කලරාජ්

Part 9

" මොකද සාජන්.."

" කම්ප්ලේන් එකක් දාන්න ඇවිල්ලා.."

" අහ්..එන්න වාඩි වෙන්න.."

" තැන්ක් යූ සර්.."

" කාට විරුද්දවද කම්ප්ලේන් කරන්න තියෙන්නෙ.."

" කලරාජ්ට විරුද්දව.."

" හහ්හහ්හා......"

මං කිව්ව දේත් එක්ක පොලිස් ඔෆෙසර් වගේම සාජන් හයියෙන් හිනා වෙන්න ගත්තා..

" මං හිතන්නේ මේ දරුවා දන්නෙ නැතුව ඇති නේද කලරාජ් කියන්නේ කව්ද කියලා.."

මේසෙට අත් තියලා මගෙ මූණට බර උන පොලිස් කාරයා මගෙන් අහද්දි මගෙ කට කොනට හිනාවක් ආවා..

" මං දන්නවා.."

පොලිස් කාරයාගෙ ඇස් දිහා කෙලින් බලන් මං කියද්දි උගෙ ඇස් ගැස්සුනා..ඒත් ඌ එක්ක මගෙන් හංගන්න උත්සාහ කරා..

මං දන්නවා කලරාජ් කව්ද කියන්න මං ඒක හොදටම දන්නවා..

තිරිසනා..

" දන්නවානම් මං හිතන්නෙ උබ කර ගන්නෙ ලොකු වැරැද්දක්.."

" සර් ඒ දේවල් ගැන වද වෙන් නැතුව කම්ප්ලේන් එක ලියා ගත්තොත් හොදයි නේද.."

" පොඩ්ඩක් ඉන්න.."

මට ඉන්න කියලා පොලිස් කාරයා ෆෝන් එක අතට අරන් කාට හරි කෝල් එකක් ගත්තා..

" hello කලරාජ්..මේ පොඩි ලස්සන කොල්ලෙක් ඇවිත් කම්ප්ලේන් එකක් දාන්න.."

ඌ කෝල් එකෙන් කලරාජ් එක්ක කතා කරද්දි මගෙ ඇස් උඩ ගියා..

මුන් ඔක්කොම එක බෝට්ටුවේ..කලරාජ්ගෙ කටු කන බල්ලෝ..ඇදන් ඉන්න ඇදුමටත් මුන් වගේ උන් අගෞරවයක්..මුන්ට කොණ්ද පන නෑ ඒක නේ අර යක්ෂයොන්ගෙ අල්ලෙ නැටවෙන්නේ..

" හරි කලරාජ්..."

" ආ...කතා කරපන්.."

පොලිස්කාරයා මට උගෙ ෆෝන් එක දික් කරද්දි මං ඒක ඇරන් කනේ තියා ගත්තා..

" උබ මහා වාතයක් කන්හා..උබට මට කරන්න පුලුවන් දෙයක් නෑ නිකන් බොරුවට කාලේ කන්නෙ නැතුව ගෙදර ගිහින් ආපහු අසූර්ව එවපන් මෙහෙට.."

කලරාජ් කියද්දි මගෙ ඇගේ මාලු නටන්න ගත්තා..මං ෆෝන් එක තදින් මිරිකද්දි පොලිස්කාරයා මට දැම්මෙ කින්ඩි හිනාවක්..රටේ නීතියක් තිබ්බත් මුන් වගේ උන් කොණ්ද පන ඇතුව වැඩ කරන් නැති නිසා තමා කලරාජ් වගේ යක්ෂයෝ මෙච්චර නටන්නේ..