احببتكِ كما انتِ

استيقضت من نومي كعادتي على صوت طفلتي جومانه اجمل احساس تعيشه الام هو ان تستيقظ ع صوت طفلتها الجميله التي خرجت من روحها ..حاولت اسكاتها وبدات بملاعبتا....
-ها حبي صباح الورد كعدتي
-صباح العسل حبيبي..اييي اكيد كعدت ع احله صوت مزعج هههههههه
-فديت صاحبه الصوت المزعج وامهه البريئه اني
-فداك الكون يانظر عيوني
-تسلميلي....يله كومي سوي ريوك مو كيفتي ههههه ميت جوع
-ههههه اوووك تدلل دقايق ويصير الريوك مو من عيوني
-تسلملي احله عيون بالدنيا واحله صدفه بحياتي
(احله صدفه بحياتي) عندما قالها رجعت بي الذاكره لاربع سنوات مضت ...ساتكلم لكم عن نفسي قليلا انا فتاه رائعه الجمال ههه طبعا هذا ما يقوله الجميع عني لدي عينان عسليتان وواسعتان ولدي غمازات وبشرتي بيضاء كالثلج وشعري لونه اشقر سرح وطويل هذا بخصوص شكلي اسمي لينا كربلائيه الاصل ومحجبه والحمد لله عائلتي متدينه كثيرا ....الان ساحدثكم عما يجول بخاطري عن اربعه سنين مضت اااه تذكرت تلك الصدفه عادت بي الذاكره الى اول يوم لي بالجامعه في بغداد اااا نسيت ان اخبركم لقد تخرجت من الجامعه مؤخرا ... جامعه المستنصريه الجامعه التي تحمل في داخلها ذكرياتي ..نعود الى اول يوم لي في الجامعه كنت يومها خائفه وكنت مع صديقتي نور صديقتي الوحيده التي كانت تشبهني بكل شيء طريقه اللبس والتصرفات والتفكير وكل شيء كنا مستائتين من الوضع ففي جامعه بغداد كما تعلمون توجد قله قليله من البنات الواتي يرتدين الحجاب بصوره صحيحه واكثرهم لا يرتدينه اصلا كان الامر مزعج بالنسبه لنا لاننا لسنا كبقيه البنات تستطيعون القول عنا باننا منغلقتين تماما لازلت اتذكر جيدا الحوار الذي دار بيني وبينها عندما كنا واقفتين في احد ممرات الجامعه
-نور- لج شنو هاي السخافه هاي احنه وين عايشين يالله ماذبنه الزمن غير بغداد واقسام داخليه هم
-لينا- ايي والله سخافه مو طبيعيه بس بعد شنسوي هيج مكتوبلنه الحمد لله والشكر
-نور- ايي للحمد لله والشكر بس عود احنه حنكدر نتلائم ويه هالاجواء
-لينا- والله بعد ماادري بس عن نفسي اني هواي قرفانه من الوضع
-نور-ههههههههه
-لينا-لج شبيج تضحكين خبله
-نور -يبووو ميصير اضحك شويه ع فكره تره بس احنا جافين خلقنا تره كول البنات طايرات من الفرح
-لينا-انجبي احنه وين وهاي البنات وين احنه مو نفسهم احنه منكدر نتوالم ويه هيج اجواء
-نور-لج لينا باعي هاي مريم الي جانت ويانه بالاعداديه لج هاي شلابسه شمسويه بنفسهه شوفي ويه شكم ولد تحجي عزززه بعينهه
-لينا -يمعوده هاي البنيه كارثه اموووت منهه اصلا هي الهه سنه ثانيه بالجامعه اكيد حتتجرئ وتتغير
نور -لاحبي حته لو مرحله ثانيه وشنو يعني مو معناته تتغير وتصير هيج شنو يعني احنه هم اذا صرنه مرحله ثانيه هيج نصير لاا طبعا
-لينا -الله يهدي الكول هسه احنه شعلينه
لكن كاي فتاه كنت اشعر بالغيره بداخلي من الفتيات كنت ارغب بان اكون مثلهم لكن عاداتي وتربيتي كانت تمنعني من ذلك مضى وقت طويل ع دوامنا بالجامعه قضينا وقت لا بئس به. انا وصديقتي لكن كانت تجول اساله في راسي لماذا. ليس لدي نصيب بالحب كما تملكه جميع الفتيات لماذا لا اتغير واتعايش مع الواقع الذي يعيشونه هنا ما فرقي انا ؟؟؟
وفي احد الايام ذهبت الى الكافتريا مع نور لكي ناكل (لفات فلافل) وقعت عيني بعينه ومن هناااا بدات العاصفه. بداخلي
يتبع.........