قعدت سارة قدامها و هي تمسحلها على شعرها شوية هكا و دخل لؤي و في يدو الماكلة
لؤي : ماما هي تتعشاي
سارة : من قبيل مفطنتش
لؤي : ماما عمي فؤاد قال بلي دارولها مهدئ باش تترتاح غدوة الصباح تنوض متقلقيش روحك
سارة : ولات تتعب بزاف في خدمتها و ليامات هادو مشي قاعدة تاكول و زادت ضعافت
لؤي : يا ماما بنتك هادي رأسها يابس شوفي تنوض برك نعود نوكلها بيدي و زيد بابا أو هدر مع عمي فؤاد و عطاوها كونجي شهر
سارة : نتا تاني ماكش تاكول و نهار كامل فالخدمة
لؤي : درك تكومباري فيا انا السبع بالنمالة تاعك هادي يا ماما مقدر خوفك علينا بصح متخميش عليا ولدك راجل
سارة : ربي يحفظكم ليا أن شاء الله
لؤي : هيا نتعشاو أي بردت لماكلة
غدوا الصباح
حلت عينيها و هي معلابالهاش وين راهي حتى ستوعبت بلي راهي فlhopital من السيروم لي لاسق في يدها شافت مها لي راقدة فوق lfotuille و لؤي لي راقد فوق الكرسي و حاكم يدها لي just حكمتو ناض
نور : لؤي
لؤي سلملها على يدها : bonjour princesse
نور : bonjour mon héro
لؤي : اكي CV
نور : CV CV عطشانة لؤي
لؤي راح جابلها الما و نوض سارة
حكاو شوية حتى دخل فهد و سليم و معاهم فؤاد
راح فهد عندها و سلملها على رأسها
فهد : CV بنتي
نور : الحمد الله بابا
سليم قعد قدامها : خوفتيني عليك نور
نور : متخافش جدو حمى برك
سليم : و l'animé واش حكايتها
نور : انا عندي animé
فؤاد : oui و قاوية
نور : سامحوني غلبتكم معايا
لؤي : تعبك راحة متزيديش تخوفينا عليك
نور : وكتاه نخرج
فؤاد : غدوة
نور : علاااه خلي درك
فؤاد : جسمك ضعيف لازم نمودلك les vitamines و السيروم
نور : بابا ربي يعيشك كون نبقى هنا لي نمرض
سليم : خرجها فهد
فهد : فؤاد نقدروا نخرجوها
فؤاد : تخرج ليوم بصح لعشيا محال نخليها تخرج درك
سليم : خلاص نور بلا نقاش لعشيا تخرجي
لؤي : بابا ادي ماما ليل كامل مرقدتش مليح و ادي جدوا تعرفوا يكره les hôpitaux
فهد : ok
قعد لؤي مع نور وقت حكاو فيه و ضحكو و زاد جا ادم و رهف
ادم : كيفاه راهي ma princesse
نور : راهي très bien
دخل و مدلها شوكولا
ادم : شتي appel a day واش دير ؟
نور : ادم لؤي كفا ووفا خلاص درك نعود نفطر بالحلبة تساعدكم هكا ؟
رهف : نور سامحيني
نور : علاه واش درتي
رهف : حاسة انا السبة كون قلت لماما فطيمة كون مخلاتكش تخدمي و دوخي
نور : رهف خلاص فاتت و d'abord كنت Monque هكا خير درك يشبعوني تقلاش مليحة كي تشوفي لي يحبوك يخافو عليك
هي تهدر و تخبطها مخدة على وجهها من عند لؤي
لؤي : مليحة كي تشوفيهم حايموتو بالخوف وزيد يرقدو على كرسي يسناو فيك تنوضي
نور : sorry 🥺
رهف : ادم لازم تروح دير تصريح بالخروج راح الحال
لؤي : ايه عندها الحق
نور : جبتيلي قش ؟
رهف : ايه جبتلك سورفات تاعك لغوز
نور : merci
رهف : كون غير جبت معايا bluch و غلوس وجهك راهو صفر
نور : nrml
راح ادم دار تصريح و خرجوا راحو للدار
فالفيلا
فطيمة : نورة وجدتو الغدا يخي كيما وصيتكم
نورة : متخميش طيبت كلش كيما تفاهمنا بصح علابالك نور متاكلش الكبدة
فطيمة : بلعاني تاكل الصحن بكل على صحتها لي هاملتها
سليم : ربي يهديك ديرولها عدس
ليلى : ياا تفاهمتو على الطفلة ديرولها غير فالماكلة لي تكرهها العدس و الكبدة
فطيمة : اسكتي لا نزيد نكمل الطابلة بطاجين الزيتون لي تكرهوا بنتك
هوما يهدرو و تدخل نور مع لؤي و ادم و رهف وراهم
و بعد فقرة العناق و القبلات تأتي فقرة العشاء
فهد : طول اسيف
زيد: عيطلي قالي 15 min نكون فالدار
نور : معليش تسناوني نروح نلبس بيجامتي ملئ جيت و انا مصدرة في وسطكم كي العروسة
