
مجاوبني
كالي روحي اصعدي بسيارتي لا تطفى
طلعت لكيت سيارته من هاي العاليه و
الفلوس الي بيها ماينعدن
ابوي الي جان يصرخ بوجهي اذا اطلب ربع
صاير حال ومال
كعدت بسيارته واني عيوني مدمعه وخايفه وحدي بشارع
كبل من شفت السياره تكفي هواي ناس
ذكرت صديقتي جنه من كالت
جنه: أية شفت ابوج يشتغل بالكراجات ودانا الكربلاء وسئلته عنج كال زينه
اجه كلج مو؟
أية:ايي كلي
بس جذب ابوي مكايلي سكتت وبلعت الغصه
بدينا نعدل بيتنا وصار احسن من قبل اختي نور كالت
باجر يجي خطيبي احمد يشوفني
كيفت لان دائما يشتريلي
ثاني يوم رجعت من المدرسه وطلعت للشارع
جاي العب وي البنات ركيضان مااحس غير
وكعت ع وجهي ملابس تدمرن
ركباتي تعورن والدم الي يحري منهن فضيييييييع
دخلت واني ابجي لكيت احمد كاعد بالبراني
ونور يمه رحت يم نور ابجي
وهي تسكت بيه احمد كلي
احمد: باجر اجيبلج لعابه بس لا تطلعين بشارع
اية:اي خوش
صدك ثاني يوم جابلي لعابه واخذتها للمدرسه راويتها لجنه صديقتي
من رجعت تغديت واختي وئام كلتلي
وئام:ايه هاج حاجي ابوي
أية:اي
حاجيته وكل الحجي الي كتله اله جذب واستحي منه بس شسوي لازم يحس هو اب ليش عايفنه ورايح مدري وين ليش
كتله
أية:بويه متجي ما تكول اكلوا شربوا
احتركوا شبيك ليش ماتجينا.
اكتفى بجاوبة بكلمه
حسن:ها!خوش خوش بعدين
وكطعه اجه رجل عمتي يشوفنا محتاجين شي
وئام:لا عمو تسلم ما محتاجين شي
كاضم:عمي هم حاجيتوا ابوكم
وئام:اي عمو ايوته حاجته وكلتله ليش متجينا
شوفنا احتركنا اكلنا شبعنا
كاضم:هاااا صدك عمي ؟ وشكال؟
وئام: اكتفى بالسكوت يا عمو
كاضم:عمو ايوته عدج فلوس مصرف محتاجين شي
أية:لا عمو تسلم اي عدي
كاضم:هاج عمي هاج أخذي لا ترديني
اية:لا عمو ماريد
كاضم:مو كلت لا ترديني شبيج عمي اخذي اني مثل ابوج
أية:دمعت وهزيت راسي بأي وأخذت الفلوس.
توجعني كلمه مثل ابوج والله بس سكتت
مرت اياااااام واجه علاوي يرركض لامي
علي: يمه يمه جدي مريض وخابرني يبجي
امال:يمه خطيه روح جيبه
مشى علاوي بـ12 بليل يركض جابه طلعت بشارع لكيتهم بعد5بيوت عنا رحت ركض لجدي
أية:جدي شلونك.
ماجاوبني جدي ويرجف من البرد ومريضض
وبجيت ع حاله
طببنا للبيت
انطا فلوس لاخوي علاوي كله
علي:هاك جدي علاوي جيبلي ركي
راح علاوي اخوي يجيبله ركي
كعدت يم جدي وبجيت كتله
أية:جدي مريض؟جدي ليش ترجف؟
علي: حبيبتي يا جدي مابيه شي بس بردان
أية:جدي اروح اجيبلك بطانيه
علي:لا جدي هسه دفيت،انت كليلي شلونج
نجحتي لا ابوج هم يحاجيكم يجيكم
أية:اي جدي حاجيته واجه بس مره
سكت جدي مرت ايام واشهر وحياتنا نمارسها بصعوبه
وفجاءه اختي زينب طاحت طيحه مرض وماتحجي
ولا تاكل واحنا ماعدنا فلوس حتى ناخذها للطبيب
امي كل قوتها خذتها العلويه كاتبها
العلويه:ام وئام مسويلكم سحر وطايح بهاي بنتج عالجوها ام وئام لان صاير عدها مس جن
وشوفي واحد روحاني أخذوها اله
امال: هزيت راسي وسكتت
ماتدري بحالنا كوه تدبر العيشه
رجعت امي للبيت وصارت تسمع اختي زينب قران
وهي بس تستمع ودموعها تجريي
احمد خطيب نور دلانا ع روحاني
اخذت زينب من جدي فلوس وراحت للدكتور
تحاليل وبس صرف وانطاها علاج
ورجعت بس تبقى الفائده الروحاني اضبط
ومن رجعت جايبه لفات وياها كتبها
أية:شنو زاد من فلوسج وجبتي عشه النا
زينب:لا شفت ابوي بالسوك مأنق واخذنا لفات فلافل
واجرنا تكسي ههههه هاي كل قوته ابونا.
سكتت وزينب سكتت وكلنا ع الاكل اجتنا الغصه
شهرين وامي دبرت فلوس اخذت اختي زينب لل روحاني
وجان يطلع ب زينب شي
ابد ابد ابد ما متوقعي
ومن كال طبعا انصدمنا كلنه وهي زينب صدمتها اقوى اكيد
كال لامي بنتج بيها..............
أنت تقرأ
ما كنت أخـفية أعضم
Mystery / Thrillerحدوث بين عائلة متشتتة البقاء ع حبل رفيع - هُنالِكَ ضَجيجٌ في رأسي اشبهُ بالصرير ، فهل يوجدُ بابٌ في داخلِهُ ياتُرى ؟ لا أعلم فأنَ صريرَ هذا الباب يزدادُ في كُلِ ليلة ، أهٍ كم أنَ هذا الباب قديم .
