في بيت فارس رجع البيت بعد ماروح هايدي وامها
نجوي: اتاخرت كده ليه يا حبيبي
فارس: علي موصلتهم
نجوي: عاوزه اتكلم مع شويه يا فارس
فارس عرف هي عاوزه تتكلم في ايه: ماما انتي عارفه ان مش حابب هايدي ولا جابب طريقتها في البس ولا أسلوبها
نجوي: فارس انا عارفه ان طريقتها مش عاجبك بس بايدك تغير كل ده هي بتحبك يا فارس واكيد مادام بتحبك كده لو قولتها علي موضوع هدومها او كده هتعمل الي انت عاوزه عشان متزعلكاش
فارس: بس مش تقولي خطوبه يا ماما مره وحده كده
نجوي: فارس انت عارف انك الوحيد الي عايشه عشان من بعد ابوك الله يرحمه وعاوزه افرح بيك يابني نفسي افرح بيك
فارس: خلاص يا امي حاضر شوفوا عاوزني الخطوبه امته وهنعمل زي مانتي عاوزه بس لو محصلش تفاهم بينا انا مش هكمل يا امي
نجوي: ماشي وانا موافقه يا حبيبي مايمكن تعجبك وتحبها وساعتها هتشكرني علي الي عملته ده
فارس ضحك ؛ ماشي يا ست الكل ربنا يخليكي يا حبيبتي
نجوي: ويخلك يا حبيبي يلا عشان تلحق تنام شويه عشان شغلك
فارس حاضر يا حبيبتي يلا تصبحي علي خير وباس ايدها
نجوي: وانت من اهله يا حبيبي يارب يسعدك ويجعلك في كل خطوه سلامه يا رب وافرح بيك يا حبيبي
عند منه
احمد: هتروحي لمين البيت
منه بتوتر : لاسماء صحبتي اعده اتصل عليها مش بترد وهي كانت تعبت شويه النهارده قولت لو هي مجتش الدورس بكره هروح اشوفها واطمن عليها
احمد: ماشي خلي بالك من نفسك وذكري كويسه عاوز مجموع حلو كده
منه: متخافش يا بابا هجيب مجموع حلو وهبقي احسن من نور كمان
احمد علي سيره نور اتضايق وقال: متجبيش سيرتها تاني ولا عمرك تقرني نفسك بيها احنا كنا عمي كل السنين دي فيها بس ربنا كشف الحقيقة كويس
منه: متصايقش نفسك يا بابا هي متستاهليش انك تتضايق عشانها
احمد: ماشي يلا روحي زاكري
منه: حاضر
خرج احمد من عند منه ومنه مبسوطه عشان بقي الكل مش بيحب نور وهتبق هي المفضله عند الكل وكلمهم هيحبها ومعدش حد هيقولها نور احسن منك تاني
يوم جديد تستيقظ فيه نور وهي متحمسه اوي لتعرف علي الجيران
قامت خدت دوش وصلت ولبست دريس لونه ابيضه وعليه جاكت جينز لحد الخصر كده ضيق من عند الصدر ونازل بوسع وطرحه لونها اسمر وطبعا عشان هي بشرتها بيضه فطرحه السمره مبينه جمال بشرتها ولبست كوتش ابيض وطلعت لقيت زهره جهزه الفطار
نور: صباح الخير يا عمتو
زهره: صباح النور يا حبيتي ايه الجمال الي علي الصبح ده
نور: عيونك انتي الي حلو يا عمتو
زهره: بجد مبسوطه انك بيقيتي كويسه يا نور
نور بحزن: انا بحاول اعمل اي حاجه عشان اعدي المحنه دي واكيد ربنا ان شاء الله هيكشف الحقيقه وهيعرفوا ان معملتيش كده
زهره عشان تفك النكد: وانا الي بقول نور هي الي هتصحي تعمل الفطار وفي الاخر انا الي قومت عملته
نور :من عيوني بكره انا الي هصحي قبل واعمل الفطار كمان
زهره: اما نشوف وبعدين مقولتيش متشيك كده وهتروحي فين كده.
نور؛ مش انتي قولتي امبارح انك هتعرفني علي الجيران انا متحمسه ان اتعرف عليهم
زهره: ماشى يا ستي يلا افطاري وبعدين نروح
خلصوا فطار وزهره لبست وبعدين راحوا عند سحر مامت مازن
زهره خبطت علي الباب
مازن فتح: ايه النور ده زوزو زت نفسها هي الي جت عندنا
زهره ضحكت: بس يا بكاش وبعدين انا مش جاي عشان اشوف انا جاي عشان سحر
ظهرت فرح من ورا مازن
فرح: زوزو وحشتني مشفتكيش بقالي فتره
زهره: حضنتها: وانتي وحشتني يا فروحه وبعدين فتره ايه يا نصابه مانتي شايفني الاسبوع الي فات
فرح: انتي قولتي اهو الاسبوع الي فات يعني فتره
سحر: انتوا هتخلكوم وقفين كده تتكلموا علي الباب يعني ولا ايه
ضحكوا وقالت زهره: قولهم مش عاوزن تدخلوني دانا حتي كنت جاي ومعايا ضيف ينفع كده
فرح: ضيف مين
سحر: ماتسبوها تتدخل عشان تشوفوا الضيف يا بت
دخلت زهره وكانت نور وراها
سحر: اتفضلي يا حبيتي دي قربتك يا زهره
زهره: دي بنت اخويا نور
سحر: بسم الله ماشاء الله ايه الاقمر ده
نور بخجل: تسلمي يا طنط دا من ذوقك
فرح: انا بقي فرح وعندي 19 سنه وحلو برضو علي فكره وضحكت
فضحكت نور علي كلمها
كل ده ومازن في عالم تاني من ساعت ماشاف نور وهو متنح فيها
ــُتتبع
ياترا نور حياتها هتتحسن وهتكون احسن من الاول?
ده الي هنعرفه في بقي الروايه ❤️
بقلمي Z.F☘️☘️
أنت تقرأ
فارس احلام (نور وفارس)🎀🎀
General Fictionالبطله هتعاني من ظلم في حياتها وكمان هنشوف قد ايه امامها قاسيه عليها مش كل حاجه بتكون عاوزها في الحياه بتحصل زي مافيه حلو فيه وحش زي مافيها حد قاسي عليكي هتلقي الي هيعوضك عن ده كل حاجه مكتوبه كل ليل وبعده نهار ❤️💞
