وتعزف الحياة على اوتار قلبي

بارت 2

الشاعر ايهاب المالكي

ماردت احبك حاولت من لفضة اسمك حاذرت جلمه وشلتها من الحجي ومن اللسان اخفيتها وبيبان روحي مقفله وعلا احب سديتهه صلفه امنياتي الرادتك سالتني عنك بس صمت كلش ولا حجيتهه كالتلي وينه جاوبت ماادري مادلينها ماردت احس حبك لن كبلك الروح انطيتها

مريم : احجي شبيج تبجين امج وياج

بتول : لا مو امي

مريم : لا تخبليني احجي جا

بتول : من اني وصغيره واكفوني لابن عمي مصطفى واسمعهم يكولون بتول لمصطفى كبرت الحجايه بكلبي وصرت احبه بكل يوم يمر احبه أكثر حب بريء تابع حجيهم مايوم شفت من مصطفى هتمام لو تقرب ويوم وره يوم كبر حبه بكلبي عمري صار 15سنه ضليت انتبه التصرفاته دامن معتزل ومايشاركنه ومايوم حجه وياي غير سلام عكس كمال اشوفه شلون يحب مريم ومهتم اله عرفت أنه هو مايحبني بس بعد مو بيدي حبيته حب من طرف واحد همه زرعو بكلبي واني بعمر مراهقه أتمناه يبادلني بس دائم يصدني ويفهمني هو ماريدني اليوم أجيت لبيت عمي ميثم جنه كل حنه بلمطبخ فكدت مصطفى ماكو ردت اسال مريم بس اخواني موجودين كالت خلي اصعد اشوفه وأسلم عليه دكيت بابه ماكو مره ثانيه هم ماكو ردت انزل شي بداخلي كالي خلي ادخل دخلت لغرفته ماجان موجود شفت قميصه على جربايه رحت أخذته وبسته
انوب رحت لعطره اشم بي غمضت عيوني وجان اسمع الباب ينفتح فتحت عيوني وجان اشوف مصطفى

مصطفى :شسوين بغرفتي

بتول: هاااا

مصطفى :وشنو فهمت من ها

بتول :ردت اسلم عليك ومالكيتك

مصطفى:. الي يسلم يشم بلعطر بتول شوفي اني احترمج وعزج عوفي هاي تصرفات بعدج صغيره

بتول :تره بس شميت عطرك مابكته

مصطفى :فدوه الج بس انتي تدرين بشنو اقصد

بتول :خجلت ردت اطلع لازم ايدي هاي اول مره يلازم ايدي كلبي ضل يدك اطبول

مصطفى: بتول انتي مانقصج شي جمال واخلاق لا ضوجين من كلامي المصلحتج لا تمشين بحجيهم ماريدج تتعلقين بشي مارح يصير

بتول :عفت أيده وضليت ابجي كتله اني شنو ذنبي من يكومون ويكعدن يكولولي انتي المصطفى شنو ذنب كلبي من حبك وانتي أصلن ماشايفني

مصطفى :وانتي كلتيهه همه اليكالو مو اني يبت عمي روحي وعاتبيهم اني حالي من حالج حجولهم احجايه وضلمونه بيهه