قوت الخيال

البارت الـ4

بـسم الله الرحمن الرحيم
بدايه البارت الرابع ان شاء الله يعجبكم

شعر من قاموسي :

طِحت من عينك انا ؟
الصوچ مو بيه ،
" انا الكُلش چبير وعينك شوية ".!،
ـــــــــــــــــــــــــــــــــــــــــــــــــــــــــــــــــــــــــــــ

ميثاق: لماار تعاليي وينج

لمار: ها يمةة جيت

ميثاق: يمة ابوج يريد يحجي وياج

لمار: يمة وينة ابوي

ميثاق: كاعد هناك بالصالة

لمار: تمام يمة رايحة ، رحت للصالة لكيت ابوي كاعد يباوع على التلفزيون ويشرب چاي شافني

حازم: تعالي لمار تعالي

لمار: ها يابة جيت

حازم: بوية مثل متعرفين الدنيا قسمة ونصيب والبشر ميكمل دينة اذا مو زواج البارحة اجوج خطابة بيت فاضل المعروفين بشركاتهم وعقاراتهم ديطلبون ايدج لأبنهم الصغير امجد شتگولين موافقه حتى نرد الجواب للعالم

لمار: ضليت بحيرة خاف اكول اي ويكللهم وهمَ عدهم فاتحة وخاف اكول لا ومينطيني بعد ضليت صافنة شوي وفززني صوت ابوي

حازم: بنيتي اخذي راحتج بس العالم تريد جواب بسرعة

لمار: تنهدت واخذت نفس وگلت أي موافقة

حازم: مبروك بنيتي ان شاء الله اليوم اردلهم هالخبر الحلو يبعد ابوج انتِ

لمار: ان شاء الله گمت طلعت لغرفتي احس الي سويتة غلط همَ عدهم فاتحة واني ادور عرس امداج لمار شسويتي
ـــــــــــــــــــــــــــــــــــــــــــــــــــــــــــــــــــــــــــــــ
قوت: اليوم الثاني لفاتحة أبوي بيتنا مگلوب وامي ماشافت العافيه من يوم الي راح أبوي احس البيت اضلم بدونة كلهم بنص وخيال بنص يفتر ويصيح على اخوتة وليش يصيح مادري شلون متحملي هذول المهم تنهدت وطلعت للمطبخ اشوف نسوان خوالي خطية ممقصرات بالاكل والشغل صاحتني مرت خالي

نهاد: حبيبة بلا أمر عليج انطي هاي الصينية لمصطفى يوديها للرجال ولو انتِ متگدرين بس والله خالج ميخلي وحدة تطلع انتِ بس صيحي لتطلعين

قوت: اي خالة ادللي ، رحت باوعت من الشباك الي يصير ع الحوش شفت مرتضى وخيال وفاروق ورجال وياهم ما اعرفة اتوقع واحد من اصدقائهم

قوت: مرتضى تعاالل ماسمعني صحت اعلى مرتضى تعععاللل شافني مرتضى واجى علية اجت عيني بعين خيال ويخزرني مادرت اله بال لان مالي خلك سوالفة التعبانة

مرتضى: أمريني بنت العم

قوت: لا يأمر عليك ضالم بس عمة نهاد تريدك تاخذ الصواني