علي
شام: ماميييي وين علوكي
ناز: بالشغل يمه
زيد: تعالي كعدي يمي
شام: عندك مصلحه شتريد
زيد: أكُولچ بس ماتكتليني
شام: عرفت. شتريد انكززز
شهد: لاتصيرين مصريه انكزز وأنكزز
أحچي عدل
زيد: اكلت الموطه مالتچ
شام: أو مي كاد ماكل الiays Creem
بتاعي تعال ياكزمه اليوم محد يخلصك مني
ناز: هيَ موطه شني هيه هسه عود انطيچ
فلوس روحي أشتري
شام: يمه انتي عندچ هيچ كلش سهل
اني صارلي أسبوع أجمع بالربع
علمود يصير ربع وأروح اشتري بي
ناز: أمداكم بكد البعران وتتعاركون على
موطه تعالو
نزعت النعال وكمت أركض وراكم
شام: اني أعلمك يا زيد اله اشمرك من فوك
السطح بس أصبر
زيد: عادي ميصير بيه شي
شام: لا مو اشمرك شطح بطح على
راسك
زيد: ولك علي الحك عليه راح انكتل بالسلاح مال
أمي
علي: فضحتونه شبيكم صوتكم واصل سابع جار
زيد: امي تريد تكتلني بالنعال
علي: اي عفيه يمه أشاركچ لو لا
زيد: چبتك عون طلعت فرعون
شام:ههههههههههه
علي: وسم. يله يمه عوفيهم لخاطري
زيد: چريم وبالچرم معروف
علي: بلا لواكه. شام بعد چم أمتحان عندچ
شام: بس بأجر. اني أترخص أصعد اكمل قرايه
علي: زين. يمه بأجر سوي جدر
دولمه هذا لأسود بكد راس زيد
ناز: ليش
علي: عزمت ريحانه وبيت ام سالم وبيت أم
سلام يعني دولمه معدله
زيد: والله اني خطيه عود من يكولون الوسطاني
مضلوم اكول چذب
_______&________&__________&__
شام
شام: صعدت فوك أقرا باچر عندي كيمياء
خلصت كلشي حافضه حضرت ملابسي
وحضرت الكتب وكعدت اسمع ساجده
اخر شي مليت رحت يم زيد وشهد
شام: ولكم كومو خلي نركص مادام
العائله كلهه نايمه بس أحنه
شهد: أجيتي بالوكت الصح والله ضايجين
زيد: هلا بالضلعه يله تعالي أني اطلع اغاني
شام:حروح أجيب اللابتوب وأجي. رحت لغرفتي
جبت اللابتوب ورجعت لغرفه زيد
شام: هاك جبته. أخذه مني وطلع أغنيه وكان يطك
أصبعتين
زيد: أشم العرك وأني اسكر
شام: الجامع شافني وكبر
شهد: وأنته حلفت بالعبااااسس
شام: اي والعباااسسس يشور
زيد: احوووو. سمعت علي يصعد على الدرج ويصيح
علي: شنووو ماااناامم
زيد: والجن نامن بالچذب. شام نامت على
السرير و شهد نامت جوه السرير من الخوف اني
حضنت اللابتوب ونمت بالكاع. دخل علي
علي: هلو شنو مسوين روحكم نايمين صدكت من لأبتسامه
المرسومه
زيد: ابتسم بوجه اخيك صدقه
علي:مو نايم شلون تحچي
زيد: عادي حلم
علي: كال حلم دتعال. نزعت النعال
زيد: أوكف. اشهد ان لا اله الا الله وأشهد أن محمد رسول الله واشهد أن علياً ولي الله. يله أضرب.
جاي يضرب چان انهزم من الصفحه الي يمه
علي: انته طفرت هسه أشوف الحلوه الي عدهه أمتحان باجر ومامخموده
شام: كمت اشخر بالچذب علمود يصدك
علي: لاتمثلين ترا أعرف كاعده
شام: حبيبي علاوي الورد
زيد:مديت راسي من الباب وگلت. ضد الحرارة والبرد
شام: اني چنت اقرا بس هذا زوزو جا عليَّ وكال تعالي نشغل اغاني ونركص. شهد طلعت راسهه
من جوه السرير وكَالت
شهد: عزا بعينچ تانكي مال چذب شبسرعه
رهمتي سالفه
شام: ياثوله فضحتي روحچ
شهد: عادي أفضح روحي بس علمود زيد.
وهوَ مد رأسه وغمزلي وأني أشرتله بأيدي
فلوس
علي: اوويي الأخت الحنونه. يله شهد على غرفتچ
وشام على غرفتچ وأنته يامطي تعال طب
بس ألمح واحد من عدكم كاعد اچي أصلبخ
وجهه بالنعال
الكل: حاضر سيدي. دخل الكل على غرفتهه
ونام
