السلام عليكم ورحمة الله وبركاته بحكي لكم شيء صار معي اليوم أمس لما كتبت البارت نمت وصحيت عالساعه اربع الفجر وأنا متضايقه مره مره متضايقه في غصه أبي أصيح بس ما أقدر أصيح أحاول بس ما أقدر قلبي يعورني أحس بشعور غريب وثقيل على صدري قمت رحت دورة المياه أكرمكم الله غسلت وجهي وتوضيت وقررت أصلي ركعتين لعلي أهدا قبل أصلي خذيت المصحف معي وأنا ماكنت أفتح المصحف إلا بالمدرسه إذا كان علينا قرآن ما كنت كذا سنه وحده غيرت كل شيء كنت محافظه على الصلاة وقراءة القرآن وأتصدق من شهر لشهر ومن 2023 بديت أحب الكيبوب وتعلقت فيهم مره كنت طول الوقت بغرفتي أتخيل وعايشه بعالمي الوهمي وحتى راودتني افكار الهروب ومع ان العيشه إللي أعيشها أفضل عيشه لكن تجيني أفكار غريبه غريبه كنت أحب كل شيء يخص لل Bl او Gl كنت مهووسه بذي الاشياء حتى المسلسلات التايلندية ختمتها كلها وكنت أسمع أغاني روبزي وهي أغلب معانيها جنسيه ومانسكين برضو كنت ظالمه نفسي كثير قمت وصليت ركعتين وفتحت سورة الملك عشان أقرأ او مابديت بالبسمله صحت جلست أصيح ( أصيح بمعنى أبكي ) أصيح و أنا أقرأ خلصت السوره وفتحت على سورة البقره وكل ما أقرأ أتذكر الظيم اللي كنت عايشه فيه أتذكر كيف هدمت علاقتي مع أهلي وكيف ما كنت أصل الرحم ويشهد الله على ماقلت لكم هالكلام إلا إني أبيكم تتبوبون أدري محد يسوي اللي سويته ولا أحد واعي يسوي اللي كنت أسويه لكن تبت وإن شاء الله تُقبل توبتي وأنا جيت أنبهكم لأننا قاعدين نعيش ماضينا أحنا الحين قاعدين نشوف و سوينا بحياتنا الدنيا حياتنا الحين عباره عن فلاشباك في منا من هو فالجنه وفي منا من هو بالنار توبوا لله لاترمون بأنفسكم بالتهلكة اتمنى أنكم تستوعبون كلامي وتستفيدون منه والله يهدينا أجمعين
