((((مهجت_روحي)))). البارت الاول
القصه حقيقيه واني اعرف أبطال القصه كلهم
اني سيد جمال احنا ساده من الصوافي
احنا اخوان ثنيين وبس ابوي مزوج بت عمه الي هي امي
ابوي متوفي قبل عشر سنوات
قصتي بدت من كان عمري ٢٣ سنه تحديدا سنه ٢٠١٧
اني عندي محل موبايلات وعندي شبكة نت هي الصديقي واني ساحب منه مااجرها منه يعني عندي خطوط نت للناس
وضعنا المادي كلش زين واحسن من الزين
اخوي الجبير سيد حسين اكبر مني بسنتين
مزوج قبل سبع سنوات
زوجته انسانه ماتنوصف ابد
انسانه محترمه بشكل ومودبه وطيبه وحنيينه
كل الموصفات الحلوه بيه ماناقصه اي
كامله والكمال لله تعالى
زواج سبع سنوات بدون اطفال ماكو مكان ماراحو
ولا وصفولهم شي وماجربو
حرامات السبب كان منه مو من اخوي
بس على كميه الطيبه والحنيه الي شايلته مايكدر يفرط بيه ولا يزوج غيره ابد
ولا يفتح هذا الموضوع وياها ابد
حتى مايكدر يكسر خاطره ويفتح وياها هذا الموضوع
ماتتخيلون شلون تعامل امي
اذا تمرضت امي تصير خدامه جوا رجليه
حتى ماتروح تنام بغرفته تنام بغرفة امي
واني تعاملني مثل اخوها واكثر
اني لو عندي اخت مستحيل تتحملني مثله
كل وقتي جاي بعد وقت الاكل حتلو نايمه بس تسمع صوتي تفز وتحضرلي الاكل
اذا طابخين شي مااحبه مثل مركة شجر لو مركة بتيته
تطبخي شي ثاني
اني كلش احب البتزا والفطاير وللحم بعجين
وهاي الاكلات سيد حسين زوجه و امي مايحبوهن
بس هي تطبخهن علمودي ومثل مااني احبهن واريدهن
بدوون ماتتعاجز لو تتملل
ملابسي بس انزعهن راسا ؤنغسلن وينكون ويتعلكن
اذا تروح تشوف اهله تروح بلاسبوع او العشر ايام مره
ساعتين وترجع
تكول اذا ابات منو الكم عبالك اطفاله احنا وحايره بينا
وبعد اكو مواقف اله ماتنسي ابد
بعمرنا ماسامعين منه كلمه مو حلوه
امي علويه ومعروف العلويات حارات ومايعجبهن العجب
بس تموت عليه
تكول لو عندي بنيه مااحبه هلكد
امي عدها راتب تقاعد ابوي وتصرف منه
كلما تستلم تنطي منه حصه المريم زوجت سيد حسين
اما سيد حسين يشتغل قماش بلسوك عندا محل قماش
هذا المحل جان الابوي وسيد حسين يشتغل ويااا من زمان
يعني شارب الشغله من زمان ويعرفله
هسه عرفتو ليش كلنا مانكدر نفرط بمريم ولا نستغني عنه
لا تكولون علمود شغله ترا عادي الشغل نكدر ندبر نفسنا
بس هي من عجينه تختلف عن باقي النسوان
طبعا خالاتي وعماتي كلهن يشكن من جناينهن
والمشاكل لاتعد ولا تحصى
بس امي ابد ماتشكي من مريم
لمن يجن خالاتي عدنا ويشوفن تعامل امي ومريم
يتعجبن عليه
امي اتضل خايفه خاف يحسدنا
تكول خواتي عينهن تصيد بلمكان
طبعا احنا عائله شكران يعني الشعر والشوارب وللحيه
شكر وهاي الصفه ورثناها من ابوي الله يرحمه
