رواية كوني قدري

الفصل الحادي عشر

#كوني_قدري الفصل الحادي عشر
الكاتبة نوره توفيق
التفاعل اهم شيء ❤
لايك قبل ماتقري والتعليق اخر شيء
علي:لا الشغل بس مدايرلي موضوع بنحضر الفرح
ومسافر السبت رحلتي
سعد:رد بالك من روحك
علي طلع هوا وسعد... علي حط يد ع كتف سعد
انا من فتره نستنا في اللحظات الجميله هذي
حتى ضياء طلع مش ساهل البنت هوب جميله
سعد:نحسابش يتزوج بكل انا لين فجاءنا
علي:ذوقه نادر بسليمته هههههههه😂❤

في اخر الليل..
كان الجو هادي هلبا ماتسمعش
غير صوت حشرات الليل علي شجر
اميرة:مقمعزة علي سريرها وتشوف
في هاتفها محلاه🥺❤
بس كيف ندير مش عارفه عليه شي
اول مرة ندير هاتف حاي كاميرا بنقعد
نصور في روحي🤭

ــــــــــــــــــــــــــــــــــــــــــــــــــــــــــــ

فيروز الوحيدة الي النوم كان هارب
منها وتفكر في كيف بتبدا حياة جديده
فكرت هلبا وهلبا ...وكانت اللحظات الي تمر
ف بالها ايام عبدو معاها وحبهم....💔
خذت خطوه متردده ...!! حظرت ايميله وكان هذا الشي
الوحيد الي يوصل فيهم ببعض💔💔
رقدت بعد صراع طويل مع نفسها.

🔥 روايـــــــات نــــوره توفيــق 🔥

عند نيروز فتحت دارها ونزلت
انا حاسه بعطش مش كل يوم نحط
في حذيا في ميه شكلي نسيتها
نزلت لمطبخ وصدفه لقت سعد😂
سعد:يشبحلها بنضرات غريبه
شن جابك هنايا ...؟!
نيروز:الي جباتك انت جبتني اني
سعد:مافيش نوم قلت نشرب حاجه
نيروز:اني بنشرب ميه وبنكمل نومي
سعد:احلام سعيدة لو تشوفنا امي ادير نهار
نيروز:تمام تلاقي الخير🥰
ـــــــــــــــــــــــــــــــــــــــــــــــــــــــــــــــ

عند اميرة:

وهيا تقلب في فونها اتصل بيها ضياء
ردت طول وهيا فرحانه😍😂
ضياء:امورتي
اميرة:اهلين قلبي
ضياء:علي فكره حلوه هلبا منك الكلمة
اميرة:مش من قدرك حبيبئ
ضياء طلع علي المعتاد وشن اخره........🔥🔞
اميرة انت تشوف هكي
ضياء مفروض روحت بيك طول وتوا جنبي
حبيتك ي بنت ونبيك فوق ماتصوري
قسما بالله اول مرة بنت هكي تخليني معش نفكر
في حاجه الا هيا
اميرة:انشاءالله ربي يجمعنا قريب
ضياء:اسمعي الكلام توا نبيك اطفي هاتفك
وترقدي غدوا الصبح نكلمك طول
نحكو في موضوع مهم
اميرة: تمام تصبح علي خير حبيبئ
ضياء: عيب تسكري قبل ماتعطي حبيبك بوسة
اميرة: تخلبطت مع بعضها😳😂💓كيف يعطوا فيها
ضياء: يا حليلي وخلاص هذي الي خلتني
نحبك البراءه الي فيك تصبحي علي خير وسكر
اميرة رقدت طول❤.
ـــــــــــــــــــــــــــــــــــــــــــــــــــــــــــــــ

وبدأ يوم جديد ...

الحب كان مالي العيله
عايدة جهزت الفطور كله ع طاوله
سعد: صباح الخير
علي اول واحد نايض صباحك مبروك
يا وليدي غدوة فرحك ربي يسعدك
مجهز روحك
سعد:والله ي جدي جهزت روحي
نمشي اليوم نحلق وفي العشيه مداير
حفله اني وصحابي
علي:احسبونا معاكم اني وبوك والله
عندي فيه الجو هذا تاخذش ع كبر😌
سعد:هههههه بدون حسبه انت الجو كله😂❤
عايدة:وين الضحك عصبح اقرا اذكارك
وافطر بعدين توكل
سعد:حاضر
علي:خيرك علي ولد مزال صغير وبهيج ويعيش
حياته
عايدة:الدلاع مش باهي
ضياء:صباح الخير اني طالع مستعجل
علي:هيا حتى اني طالع نمشوا مع بعضنا
ضياء:تبي حاجه كلميني
عايدة:سلامتكم
ـــــــــــــــــــــــــــــــــــــــــــــــــــــــــــــــ