قسوره في أسوار السجون

بارت 1

يعتلو الصمت ارجاء المكان حته يكسر الصمت زئير ذلك الاسد.....

وهسه شنو عبالك بطلعتي من السجن برد غليلي؟!
قادر :طبعن لا بس وجودك بره السجن راح يخلي غليلك يبرد
ممممم...
قادر :قسوره رجاءً فكر بطريقه مادخل بوصاختهم انته عصبيتك وتهورك ممكن توصلك لمكان مراح تطلع منه
قسوره :شيصير خل يصير مو مهم المهم اخذ حقي
قادر :اخذ حقك قسوووووره بس بعقلانيه  انه اكلك دمرهم بس مو دمر نفسك
قسوره ببرود:هو هيج بس خلي اخوك السالفه حوك قبل ما بلش بأول خطوه
قادر : هيج اريدك، بس هسه انته بشنو جاي تفكر
قسوره:من يصير الوكت المناسب اكلك هسه الولد وين
سيف وأبهر:هاا شكو ياوكت مناسب هذه للتحجون عنه
قسوره :تعالو ولكم وين وليتوو
أبهر :احترم  لك شنو وليتو؟!
قسوره :هو أنه هسه محترمك جا شعبالك؟!
أبهر :أيا سكطط
سيف:اهو ووووو كافي عادد هسه شنو قسوره عله شنو ناوي؟!
قسوره :ناوي اسبيهم سبي ليش اكو غيرها!؟؟
ابهرر: قسوره شنو بعقلك فهمني وهسه انته وين راح اتروح
قسوره: اشوف..
ابهر:لك انته شنو شنو تشوف الامه مكلوبه عليك كلاب صايحه عليك الصايحه وتكول اشووف شهللل بروووود
قسوره:شتريد اسوي اساذ ابهر
قادر: أبهر قسوره كافي تره مو سالفه هاي ماتتناقشون سوه من يوم يومكم
ابهر:لك قادررر راح يجلطني قابل علمود من انه هيج فاير دمى غير علموده ولكم جريمه هايي جريممه تعرفون شنو جريممه يلكائناتت
سيف:بس مو هو الي سواها!
ابهرر:لككك هل حجي نكعه وشرب مابيه منو يدري مو هوه كله الادله ضدده بس انه وياك ندري بهذه الحجي
قسوره:هسه المطلوووب شنوو هااا دوختوووني كافييي
قادر:اسكتو كافي قسوره المطلوب نفكر بمكان أمن محد يندله حته ماتروح بيه واحنه نساعدك حته تاخذ حقك..
قسوره: عندي المكان.......

في مكان آخر....
نيران: بابا وين طالع تره مايصير هيج تطلع من الصبح وتجي بتالي اليل ولا مرات ماتجي اله بعد يومين هاي مو حاله تره
ناصر:وهسه شتردين محتاجه شي كله يمج عندج جامعتج واصدقائج وحراس ثنين باب البيت وهل مكان ضامن محد يوصله والسايق موجود ومصرفج وكلشي موجود عندج شرايده اكثر
نيران: ما رايده شي بس توفر وقت عل أقل كل فتره يوم تكعد بيه وياي تتعرف عليه انه بنتك كلشما اعرف عنك من يوم يومي وانه بين هل اربع جدران ذولي وبعدين ليش حاطنه هيج بمكان محد يوصله شنو السبب؟!
جاوب وهو محتقن وجه من سالت عله سبب وجودهم بمكان منعزل بمزرعه كبيره ماكو احد بيه ولا بيوت ماعده بيتهم الكبير يتوصطه ولا تعرف أقارب فقطط هيه ووالده وقليل ماتشوفه وعتت عله كلمه انو هيه امه ميته وبس ابوه عايش ومحد اله.. ناصر :كاففيييي بلا لغوه زايده كل فتره وفتحتيلي هاي القوانه هذه للموجود عاجبب خيرا علا خير ما عاجبج ضربي راسج بلحايط خووش
بعدهي ماناطقه خله وطلع عافه بحيرته بضوجته وهيه مكسوره ومو فاهمه حياته الجاي تكضي بهذه القصر الي خالي من الحياة

