القضيه ٥١٤

البارت الاول

مبارك الك ملازم علي القرعه خلتك على قسم التحقيقات 
علي : شكرا جزيلا سيدي، اي من زمان احب التحقيق حتى اقرا روايات و احب شخصيات لشارلك هولمز و ارسين لوبين
........
ودعت الامرين و رحت بطريقي و هنا بارجاء الكليه ذكرياتي اني و زملائي الضباط منهم الي راح على الجوازات منهم الي راح على المحلية منهم على المكافحه
جمعتنه ايام حلوه هنا
....
انس : ها ابو حسين بشر وين رح تروح
علي : ابو حسين شنو صيحلي المحقق علي
انس : ها حقك سيادة المحقق ههههههههه مبارك عليك اخي تستاهلها
علي : يحفظك الله يا ذهب و الله رح اشتاقلك بس عندك رقم اهلي الارضي و تكدر تتصل من تنزل نطلع
انس : اكيد ابو حسين اكيد يلا خل اودعك ورايه روحه للناصريه
....
سلمت على انس و مشيت صعدت تكسي وصلني ل
مركز شرطة الدوره حتى اسجل اسمي  و هم اشوف اجواء المركز
بالطريق و على جسر السريع اخذتني الذكريات لايام المدرسه الاعداديه و المتوسطه
ذكريات بعضها حلو و بعضها لا
-----
ام علي : يمه علي اكعد ابني اليوم وراك روحه للحزب
ابوك راح من زمان و كال كعدي ساعه خمسه خل يحلق لحيته و يلحكني 

علي : يمه متكوليلي شسوي بالحزب هسه اني خلك نصير طبعا ابويه يروح غير عضو فرع يلا هسه كايم بس كون مبقيلي نص موس احلق بي لحيتي

كمت زينت لحيتي و حطيت الكولونيا و رحت للفرقه

خلص الاجتماع الي جان مضمونه الحفاظ على اموال الشعب من السلب في حال دخلوا الامريكان لبغداد
المقاومه جانت حل اخر

رجعنا اني و ابويه للبيت و بالطريق

علي : يابه يا مقاومه الي تريدها القياده منه احنا بطرك كلاشنكوف شنسوي ضد الاسلحه الحديثه

ابو علي : ابني انت شكاعد تسولف هذوله الامريكان حتى بالطابوك مفروض نقاومهم لان حتى شرف عداوه ما عدهم انت قارء و تعرف حرب فيتنام لو حرب يوغسلافيا و غيرها و غيرها ما يبقون شي صاحي

علي : بس يابه مو الأفضل صداقتهم على عداوتهم

ابو علي: بهاي عندك بيها منطقيه بس منطقية محدوده
العراق بلد مكانه مهم و امريكا مراح تعوفه بحاله لا هسه و لا بعد عشرين سنه

وصلنا للبيت توني اني متعلم اسوق
طببت السياره للبيت شلاحتها السوبر موديل ٨٩ تلهث
عمري ١٨ هسه و اصدقائي محدودين لان تفكيرهم مختصر باشتغل حتى اتزوج مدري منو كاللهم النسوان رح تتبخر
وحده من افضل احلامي كانت ابني حياة لنفسي بحيث من اتزوج اني مرتاح و طبعا واقعا هسه لا تتحقق و لا رح تتحقق بضل هذا الحصار الاثم على البلد

تحققت توقعات القيادة و دخلوا الامريكان لاطراف بغداد و الكل استعد يدافع عن وطنه بس لاسباب مجهوله عند شبابي انسحبوا

و طفت عدنه الكهرباء قرابة الخمس اشهر من غير البنى التحتيه الي تفجرت و الجسور الي تدمرت و فوك هذا كله محافظات عراقيه انتفضت وي الانسحاب للجيش و الشرطه و سيطرة مسلحين سمو نفسهم الثوار بثورة مزعومه سموها الشعبانيه بينما وصفوها القياده بالغوغائين الي يريدون ينبشون خيرات البلد كل هذا صارلي بعام واحد اعتقد عام الحزن على اغلب القطر من شماله لجنوبه
الجيش العراقي استعاد سيطرته ع المحافظات الي خرجت من سيطرته و انسحب اغلب الثوار او الغوغائين الى دولة ايران امتحنت البكالوريا و نجحت بيها بتقدير حلو
ابويه رفض اقدم للكليه للعسكريه و قدمت على كلية الشرطة
و بدا يراودني حلم الارتباط و الزواج يجوز لان فهمت مغزى الحياة ميصير بدون شريكه تفهمك و تفهمها
بس ما لكيت او ما بحثت اصلا
من عادة ابويه كل يوم يروح يجيب جريده و  يقرا و بعدها اني اقرا لفت انتباهي حوار صحفي وي احد الاشخاص الي ممسوكين بتهمة الاتجار بالبشر كان اسمها زينب حميد طريقة اسئلتها و طريقة جذبها للمعلومات افضل من أفضل محقق عجبني اسلوبها بسحب الكلام من المتهم و بطريقة جداً مؤدبه ما حسسته بقلة قيمته و صغر كرامته و هي سبب من اسباب كوني محقق الان ......