හිරු උදාවී හෝරාවක් ගෙවෙන්නට මත්තෙන් ජියොන් මන්දිරයේ වහළුන් සියලු දෙනාම ලදු කැලෑවක පඳුරක් අසලට එකතු වුනේ සෑම දිනකම දකින්න ලැබෙන අමානුෂික දසුනක සාක්ෂිකරුවන් වීමට.
තවමත් නැවුම් ලේ ගලන මෘත ශරීරය මුළු පඳුරක් රත් පැහැයෙන් වර්ණවත් කර හමාරයි. ශරීර කැබලි එල්ලා වැටෙන ඒ අප්‍රියජනක දසුන දෙස හැඟීම විරහිත මුහුණු බලා සිටියේ පලපුරුදු මරණ පරීක්ෂකයන් මෙන්.
සිදුවීම ගැන නිගමන ඔවුන්ට අනවශ්‍යයි. ජියොන්වරුන් ලබා දෙන අණක එක අකුරකට හෝ පිටුපාන වහලෙක්ට අත් වන ඉරණම ගැන කවර කතාද.
ජියොන්වරුන් යනු හුදෙක් අමානුෂිකත්වයේ කිරුළ දරන්නන්!
මෘත දේහය වටා එක් වී සිටි පිරිස අතර ටේහ්‍යුන්ද මේ දෙස බලා සිටියේ සිහි කල්පනාවක් නොමැති උන්මන්තකයෙක් වගේ. ඔහුගේ දෑසට මෙය නුපුරුදු දසුනක්. අනෙක් ධනවතුන්ට සාපේක්ශව ජියොන්වරු මෙතරම් කෲර වද හිංසා පමුණුවන හේතුවක් ටේහ්‍යුන් අවබෝධ කරගෙන සිටියේ නැහැ.
"" ඇයි මෙතරම් හිංසාවක්? ""
ටේහ්‍යුන් අසල වුනු තවත් අයෙකුගෙන් විමසූ ටේහ්‍යුන්ට ලැබුනේ තවත් හිස් බැල්මක්.
""මේ ජියොන්වරුනේ ස්වභාවය. ඔවුන් තරම් මෘගයින් මිහිපිට පහල වී නැහැ. ඔවුන් ලුසිෆර් අදහන දේවද්‍රෝහින්!! ""
ජියොන්වරුන්ට ඔහු සිදු කරේ දරුණු අපහාසයක්. දේවත්වය ඉහ මුදුනින් පිලිගන්නා ධනවතුන්ට දේවද්‍රෝහීන් යැයි පැවසීම හුදෙක් දරුණු අපරාධයක් ලෙස ඒ සමාජය විශ්වාස කරා.
නමුත් මුළු ලෝකයක් මවා වදාල දෙවියන් වහන්සේගේ නාමයෙන්ම අමු මිනිස් ඝාතන සිදු කරන ධනවත් පන්තියට දේවද්‍රෝහීන් යැයි පැවසීම සුදුසු නොවේද?
""ඔබටත් අවශ්‍ය අකාලයේ මිය යාමටද!? ඔබේ වචන ප්‍රවේසමෙන්! කවුරුන්ට හෝ ඇසුනොත් ඔබට මේ ඉරණම අත් වේවි! ""
YOU ARE READING
𝐖𝐚𝐥𝐤𝐢𝐧𝐠 𝐒𝐡𝐚𝐝𝐨𝐰 | 𝐓𝐊 𝐅𝐚𝐧𝐟𝐢𝐜𝐭𝐢𝐨𝐧
Fanfictionජියොන් පරපුරේ එකම උරුමකරු , ජන්කුක් ජියොන් හා ආලයෙන් බැඳෙන වහල් සේවක ටේහ්‍යුන් කිම්ගේ අවසාන ඉරණම කුමක් වේවිද..? Taekook Fanfiction Top Tae Bottom Kook