نيران:ليش هيج ياربي تعبت من هل وحده الي سادت عله حياتي ليش مسحت دموعه وأستغفرت الله وكملت يومه جان يوم عطله عده.. الحمدالله اليوم عطله خلي ارتاح من المحاضرات اصلا هيه هاي اخر سنه واتخرج حجت بابتسامه مابقه شي بس شهر.. وفجئه راحت هاي الابتسامه لانو تذكرت راح تغرق أكثر بمستنقع هذه للقصر.. حجت وهيه تشيل كل هل أفكار من راسه وتبتسم طبعن لا لانو راح ابلش بعمل وتكون عندي وضيفه وحيات جديده اووف الحمدالله يعني اكون بشركه وهيج الي مكتب خااص اووي حلوو هل شي سرحت ب أفكارها عن حياته الجايه وهيه ماتعرف شنو راح يصير بلفتره الي راح تجي..... سمعت طرقت الباب وهيه مبتسمه اليوم يوم الجمعه اكيدد ام سالي عده ام سالي هيه المساعده مالته تجي من يوم الجمعه تبقه يمه وتنضف وتساعدها بتنضيق هذه البيت ام سالي كانت بانسبه اله بمثابة ام وصديقه مو فقط تنضف ام سالي كانت تجي بهذه اليوم ويوم الأربعاء ماتجي علطول لانو عده مسؤليات وابو نيران هم مايحب يتواجدون العاملات بشكل دائمي بلبيت مايأمن .. راحت وهيه تركض حضنته بقوه وتضحك وام اسيل تضحك وياها
ام اسيل :شلونج ناروو حبيبتي
نيران :حمدالله انتي شلونج مشتاقتلج
ام اسيل :حبيبتي انتي والله انه هم مشتاقتلج
نيران:اسيل شلونه؟!
ام اسيل :بخير ماما حبيبتي هسه خل ابلش بلتنضيف وانتي اصعدي ادرسي
نيران:لا اساعدج وبعدين ادرس
ام اسيل لا حبيبتي انتي كملي وانه انضف بعده نكعد نسوي العشه انه وياج خوش
نيران :تمام. محححح باست ام اسيل وراحت عله غرفته تمارس روتينه بالدراسه والصلاه وعنايته الخاصه بلجسم اضافه الا هوسه بلعطورات كلش مهوسه الا درجه بعده نزلت وهيه عطره يمشي قبله
ام اسيل :فدوه العطرج الطيب امي نزلتي درستي زين
نيران:اي حبيبتي درست وهسه نبلش بلعشه
ام اسيل : اي يلله مجهزه كلشي طلعت البركر يموع وحميت الصمون وجهزت الطرشي والصووص بقه بس للزلاطه ونقلي الفنكر والبركر
نيران:تره مامخليه شي كلشي مجهزته قبل ما انزل
ام اسيل:لا ماما حبيبتي هسه عدنه هواي شغل هسه اكربج
نيران:بضحكه هههههههه خوش يلله انه جاهزه.. وهيج بلشت مساعدت ام اسيل شفته تريد تاخذ كيس الزباله الي تعبه للأخير أخذته منه بالأول ماقبلت بس اخذته كوه عنه خطيه تتعب هواي عنده بت يتيمه تربيه وتشتغل حته تعيشه ومن عدنه لباقي البيوت ف احب اساعده ماخلي كلشي عليه.... وانه جاي امشي حته اخليه بلحاويه الكبيره الي بنهايت الحديقه المطبخ خارجي يطلع عله الحديقه والصاله بنفس الوقت و الحديقه الاماميه يتلوها حديقه خلفيه كانت بيه للحاويه الكبيره بزاويه بعيده اكو مخزن نخلي بيه الحاجات الي مانستخدمه فجاأه سمعت صوت طبه كانو شي وكع بشكل قوي للحضه خفت بس كلت اكيد بزونه اجت عمود تاكل من للحاويه تجاهلت الموضوع ورجعت اساعد ام اسيل وتعشينه وكعدنه نسولف الا ان نعسنه كلش صصعدت حته افرش اسناني وانام وجهزت ملابس باجر حته اداوم......

