~القاسي_والبريئة
~بقلمي_ام_اسد
~البارت_الثامن ......
إيليان : قرب عرس رؤى والكل مخبوص تنظيف وتجهيز وكوومة شغلات اني مجرد اباوع عليهم من باب الغرفة ومحمد يجيبلي الأخبار من اقري كملنا الغدا اجت رؤى بدلت ونرجس هم لابسة تريد تطلع
نرجس : كملتي رؤى
رؤى : اي كملت إيليان راح نروح للصالون ونونة يمج تبقى هيَ نايمة يم امي من تگعد لعبيها خوش
نرجس : ومن تگعد بالج عليها مو تتعور فدوة
إيليان : اي ميخالف
رؤى : يلة گلبي رايحين بالج على نفسج وعلى الجهال
إيليان : طلعت اتلفت مثل الحرامي صحت محمد
محمد : هاا
إيليان : تعال يمي لتطلع برا منو هنا
محمد : محد هنا تعاي طلعي نلعب طوبة برا
إيليان : لا رؤى متقبل تعال نروح يم الحجية خاف نونة تگعد طبيت جوا لگيتهن نايمات بقينة نفتر محمد طلع برا بقيت وحدي شفت البيت فارغ فتحت الثلاجة مترددة طلعت جبن سويت لفة اكلتها بعدني جوعانة طلعت طماطة ثرمت ماعون ترستة وملح وخبز استوني تربعت اجة عمار ذبيت اللگمة و گمت اريد للغرفة رجعني صوتة يصيح وراي تعاي
عمار : تعاي بابا تعاي شبيج مخروعة كملي اكل
إيليان : شبعت ماريد بعد
عمار _ اكلي بابا كملي لا تخافين رايح انا ليش تاكلين هيج تردين اجيبلج شي من برا
إيليان : هزيت راسي بـ لاا ابتسم وطلع بقيت اتلفت خاف بعدة موجود گعدت اكمل اكل رجعت كلشي لمكانة اجة محمد بيدة علاگة
محمد : تعاي اكلي وياي بابا اشترالنة حلويات كوومة
إيليان : فرغهن بالگاع التهينة نسولف وناكل اجت نونة تضحك هيَ استوها تمشي وسنونها بس ثنين وشعرها منكوش من النوم منظرها يضحك ام خدووود تعاي اجت تربعت تضحك اخذت جبس تاكل شوية وذبتة تريد ككو انطيتها وكلتها لحد ما شبعت شربتها مي غصت گامت تبجي طلعتها برا نلعبها طوبة يالة سكتت اني اشمر لمحمد وهوة يردها الي
التهينة لحد ما اندك الباب ركض محمد فتحة واجة جسر من نظرتة ذبيت الطوبة وركضت للغرفة ارجف حتى رؤى ماكو خاف يضربني ويطردني تغطيت ونمت بقت عيني الباب ماكو صوت بعد ما طلعت من الغرفة لحد ما غفيت فزيت على صوت رؤى انصدمت بجمالها حالة شعرها العبارة عن صفار لو وجها اليلمع وحواجبها الثخان يخبلن
رؤى : شلونها الأميرة الناعسة شنو خلصتي الوقت نوم
إيليان : لا جنت برا اكلت ولعبنة ونونة اكلت اشترالنة عمار كومة حلويات بس اجة جسر وطبيت
رؤى : اويلي ويا جسر الما تخلص سالفتة گليلي شلون طالعة
إيليان : قمر على الأرض
أنت تقرأ
القاسي والبريئة
General Fictionمآ اجّمل الصَبر ؛ حينَ يكوﻥ" نِهآيتهُہ , شيء يُسعِد القلب
