Unicode
" ကဲပြောပါဦး။ပြင်ဦးလွင်သွားတာ ငါ့အတွက် ဘာပါလာလဲ "
" အာ အဲဒါက ဆိုင်တွေပိတ်ထားလို့ အဲ့ဒါ "
" ရတယ် ရတယ် သိလိုက်ပြီ ရှန်တခေတ် ဘာလက်ဆောင်မှမပါလာတာ "
" ပိုးပိုးကလည်း "
မျက်မှန်ဝိုင်းကြီးပင့်ကာ ပိုးပိုးတစ်ယောက် စိတ်ကောက်စွာဖြင့် ရှေ့ကထွက်သွားလေသည်။
" ပိုးပိုး နေပါဦး ပိုးပိုးကလည်း "
" ဘာလဲ ဘာလဲ ပြန်ရောက်တာတောင် ဖုန်းမဆက်ဘဲ ကျောင်းရောက်လာမှ ပြန်လာတယ်လို့သိရထဲက နင့်ကိုစိတ်ဆိုးနေပြီ "
" ငါက စပရိုက်လုပ်ချင်လို့ပါ "
" လက်ဆောင်ကျမပါဘဲနဲ့ ရှန်တအစုတ်ပလုတ် "
" ဟီး bubble tea ဝယ်တိုက်မယ်လေ "
ပိုးပိုးက တစ်ချက်စဉ်းစားသလိုလုပ်လိုက်ပြီး
" အိုကေ ကျေအေးပေးမယ် ငါက သဘောထားကြီးတယ်လေ ဒါနဲ့ ကိုလေးကော ပြန်မလာသေးဘူးလား "
ပိုးပိုးပြောမှပင် ရှန်တ ကိုလေးဖုန်းမကိုင်တာ သတိရမိသည်။ သူပွဲနေ့ပြီးထဲက ဖုန်းဆက်တာမကိုင် ပြန်ရောက်တော့လည်းမကိုင်ပေ။ ဒီနေ့မှ အဆက်အသွယ်မရရင်တော့ ဟိုလူ့ကိုပြောပြီး အကူအညီတောင်းကြည့်ရမည်။
" ကိုလေးက အလုပ်များနေတယ်နဲ့တူတယ် "
" ဪ ဒါဆို ငါတို့ဒီည ညစာတူတူစားကြမယ်လေ "
" Kk အာ ပိုးပိုး ငါမရှိတုန်း သစ်မိုးပန်းချီတို့က ကျောင်းမှာရန်ရှာသေးလား "
ပိုးပိုး ဟိုညကကိစ္စကို ရှန်တအားမပြောပြမိ ။ သက်သက်စိတ်ပူနေရမည်ဆိုး၍ မပြောတော့ပါဘူးလေ ။
" အေးဆေးပါဘဲ နင်သိတယ်မလား ငါက
စူပါwoman လေ "
"ဟားဟား " အေးပါကွာ "
*********
" ထား သစ်ဝေကို ဘယ်တော့လုပ်ကြံမှာလဲ "
" သမီးမျက်နှာရှိသေးလို့ပါ ကိုရယ် သူလုပ်လက်စအလုပ်ကလည်း သူဘဲအပြီးသတ်နိုင်မှာ ထားတို့က သူ့ကိုလိုသလိုသုံးပြီးတော့မှ ပစ်ထုတ်လိုက်မယ်လေကိုရဲ့ "
