قراءة ممتعه
______________________________
ايات. رجعت للبيت وي اهلي كبل نمت فزيت الساعه
٥الفجر نزلت جوه وجانت هنا الصدمه اكبر صدمه بحياتي لكيت ابوي يشرب اريد استوعب ماكو خفت منه صعدت اركض صار عندي خفقان معقوله هاذا ابوي مازلت خفت منه ضليت كاعده للساعه ٦ كمت قريت للساعه ٧ خلصت حضرت الجدول مال المدرسه وكمت لبست الزي. قميص ابيض وتلبيسه رصاصي وحجاب ابيض. نزلت مالكيته اتريكت واجت امي كعدت اخواني خلصت ريوك وصعدت نزلت الجنطه وحذائي (تكرمون ) ورحت للمدرسه كملت دروس رجعت للبيت امي ماسوي غده فاابوي يجيب من المطعم فخفت من ابوي
ملاحظه ( جانت شخصيتي كلش ضعيفه الي يحجون عليه ماارد اضل ساكته واخاف من الناس كلش ) حتى غده ماتغديت صعدت فوك وصعد اخوي منتظر وراي.
منتظر . شبيج اكو احد وياج
ايات. لا
منتظر .أحد محاجيج لو سوالج شي لان حتى غده ماتغديتي
ايات . لا ماكو شي
اخوي منتظر كلش ذكي فعرفني اني شفت بليل شيء
منتظر . بيش الساعه كعدتي الصبح
ايات . الساعه ٥الفجر
منتظر . شفتي ابوج مو
ايات.ضليت ساكته خفت احجي كبل نزل جوه اسمع صياحه هو وأبوي اني مانزلت ضليت فوك اني خابرت جدي من تلفون منتظر كتله جدو تعال أخذني فدوه بسرعه ضل يسالني اكو. شي كتله ماكو شي بس تعال أخذني اجه أخذني والطريق كله يسأل اكو شيء أحد محاجيج ضليت ساكته وصلنه كبل صعدت للغرفه مالتي صعد وراي علي سألني
علي. شبيج اكو شي أحد محاجيج
ايات. لا محد
نزلت كعدت يم جدي كال منو مزعل حبيبتي كبل بجيت وحضني كام أخذني لغرفته كال شبيج حجيت كلشي اله كال كافي راح ضلين يمي
ضليت يم بيت جدي شهر محد سئل عليه بس منتظر يجي يشوفني ويطمن عليه ويروح بعدين رجعت الاهلي بيت اهلي جانو بشقه فاابوي اشتره قطعه هوه وعمي سعد يبنوهن سوه بيت واحد يعني كأنه بي كملو وكامو ينقلون بلغراض كملو كلشي نقلوه
أهنأ راح تبدي حياة ايات الجديده
نتقلنه للبيت وخطار كامو يجون اني اضوج من الخطار فرحت لبيت جدي شهر علما الخطار يروح. بعدها رجعت للبيت لأن احنه ماشالله عشيره كامله اجوي بعدهي سجاد ابن خالتي خطب بت عمه ساره
هيا حلوه ايه من الجمال فبيوم الخطبه كالت خالتي تعالن ساعدني رحنه احنه كالتلي روحي شيلي كراتين الببسي خليهن يم الباب رحت شلتهن وصلت لاخر واحد جان يطشر وبيومه كاشخه لابسه الفستان والمكياج والشعر ضليت ابجي وادردم يعني هم لازم أشيل فشويه واجه علي كال شبيج. كتله
الببسي كله طشر تعبت كال علمود هاي روحي طبي جوه اني اكمل طبيت جوه شويه وصار الدك والركص
وره فتره
زمزم . رعد خلي نخطب لحمودي
رعد . لا مومال مسواليه وبعده صغير
ضلت امي تلح على ابوي لمن قبل حمودي قابل لأن جان يحبه بيناتهم بس نظرات
رعد راح اخطبله مريم بت فائزه حلوه ومودبه قبل ابوي وحمودي رحنه خطبنه وصار العقد ضلت حياتي مشاكل وفرح
صار عمري ١٢ بيوم من الايام جدي اتمرض ونقلوا للمستشفى وجان بوكته اني صف سادس ابتدائي وزاري. مالحك أروحله فبيوم رحتله بليل فرحتله كام يوصيني ديربالج على نفسج ولا تخافين كال روحي صيحيهم يدخلون رحت صحتلهم يدخلون كاللهم ديربالكم على ايو امانه يمكم لاتاذونه ومن تكبر تزوج هيا وعلي هاي وصيتي طبعا ستغربت وضليت مصدومه. رجعنه للبيت ثاني يوم رحت للمدرسه واني راجعه تلكاني ابن خالتي يبجي. كتله شبيك
أهنأ انصدمت صدمه مصدكته من كال..........
نهايه البارت
اسفه على تأخير بارت تعويض هاذه راح أوقف القصه لحد ما اخلص امتحانات لأن راح انبلش فأريد اركز ومالحك اكتب وأقره أن شاءالله بس اخلص انزل لكم بارت طويل
ادعونه بالنجاح والتوفيق
للكاتبه . سمر الطائي
