أزْر ألامْت

.⁷.

العيون استراحن هودن بالشوف
والگلوب التقن وبشوگنا احترگن
- سمير صبيح ..

____________________

ماس :انصدمت من عرفته حيه ضليت ابجي وارجف

غيهبان : يله امشي خلي نزور

_طلعنه وطول الطريق اني ابجي واسبح ونسيت مرض غيهبان ونسيت كلشي يخصه وصلنه لكربلاء ونزلنه

ماس :وحق هذا المكان المقدس اني ماكو احد بحياتي ولا احد لامسني غيرك ، بس عاصي اخوك مسلمته بيد العباس ابو فاضل واريد حقي منه

_حسيت غيهبان برد بس ضل متوتر من سالفة عاصي
دخلت زرت لزمت الشباك وابجي مادري ابجي على حظي لو على مرض غيهبان لو من سحر عاصي

:شبسج حبيبه تبجين

ماس: باوعت ع مصدر الصوت جانت مره متوسطة العمر وجه نوراني ،سولفت اله على كل حياتي والي مريت بى وعلى السحر

: شوفي حبيبه منطول انتي مؤمنه حتجاوزين كلشي وسالفت السحر حللج يمي كلما تحسين علليكم سحر اقري سورة طه على المي ورشي بالبيت وعلى ملابس زوجج ويروح كل سحر

_ تشكرت منه ورجعت للبيت سويت نفس مكلتلي
مرت فتره وصراعاتي ويه غيهبان مانتهت وكل فتره يترك دواه وتتراجع حالته النفسيه مرت السنوات للحد مدخلنه بسنة ٢٠٠٣

ماس : اي ياغيهبان احجي ويا انتَ مو ابو جان مثل الورد درجاته اجنن هو وصل للثالث متوسط وعنجر

غيهبان : اي وذا موزين بالدراسه خلي مو اله يكمل هاي موجوده التريله يشتغل بيه

ماس : هو من كام يسمع حجيك تلهس على السيارات وبعد متهمه الدراسه

_مرت فتره أيليا عاد سنه ثانيه بالثالث متوسط وموزين بدراسته وتركه وكام يشتغل ويه ابو بالسيارات والتجاره
وجنت مراضيه على هيج شي لان الشهاده مهمه وردته يكمل بس مقبل مرت فتره جان رمضان جنه كاعدين اندك الباب

ماس : منو جاي بهيج وكت

غيهبان : هسه حشوف

_ فتحت الباب شفت اخويه سراج وجه احمر وعيونه مدمعه

غيهيان : خيرك شبيك

سراج : اللحك غيهبااان ابوووووي ماااااات

غيهبان : انجب شنو ابوي مات شدتحجيييي شبييك

سراج : مادري كعد الفجرر صلى ورجع نام رحت ردت اكعده لكيته ميت

ماس : من دريت بموتت عمي عبدالله كللش انقهرت عليه لان جان رجال حقاني ويخاف الله بس بعد شنو نسوي الموت حق وكلنه على هذا الطريق