Noong una tayong nagkita
Unang impresyon na nakita
Kung kumilos ka ay parang brusko
Sa akin ay palaging mainit ang iyong dugo
Sa unang araw ng klase
Di ko akalaing ikaw ay makatabi
Napagbintangan pa ako ng ating kaklase
Na iginuguhit ko raw ang iyong imahe
Doon nagsimula ang ating pagtatalo
Ngunit lagi ka namang asar talo
Di ko na mawari ang aking sarili
Na ako ay napapangiti sa nangyayari
At waring kulang ang araw ko
Pag di nasilayan ang mukha mo
Ang buong akala ko
Hindi ka problemado
Dahil isa kang masiyahing babae
At palagi kitang nakikitang nakangiti
Marami ka palang inililihim
Na mga poot at sakit na kinikimkim
Magmula noon di na kita ginugulo
Na kahit ang ugali ko na ayaw magpatalo
Unti unti na tayong nagin magkaibigan
Magkasama na sa saya at dramahan
Di ko nalang napansin
Na ang aking damdamin
Ay nahuhulog na sa dating kalaban
Na ngayon ay matalik nang kaibigan
