بفراكك نزف حيلي
ولاتتخيط جروحي
لو بالبجي ترجع الي
چا رجعك نوحي✨
ــــــــــــــــــــــــــــــــــــــــ
لڪاتبه ذڪرى العبيدي
حنين... بقيت بصدمتي شلون يحجي هيج وتجمعت
الدموع بعيني رافضه انزلهم كدامهم وكلمته ترن
بذني شلون يحجي هيج وليش يخلي السبب بي
حسيت بغوش مدا اشوف بعيوني اردفت علي واخذني الضلام
علي... يمه كافي واليرحم موتاج عوفيها مني السبب
ام علي.. يا فلك فلكك شنووو منك عزااااا شتحجي
علي... بقت تحجي وتصيح وابويه مقابل على حجيها
من بين الهوسه سمعت صوتها صاحتني وكعت من
طولها ركضت الها وخليت راسها بحضني واحجي
وذبيت ماي على وجها مدا تستجيب وياي والبنات
فوك راسي يبجن عليها تخبلت صحت بيهم وشلتها
وطلعت ركض بيها للسياره مكدرتت اسوق احس
نشليت صحت على محمد اجه ساق واني مخلي
راسها بحضني بابا بنتي حنين كومي شبيج والله
ماعوفج بنيتي تسمعيني اصحي شيب كلبي
واحجي وماكووو متتحرك صحت محمدددد سوق
سريع لك راحت من اديه وصلنا ونزلت الطوارئ وهيا
بحضني خليتها على سديه واجه دكتور يفحصها
الدكتور.. صاير عدها نهيار عصبي شنوو سبب حالتها
علي.. مشاكل بل بيت بس مو يمها وهيا طاحت دكتور طمني عنهااا
الدكتور.. خلص كتبت الك هاي العلاجات جيبهم فورا
علي.. طلعت امشي بضياع واستوقفني محمد
محمد.. ها بشر بين مخليت سياره بل كراج وجيتك
علي.. صاير عدها نهيار عصبي وهاي علاجات اروح اجيبهم ابقه يمها
محمد.. جيب اني اجيبهم وانت روح الها
علي... اخذ الوصفه وطلع ورجعت الها وبعدهي نفس
نومتها رحت والممرضه دا تخلي الها كانونه وبزتها
ورجفت ايدها رحت صحت بيهاا على كيفج هيجج
فززتيها مجاوبتني وهزت راسها كملت وطلعت جاب
العلاج وخلو الها سيروم (مغذي) وشوي صارت تفتح عيونها
حنين.. صحيت واحس بغواش بعيوني بصعوبه
توضحت الروئيه وشفت علي واكف كدامي ومبتسم علي اني وين وشصار؟..
علي.. اششش بنيتي مصار شي بس فقدتي الوعي
