:.:مَدري شكد حزن روحَك ولا ينعد
وهذاك انتَ الغريب المَنسي المفرهد
ابو دميعة الحَنين الما وگفله احَد ....
قطوف ٢٠
جان انصدم
جنطه متروسه فلوس
منين جابهن ابوي باكهن؟
لا لا. ابوي مايبوك لعد منين جابهن
لازم اعرف سالفتهن شنو
رجعتهن المكانهن وطلعت فتحت غرفت امي ماكو ابوي بس امي نايمه وتون من وجع راسهة
طلعت ادور عليه بالبيت ماكو عجيب
وين راح مو توه هنا
رحت الغرفتي ادخن جكاير دخنت الباكيت كله
مادري بروحي
ثاني يوم امي وجهه
مورد حتى حسين ع وجهه فرحه يباوع الي
ويضحك ليش ماعرف ابوي ضحككه شاكه حلكه
من مات ابن حسين ولسه يضحك شيء عجيب مو
راسي افتر ماعرف شنو صاير أسئل منوو ياربي
دنيا باردههه تكص كص رحت انضف البيت العصر، ودكت الباب ام خالد
اجت يم امي دخلن وسدن الباب
هنا كلت وره ضحكتهم خالد واني ضحيه اكيد
شويه وراحت ام خالد
ساعة 1بليل كعدتت عطشانه كلش
كمت اريد اشرب ماي سمعت صوت من غرفت امي
اخذني الفضول اسمع
وجان انصدم بلي سمعته؟؟؟؟
ابوي _ملايين ولجج انطاني 15مليون
وكالي اسجل بأسمك قطعه أرض وبستان بس رجعلي قطوف
امي _هيه ماترضه شلون بس نحجي تلم علينه العالم بصوته وعمه فاقد وياهه
ابوي _ولجج ياعمه كتله يريد يرجعه وتغير
ماقبل اول شيء من كتله انطيك 3مليون كيف
امي _هسه عمه قابل ترجع الخالد
ابوي _اي وباجر صبح يجي ياخذه غصبن عليه
اذا فكت حلكه اذبحه
ملايين انطاني علموده لو كل بناتي هيج احصل منهن
اصير غنيي كلشش
امي _ههههههه القطعه الارض شنو سعره
ابوي _اذا ابيعه بس قطعه 100مليون
واذا ابنيه بيت مليارات ههههههه
قطوف _
سمعت كلامهم وجن سهم دخل بگلبي
رجعت الغرفتي حايره بزماني والله هل مره خالد
مايرحمني مجنون مو عاقل شسوي اشرد؟؟؟؟
ايييي والله اشرددد
شحلصت من عيشتهم اني خلصته ضيم وقهر
كتل وأهاين
بس وين اروح؟
أرض الله واسعة ماعليه شيء
طلعت جنطه مالت عرسي طلعت هدومي بس زينات
رحت ع اطراف اصابيعي فتحت المخزن
اخذت جنطه مالت الفلوس والله الهه مابجيكم
وهاي الفلوس حق تعبي وعيشتي وياكم
فتحت جنطه مالتي جبيره طلعت الفلوس من جنطه
وصفطتهن ويه هدومي
لبست عبايتي الخليجيه
لفيت شالي عدل
دنيا شتاء باردهه واحنه بريف برد مو طبيعي
يمنه حتى قمصله ماعندي خاف يكتلني البرد
