#الجزءالثامن_والعشرون
#عودةإبليس
جدتى….
بقي يا نهي هونت عليكي مافيش فى مرة تقولي أشوف مرات عمي وانتى يا مها تطلعي عارفه ومتقوليش ليا 😓
مها…
عزيز كلمني بالليل وفهمني هو قال إيه ل جدته بالظبط علشان ملخبطتش فى الكلام وقالي أنه مفهم نهي كل حاجه
علشان كدا قولت ل جدته والله ما أعرف حاجه غير لما كنت عندك
عزيز لما شافني ببكي علشان عيالي خلاص هيتجوزا وأنا معرفش اتصرف لوحدى ومافيش حد جنبي قولت له ان نهي صاحبتي الوحيدة راح قالي وقتها أنها عايشه لكن ممنوع حد يشوفها وان الجن مانعها غير كدا أنا معرفش إي حاجه حتى اسأليها
نهي….
مافيش حد كان يعرف إنى عايشه غير عزيز بس وكبير الجان أمر عزيز إن ممنوع يقول لحد وإلا هيمنعه أنه يشوفني
وبعد كدا عزيز أتعرف ع ميسان وحبها واتجوزها وبقت عايشه معايا وكان بيجي يشوفها ويطمن عليا ويرجع تاني لحد ما ميسان استسمحت كبار الجان أنها عاوزة تحضر تجهيزات الفرح وتكون موجودة جنب جوزها كفرد من العيله وقتها بس وافقوا إنى أحضر ولولا كدا مكنتش عرفت أبدا أجي واشوفكم
جدتى….
خلاص يابنتي لكي عذرك وكفايه عليا إنى شوفتك بخير ودول بقي عيال عزيز يااااه فرحة قلبي بهم عارفه يا نهي أنا كنت بقعد اكلم نفسي وأنا لوحدى وكان صعبان عليا حال عزيز لكن دلوقتي
انا مبسوطة اوي وأنا قاعدة كدا وكلكم حواليا وبكره يا مها عيالك يتجوزا وتفرحي بعيالهم حواليكي يارب جمعنا دايما ولا تفرقنا ابداااا
ام عبدالله
الدكتور عزيز اخدنى فى المستشفي فوق وطلب منهم يعملولى تحاليل واشعات وأفضل قاعدة لحد ما النتيجه تطلع علشان الدكتور يحدد ليا العلاج اللى همشي عليه بس مش عارفه ليه قالي خلي سهي عاوزها تشوف المكان اللى هعمله للعلاج الطبيعي ولما عبدالله يرجع هشغله فيه ويبقي جنبك هنا بدل ما يسافر ويبعد عنك
بصراحه مش عارفه أرد جمايله فين ربنا يحميه ويوسع رزقه
سهي…..
ببص لقيت نفسي فى المغسله قدام التلاجات حسيت أنى متخشبه ولقيت 😲القطط قدامى مش عارفه دخلت إزاي ولقيت الدكتور عزيز قال بصوت عالى لوفيرا لوفيرا آن الأوان
ببص لقيت دخان كتير وخارج منه واحدة شكلها أعوذ بالله من منظرها لها قرون وبشرتها زى الفحم المتولع. اللى لونه اسود والنار. مخلياه لونه محمر ولسه هصر'خ لقيت اللى بيشدنى ببص لقيتهم القطط ومرة واحدة لقيت حجمهم بيكبر وبيطول وشكلهم بيتغير وبيتحول ل بني آدمين ولقيتهم بقوا راجل وست وطفله صغيرة والراجل شدنى ووقفني جنب الست والطفله وراح يمسك فى الدكتورعزيز ويقوله أنا حذرتك. إياك تقرب منها
ولقيت الست اللي متفحمه. اللى خرجت من الدخان بتضحك بشكلها المخيف. وبصوت ير'عب وبتقرب مني وفجأة شاورت بأيدها لقيت الست والبنت الصغيرة ارتفعوا فى الهواء واتخبطوا فى الحيطه ووقعوا ومرة واحدة لقيت نفسي برتفع لفوق وبقيت واقفه فى الهواء وحسيت زى ما يكون روحى بتتسحب و فجأة ظهر نور ملئ المكان مكنتش قادرة افتح عيني منه وبعدها محستش بأي حاجة