قادر: قسوره لا تخطي هل خطوه مو امان ما احس راح تطلع منه سلامات
سيف:صح هل شي راح يهددك للخطر مانريد نهددك للخطر
أبهر:بس انه اوافقه الرأي هل مره لانو حاليا ماكو مكان آمن عليه غير هل مكان
اطلس :هو هيج راح يصير وبكل حالاته الخطر وراي اذا نبقه خايفين نواجه ونشرد منه هيج راح نخرب ما نعمر

ابهر:اي وشما تكون قريب عله عدوك راح تراقب كل تحركاته واتصفي بس انه اكلك لازم تكون حذر بكل خطوه تسويه

قادر:والله انتو الثنين ماتطبكون سوه بس وكت المصايب

سيف :اي والله بس خل نسايرهم هل مره لانو ماعدنه حل
قسوره:سيف ليش ماتسكت لاجيك وذا ماسايرت مثل شراح يصير اوكف وكول والله بعد ماسوي شي لمن يسايرني استاذ سيف

سيف:اهووو شتغلت الأعصاب يابه هو انته شلونك من جنت وهسه بعد دخلت السجن شيفكج يا طلااااابه

قادر :كافي ولكممممم موتونيي

ابهر:هسه شوكت تطلع لهذه المكان حته نضبط امورنه بتوصلك لانو بعد ماكووو وقت وعندي اجتماع بالشركه وقادر همه محتاجينه

قسوره:لا روحو انتو انه اروح

قادر:تحلم اذا مانامن عليك مانخطي خطوه
سيف :اي والله انه هم هيج اكول
أبهر :هسه نطلع؟!
قسوره :بعد الظهر حته نوصل بليل  ومن ادخل اكون حذر
قادر :هايهيه

سيف :يولد متت من الجوع شوكت نتزغنب
أبهر:من يوم يومك فاك حلكك بطل عادبطل
سيف:لا هاي ماصايره وين لا كيه واحد يبطل اكل شلون بلله اعيش ابقه ادحك بخلقتك واستمد طاقه منه لو شنو اشتغل عل طاقه الشمسيه
أبهر بدون اهتمام وهو يشغل السيكاره:خفف
قسوره:لا من صدك روحو جيبولنه اكلل متت من أكل السجون
قادر:ههههههههه مو تدلل جنك عله اكلل
سيف :كوم قادر كوك خل نجيب زغنبوت ونجي حته نطلع هل مجسوح ونخلص
قسوره:مو اجيك ولك طوخته
سيف:اووي جرحت مشاعري

قسوره، قادر، ابهر:هههههههه هههههههه
قسوره:خرب يومك بعدك عله سوالفك
ابهر:ليش ابو طبع يبطل طبعه
قادر:يلله كافي كافي كوم ولك امشي...

من بعد ما اجتمعوا واكلو وسولفوا عله كلشي مرر خلال هل شهر هذه راحو حته يوصلون قسوره للمكان المنشود بطريقتهم وبدون ما تتهدد حياته لقسوره للخطر
قسوره:وصلنه
سيف:متاكد
قسوره:ميه بلميه
قادر:ديربالك قسوره
ابهر:لاتخطي اي خطوه بدون ماتخبرنه رجاءً
قسوره:اشوف
ابهر:قسوره لا ترجع للبرودك لاتموتني لا تسوي اي شي بدون علمنه
قادر:اذا خطه خطوه بدون مانعرف بيه قسوره لا عرفك ولا تعرفني وانسه عندك صديق اسمه قادر
سيف:انه هم
قسوره:كافي عاددد ماسوي شي بدونك رتحتوو
ابهر:هايهيه يلله توكل
قسوره:جان البيت بعيد عن المدينه ب مزرعه كل كبيره وسور عالي يصعب تسلقه بس مايصعب عليه اكيد واثناء ما اختار المكان الي لازم يتسلق لداخل هذه البيت منه وبنزلته شاف ضل شخص وويه وكعته عل أرض نتبه انو اكو بنيه حامله كيس بيده
اختبأ بحرص مو لانه خايف بس لانو حريص عله انو ماتخرب خطته وياخذ حقه وينتقم من الي اذاه بعده انتضر البنت تطلع من المكان وبعد دقايق قرر يدخل لمكان شديد الضلمه بس مو اكثر ضلام من حياته الي مر بيه المخزن الي كان في زاويه معينه من الحديقه ومن هنا بلش بحياته المجهوله......