- أثــير .

اثير(9)

- أثير
- (9)

مر اليوم وجاء الليل وكانت نوره وفرح وايمن في ممر المستشفى يستنو في الدكتور يطلع من غرفة العمليات ويطمنهم على ريهام
ايمن:طولو كأنهم
نوره:متخافش شوي ويطلعو اكيد خلاص
بعد شوي طلع الدكتور!
الدكتور:الحمدلله العمليه عدت على خير ، ح نخلوها لعند بكرا تحت المراقبه وبعدها بأذن الله تطلع
ايمن:بارك الله فيك دكتور ، نقدرو نشوفوها؟
الدكتور:لما ننقلوها لغرفتها ان شاء الله
ايمن:تمام شكراً
نوره:الحمدلله يا رب
فرح:الحمدلله ، ماشيه ناخذ اميه نشف ريقي

——————————————-

طلعت اثير من الغرفه وقعمزت معاهم في الصالون
اثير:بالغصب رقدت ،و المدرسه قربت وقربن المشاكل معاها
ليليان:اي صح هي متحبش الازدحام المدرسه صعبه عليها
اثير:طبعاً انا شارحه وضعها ومعروفه وفي ابلات يهتمو فيها بس مهما كان لازم يصيرولها نوبات ونضطر اني نمشي
نورس:المهم انها شاطره بنتي ودرجاتها عاليه
اثير: طبعاً ، جهدي وتعبي وسهري وخوفي عليها هو الي خلاها شاطره وتجيب في درجات عاليه ، لما انت كنتي غارقه في الفلوس والعز مع حبيب القلب الي هربتي معاه انا كنت نعاني ونموت الف مره عشان مفيش شي ينقصها يا خانم
نورس سكتت ومفتحتش فمها ب اي حرف
اثير:اي اي خليك هك ساكته ، توا انت شنو يعني بتقعدي معانا دائماً وانت متزوجه مزلتي
نورس:بعتله مسج ، قلتله ورقتي توصلني
اثير:مش قادره نتقبلك بس محبووووره لانك امي ، والمشكله ياريتك معترفه ب خطأك!ما اعتذرتيش حتى! ما قلتيش اسفه يا بنتي سرقت منك طفولتك وعمرك وحياتك وخليتك تعاني وتشتغلي من شغل ل شغل مع بوك المريض واختك ! انا بعمري هذا ادمرت وحتى شكلي مش شكل بنت شابه مزالت عمرها بس 22 سنه!شوفيي شوفي منظري!شوفي وزني ووجهي شاحب قاعد لونه رمادي ليش!انت السبب ............وناضت وخشت الحمام وقفلت الباب بقوه وهي تبكي
اما نورس ب مجرد ما اثير ناضت من جنبها انهارت وما تحكمتش في نفسها وبدت تبكي..
ليليان حطت يدها على كتفها وهي مش عارفه شن ادير ولا اتقول في الحاله هذي!

اوس:خالد ، انت وضعك مش طبيعي يعني متمني انك اتقولي شي يفرحني لمره وحده بس
خالد:مم م يعني ايش اندير قصدي هوا لاعبها صح ومش مخلي اي اثر
اوس:تمام تمام ، اطلع برا توا
خالد:حاضر....وطلع ، طلع وهوا يفكر شن يبي ايدير وكيف يبي يتصرف!
اوس:الو ايمن .....اي تمام الحمدلله على السلامه .......انا طالع توا تبي شي تبيني نمر عليك؟...... تمام مع السلامه.....وسكر الخط وطلع للسياره ورن على مجد
اوس:الو مجد
مجد:اهلاً اوس
اوس:شن صار الليله قدرتو ادبرو الامر؟
مجد:توا راقي للشقه انا ، شكلنا ح ندبرو بشي شكل
اوس:تمام تبي شي قولي على طول
مجد:تم اوس .....وسكر الخط
اوس سند راسه على الكرسي وهوا يفكر ويبتسم لوحده......بعدها فتح الدرج وكانت في توكة شعر صغيره ، خذاها وهوا يشوفلها ومبتسم!...

———————-

اليوم الثاني
الساعه 10:00ص:

ناضت اثير على خبطه جتها في وجها
اثير:الفف ليليانن بعدي يدك هذي المره الثلاثين تنوضيني
ليليان:اشششش اثير انا اساساً مش عارفه كيف نرقد اساساً وانت حاشرتني في الوسط
اثير:اففف ليليان
نورس:الي حاطه رجلها علي تبعدها
اثير وهي مسكره:رجل من هذي
ليليان:رجلك هذي اثير بعدي
اثير :اووووووف خلاص معش نبي نرقد لا اله الا الله.....وناضت الحمام
ليليان:اففف قاعدين كلنا في الصالون الضيق عذا اكيد مش ح نرقدو كويس.....وناضت وراها