.ابرهة الدرباس
( الضيسن).
_''___''___''
تصويت للبارت تعليق بين
الفقرات.
'الكاتبه اديان'
حساب الانستا adean ahmed66
فزيت الصبح كل عاده اسمع صوتها وهيه
تدندن ويا القصيده.
'دنيا مابيها بس هم وغدر دنيا
' ومنين اجيب الها صبر دنيا
' راوتني نجمات الظهر دنيا
_ صباح الخير
_ يا صباح النور
_ والله صرت اذا اكعد وما اسمع هاي القصيده
احس يومي محلو
_ ههههههههههههههه
_ لعد وين ماما ؟
_ بعدهي نايمه
روحي كعدي هذنه التنابل مال نوم
لا اجي اني اكعدهن !
_ لا دخيلج اني اكعدهن كلشي ولا انتِ
_ يلا روحي بسرعه سويت الريوگ
_ راح اكعد ماما
_ لا ماما عوفيها عليه
راحت تگعد البنات واني رحت لغرفه ماما دگيت
الباب ودخلت شفتها كاعده وخاله سماعات
وترگص
_ صباح الخير ماما
_ صباح النور
_ يلا سويت ريوگ تعالي
_ مابدي اكُل
_ ليش ؟
_ لما بجوع باكُل
_ براحتج اني والبنات راح نتريگ
_ صحتين
_ ع گلبج
طلعت منها ورحت شفت البنات كاعدات ع
الطاوله:- صباح الخير
_ صباح النور
سمر:- شنو ماما ماتريد؟
ساره:- ايي تكول من اجوع اكل
اسيل:- اني امس ب2 اسمها تحجي بالتليفون
ويا خالاتي
ساره:- شنو تحجي؟
اسيل:- يمكن يردن يجن للعراق
هيا:- اهووو فد اضوج من يجن ايع ماريدهن
ساره:- اشش عيب شبيج
وبعدين انتِ شمگعدج ب2 ؟
اسيل:- ءء عطشت ونزلت اشرب مي
ساره:- عطشتي؟ ليش مو اكو ثلاجه بغرفتج؟
دنگت رأسها لأن تعرفني ما احب وحده تسهر
الا اذا جانت تدرس وهاي الايام اسيل ماعدها
امتحانات ولا حتى سمر بس هيا تدرس باقيه.
أنت تقرأ
ابرهة الدرباس ( الضيسن)
Randomظروف تكون من البداية بين شخصيات كثيره هم من بيئه مختلفه عن الثاني لكن هل تذهب هذا الظروف وبعدها ماذا سيحصل امرءة قانونيه تقع بشباك رجل غير قانوني لتتحداه بحبها وتغير مجرى حياته وتجعل قلبه يعشقها