طلعت دوشت راحت لبست بيجامتها الوردي و خلات شعرها مطلوق بعد ما نشفتو شعرها رطب حريييير دارت البارفان تعها و هبطت لقاتهم يسناو فيها
سليم : كانت جاية رهف تعيطلك
رمات عينها لاسيف لي منحاش عينو عليها
اسيف : cousin ça va
نور : bien الحمد الله
كانت الضحكة في وجهها بصح راحت كي شافت الكبدة و العدس
نور : ماما وشنو هذا
فطيمة : تاكلي بسيف
نور : مها مانكولش
فطيمة : يا تاكلي يا تاكلك البليغة
دورت شافت مهاهوم بكل و عينيها بالدموع
ادم : ما غاضتني مسكينة
فطيمة : تكمل صحنها و مازال جو تاع البيطراف يسنا
داقت لقمات بسيف باه عقبتهم و زربت ناضت
نور : شبعت
فهد : يا نور كملي ماكلتك باه تبراي لازم تاكلي باه تشربي دواك
مهى حبت تنقد الموقف : نور تقدري تجي معايا نسحقك بصحتكم
ناضت و نوضتها حضنتها نور و دخلت لبيتها حاكمتها القنطة جيعانة و ماكلات والو
زادو جابتلها فطيمة الجو و قعدت معاها
نور : فطومة جدو أو يعيط
فطيمة : لا لا ماهوش يعيط اشربي
نور: درك تروحي نشرب
فطيمة : لا لا تشربيه و تكملي الكاس باه نروح
حتمت نور هذاك الجو بسيف
كانت قاعدة في بيتها حتى طبطب الباب
نور : ادخل
دخل اسيف و نور مشوكية من وكتاه يجي اسيف عندها
اسيف : وجدي روحك بالسكات و اهبطي اني فالطوموبيل
نور : علاه وين رايحين
اسيف : البسي و اهبطي متحوسيش تفهمي
نور : attend نقول لبابا لكان خلاني نجي
اسيف : قلت لسليم مكلاه ازربي
لبست نور سالوبات جين و معاها تيشرت غوز خلات شعرها مطلوق و هبطت لقات جدها مزال قاعد يقرا فالقرآن فالصالون
سليم : قالي اسيف بلي مخرجك انا خليتكم
نور : اوك
ركبت فالطوموبيل
نور : اسيف وين مديني
اسيف : ماكيش جيعانة؟ انا شفتك متعشيتيش قلت ندير الخير و نديك تاكلي
نور : ياااا صح ايه جيعانة
بقاو طول الطريق ساكتين حتى نطق اسيف
اسيف : اكي CV درك
نور : oui الحمد الله
اسيل بقا ساكت و يشوف معاها مبعد قالها : خوفتينا عليك نور
شافت معاه و مقدرت تقول والو اصلا شاكة راهي في حلمة من وكتاه اسيف يخرجها و يخاف عليها
وصلو للمطعم راقي هبطو و دخلو و بعد ما قعدو نطق اسيف
اسيف : وشبيك تلعبي بصوابعك و مهبطة راسك اهدري وش حابة
نور : لا والو
اسيف : نوور نعرفك
نور : انا حابة ناكل طاكوس و بطاطا هنا ما يبيعوش
اسيف : صح و علاه مهدرتيش تحشمي مني
نور : لا منحشمش
اسيف : ممم باين هيا نوضي نروحو
ركبوا فالطوموبيل و بعد مدة من السكوت شافت نور مع اسيف لي طرشق بالضحك
نور : وشبيك ضحكنا معاك
اسيف : قداه بعد عمرك
شافت معاه نور و عينيها مدمعين كيفاه هي تعرف كلشي عليه و هو حتى عمرها ميعارفوش
نور : 25 ans
اسيف : قبيل نشوف معاك فال la ristorant تباني وحدة عندها 14ans بالسالوبات هاذي
نور : اولا نتا مقلتليش وين مديني و ثانيا منقدرش ندير make up علا خاطر درت skin care و ثالثا انا نحب روحي كيما انا و اديني لدار بطلت منكولش
اسيف : وشبيها ma cousine زعفت زيد جيتي كيوت تهبلي
دارت نور شافت معاه و دورت للطاقة وجهها زعفان بصح لداخل طايرة بالفرحة
وصلو و دخلو قعدو و كموندالها طاكوس و البطاطا و قعد يشوف معاها و هي تاكل تبان طفلة صغيرة
نور : نتا متكلش
اسيف : و الكبدة شكون كملها قبيل
نور : مانكولش وحدي كول معايا و عطاتو من ماكلتها
اسيف : لالا cutie كولي نتي مكليتيش انا راني شبعان
نور : كيما تحب
كملت ماكلتها و ناضو زاد داها كلات لاكريم و روحو للدار
نور : merci اسيف
اسيف عدللها شعرها ورا ودنها : بلا مزية cutie
تبسمت معاه و قلبها فالتسعين و هبطت تجري لبيتها لبست بيجاتها و تكات في سريرها و هي تتفكر في كل second معاه و رقدت بعد مع عدات اجمل نهار
