Unicode
" ဘယ်ကခွေးလေခွေးလွင့်တွေရောက်နေတာလဲ "
အသံလာရာဆီသို့ ပိုးပိုးရော အားလုံးပါ လှမ်းကြည့်လိုက်သည်။ကားနှစ်ခုရပ်ထားရာ နေရာကြားတွင် စီးကရက်မီးခိုးများ မှုတ်ထုတ်ကာ ထိုင်နေသော ဇက်။
အများကြားထင်းနေစေသည့် ရေညှိစိမ်းရောင်ဆံပင်။
" မင်းကဘယ်သူလဲ ဘယ်သူဖြစ်ဖြစ် လာမရှုပ်ဖို့ ကြိုပြောမယ် "
" အဟက် ရယ်ရတယ် "
ကိုလေးလို နားဆွဲရှည်ရှည်များနှင့်ထိုလူက မထီမဲ့မြင်ပုံနှင့် ပြုံးလိုက်ကာ ထရပ်လာသည်။
" ဒီဘားက ငါပိုင်တာလေ အဲ့တော့ ဒီပိုင်နက်က ကိစ္စတွေကို ငါ့မှာရှုပ်ပိုင်ခွင့်ရှိတယ်မလား "
" အဲ့ဆို ဒီကောင်မကို ဒီနေရာကခေါ်သွားမယ် မင်းနေရာမှာမဟုတ်တဲ့အတွက် မင်းလည်းစောက်ဇယားလာရှုပ်လို့မရတော့ဘူးပေါ့ ဟုတ်တယ်မလား "
" မဟုတ်ဘူး "
" ဘာစောက်ဒွန့်တက်နေတာလဲ မင်းက "
" မင်းတို့ခေါ်သွားမယ့်လူက ငါ့လူလေ အဲ့တော့ ငါနဲ့ဆိုင်သေးတာပေါ့ ခွေးကောင်ရ "
ခွပ်
ပြောရင်း ဇက်က ထိုလူ့မျက်နှာအား ပိတ်ထိုးလိုက်သည်။
" မင်း "
လေးယောက်တစ်ယောက်နှုန်းနှင့် ပိုးပိုးမျက်စိရှေ့တွင် ရန်ပွဲအသေးစားလေးဖြစ်သွားသည် ။
" ကောင်မ ငါတို့ပြန်လာခဲ့မယ် "
မျက်ခွက်များဖူးယောင်စွာဖြင့် သစ်မိုးပန်းချီ၏ ခွေးများသည် ကျိန်းဝါးကာ ထွက်သွားကြသည်။
ပိုးပိုး လဲကျနေသော ဇက်အနားပြေးသွားကာ
" ဟို အဆင်ပြေရဲ့လားရှင့် အရမ်းနာနေလား "
" Imm ရပါတယ် ကိုယ့်ကိုမှတ်မိလား "
ကောက်ခါငင်ကာမေးလိုက်သော ဇက်ကို ပိုးပိုး ပြူးကြောင်ေကြာင်ပြန်ကြည့်လိုက်သည်။
" ဟို ပိုးပိုးမမှတ်မိဘူးရှင့် အာ ဒီက ဒီဘားရဲ့သူဌေးဆိုတော့လေ ဒီကိုခဏခဏရောက်ဖြစ်မှာပေါ့နော် ဒါပေမယ့် ပိုးပိုးက ပတ်ဝန်းကျင်ကို သိပ်သတိမထားမိလိုက်တဲ့အတွက် ကိုယ့်သူဌေးမှန်းတန်းမသိဘူးဖြစ်သွားတာ တောင်းပန်ပါတယ် "
