Unicode
" အက်ရှ်! မင်း ပုစွန်တွေကို ကယ်လိုက်ဦး "
" oh..shit "
ဆမ်နဲ့တွေ့ဆုံခဲ့တဲ့ အဲ့ဒီ့ဗုဒ္ဓဟူးနေ့ညနေခင်းအကြောင်းတွေးမိတော့ သူ့မှာ ပစ္စုပ္ပန်က ပုစွန်ကြော်တွေကိုပင် မေ့သွားရတယ်။ အိုးဖင်မှာ အသားနည်းနည်းကပ်သွားတာကလွဲ အဆင်ပြေနေပါသေးတယ်။
ဆမ်က ခွဲထားတဲ့ ပန်းသီးစိတ်ပန်းကန်လေးကို စားပွဲပေါ်ချပြီး ဦးဦးဖျားဖျားတစ်စိတ်နှိုက်စားတယ်။ ဆမ်က ဒီလိုပဲ။ ဒီလိုအကျင့်။ တစ်ခုခုဆို သူအရင်လုပ်ရမှကျေနပ်တဲ့လူမျိုး။ ပန်းသီးကို ဝါးနေရင်းနဲ့ သူ့ကိုလှမ်းမေးလာတယ်။
" ငါ ဆန်ပြုတ်မသောက်တော့လို့ရပြီလား "
ပုစွန်တိုက်ပွဲဝင်နေရတာမို့ လှည့်ကြည့်ဖို့မအားတာကြောင့် သူ ကျောပေးပြီးပဲပြန်ဖြေလိုက်ရတယ်။
" မရသေးဘူး ဆမ်၊ ဒီနေ့တစ်ရက်တော့ သောက်လိုက်ဦး၊ မနက်ဖြန်ကျမှ အစာမာတွေပြန်စားဟုတ်ပြီလား "
" ဟွန့် "
ဆမ့်ရဲ့ အလိုမကျသံကို ကြားရတာကြောင့် သူနှုတ်ခမ်းကိုက်မိတယ်။ သူဟာ ဆမ့်ကိုတစ်နေ့ထက်တစ်နေ့ ပိုလို့ပင် အသည်းယားလာမိတယ်။
" မင်း ဆန်ပြုတ်မစားချင်ရင် ငါမင်းအတွက် မီနူးလေးလုပ်ပေးမယ် "
အနည်းငယ်ပုံပျက်နေတဲ့ ပုစွန်တွေကို ပန်းကန်ထဲထည့်ရင်းပြောပေမယ့် ဆမ့်ဆီက အဖြေမလာ။ ပန်းကန်ကို စားပွဲပေါ်တင်ရင်း ဆမ့်ကိုကြည့်ကာ ဘယ်လိုလဲဆိုတဲ့ သဘောနဲ့ မေးဆတ်ပြတော့ ဆမ်က စူးစမ်းသလိုကြည့်လာတယ်။
" ဘာမီနူးလဲ "
" ငါ့ကို မီနူးတစ်အုပ်လိုသဘောထားပြီး မင်းစားချင်တာရွေးချယ်ကြည့် "
" အင်း... "
ဆမ်က မေးစေ့ကိုပွတ်ပြီး စဥ်းစားဟန်ပြုတယ်။ ထိုအမူအရာကို သူ့မှာကြိတ်ပြီး အသည်းယားရတယ်။
" မီနူးထဲ ဘာတွေရလဲ "
" ဆန်ပြုတ် "
" ဟမ် "
"ဆန်ပြုတ်တစ်ခုပဲ၊ အခြားမရှိဘူး "
" အဲ့တာများ ငါ့ကိုဘာလို့လာရွေးခိုင်းနေလဲ "
YOU ARE READING
Picture of Dawn
Short Storyအရုဏ်ဦးကို ပန်းချီကားတစ်ချပ်လို ပုံဖော်တဲ့အခါ မင်းကို အရုဏ်ဦးလိုချစ်တယ် ဆမ်။ အ႐ုဏ္ဦးကို ပန္းခ်ီကားတစ္ခ်ပ္လို ပုံေဖာ္တဲ့အခါ မင္းကို အ႐ုဏ္ဦးလိုခ်စ္တယ္ ဆမ္။ Start Date - 22.3.2024 End Date -
