مهره الشيخ علي

البارت السابع

طلعت اعدل بملابسي وشفت كبالي نفس الولد الي يخزر بيه
بددددلي لبسج يلا
رهف،،، عفوا شبيك منوو انته
ماايهم انا منوو جاي اكلج غيري لبسج شنوو شوفي اديج تور
رهف،،، انته شبيك شهل خبال وخر يلا
ررررهف لاتتندكين بيه غيري لبببسج احسن الج
رهف،،،، هسه وخر شبيك اطلع من غرفتي يلا
اذااا مااندمج فلا اطلع شيخ علي
هسه تعالو نعرفكم على الشيخ علي
علي عمري ٣٠سنه شيخ عشيره وضابط عصبي كلش اقل شي، يعصبي احب الكل يسمع كلمتي اكره لعناد وكت اجت رهف وشفت هيج لبسها عقل مضل براسي تخبلت دخلت العالم لمضيف كتلهم راح اصعد ابدل وصعدت لغرفتها شفتها شلبست بعد تخببلت غرررت عليها موو بيدي احبها وهيا شحجت وياي تحلف بيها مااعيدها الها نزلت وانا معصب كلش عفتها فوك ماريد اذيها واخليها تكرهني
نرجع لرهف
هذا شبي يااا شلون يصيح عليه بسيطه اله انزل بيهن شنو يعني، شبي لبسي هوا منوو واذا الشيخ علي امده والله
نزلت جوه كعدت يم ماما وسولف وضحك وياها والبنات هم ردت اروح لمطبخ وياه البنات بس ميقبل وماما هم كوه قبلت ورحت يمهن اجه ابن عمي بس شنو هل ابن عم واحد عينه زايخه كلش زايعته الكاع  اجه سلم عليه
مومن،،، هلا بت العم
رهف،،، هلا بيك خويه
مومن الحمدلله على سلامتج مجنت متوقع هيج حلوه
ردت ارد عليه وسمعت صوت صياح وراه
(نرجع لعلي)
عفتها ونزلت دخلت لمضيف وربعي اجو كتلهم نريد جاي كلت لااحمد مااشوف اله مومن طفر هوا يجيب وراح وطول وانا ادري، بمومن عينه زايخه وطايح حض كمت رحت وراه واشوف كال لرهف مجنت متوقع هيج حلوه وانا عقل مضل براسي كتله موووومن اطللللع مننا اذا اششششوفك اجيت لمطبخ ررجلك اكسرررها واشيلها الك وخزرت رهف وطلعت وكلت مستحيل اعديها لرهف سكتت وكعدت يم ربعي
(نرجع لرهف)
شفته من الشيخ عاط بمومن خفت ومن خزرني دم مابقه بيه سويت نفسي مخايفه ورجعت الخزره اله
وكامو البنات يصبن غده وانا كمت ساعدتهن كوه قبلن اساعدهن خلصن غده وصعدت ارتاح فوك دخلت لغرفه بدلت ولبست

تقريبن مثل هاي بس سوده
لبستها لميت شعري بقراصه ونمت حسيت احد بغرفتي ويلعب بشعري جنت كلش نعسانه مهتميت عبالي ماما وحسيت احد باس كصتي وطلع كضيتها نومه تخببل (نروح لعلي) صبو غده وخلصنه غده وربعي راحو والعالم كلها كامت تخف كتلهم اصعد ارتاح فوك  حممت ودخلت ابيت لان اعرف اكو بنات بل بيت حممت وسلمت عليهن وستغربت عيني مالمحت رهف
سىلت اختي يقين
خل اعرفكم عليها
هلووو انا يقين عمري ١٤سنه ادرس واخت علوش، االصغيره والمدلله مالته سمعت علي يصيح الي
نزلت 
يقين،،، هاا علوش حبيبي
علي،،، تعالي يقينتي شلونج بويه
حجت وهيا تحضن علي تمام خويه وانته شلونك
علي،، عساج يروح اخوج احمم رهف وين
يقين،،،، احمم احمم علوش، حبيبي ليش تسىل عليها
علي،،، انجبي وجاوبيني
يقين،،، ههههههه صعدت ترتاح
علي،،،، هاا اوك انا هم اصعد ارتاح
حجت يقين وهيا تغمز لعلي
يقين،،، اي خويه روح ارتاح تعبان انته😉😉😉
علي،،،  انجبي لااجيلج
يقين،،،، هههههه تمام رايحه
علي،،،، تمام يقينتي
ردت اروح لغرفتي واجت عيني على غرفت رهف رجليه خذني، لغرفت رهف
رحت شفتها نايمه وشعرها نازل على وجيها كمت اعرك من بحدي استغفرت ربي بستها براسها وغطيتها عدل وطلعت دخلت لغرفتي وسبحت وشغلت السبلت ونمت
(نروح لرهف ) كعدت من النوم على صوت ماما بستها بيدها
رهف،،،، جعل محد يكعدني غيرج
ماما،،، يروحي بنيتي يلا نزلي عماتج والكل جاي يشوفج عيب تبقين نايمه
رهف،،، تمام ماماتي
دخلت سبحت ونشفت شعري وسحبته وفعته بقراصه نزلت منه شويه على وجهي ولبست هيج

لبست هيج ونزلت وانا اركض ونصدمت بشخص

انتضرررونه البارت الجاي
ياتره رهف بمنو نصدمت
وهل رهف راح تحب علي لو لا حممماسسسس