ភាគទី២០
អន្ទាក់
អ្នកនាងខេតធី បានចាកចេញពីមន្ទីពេទ្យទាំងកំហឹង តែយ៉ាងណានាងក៏មានហ្សូរិច ជាអ្នកបើកឡានឲ្យនាង និងជួយនិយាយកុំឲ្យនាងអន់ចិត្ត ជាមួយចៅហ្វាយគេ តែមើលទៅនាងកំពុងតែខឹងហើយ ទោះនិយាយអ្វីទៅនាងក៏ច្រានចោលទាំងអស់នឹង ។
“ខ្ញុំដឹងថាខ្ញុំមិនទាន់ស្គាល់ចិត្តចៅហ្វាយលោកទេ ជួបគ្នាលើកទី៤ ក៏បានរៀបការ លើកទី៥ ក៏ឈ្លោះគ្នាដាច់ក្បាល ដាច់កន្ទុយ ជួបគ្នាលើកទី៦ ប្រហែលដេញកាប់គ្នាហើយ” ខេត និយាយមួយខ្សែគ្មានដកដង្ហើម ទុកឲ្យហ្សូរិចអង្គុយស្ដាប់ឡើងចង់ស្ពឹកត្រចៀក ព្រោះអ្នកនាងនិយាយខ្លាំងៗណាស់ ។
“អ្នកស្រីគួរតែប្រើបេះដូងយល់ពីលោកអេឌែន កុំប្រើខួរក្បាល នោះអ្នកនាងនឹងដឹងថាលោកអេឌែន គឺជាមនុស្សកក់ក្ដៅណាស់”
“កក់ក្ដៅតែឯងទៅ” ខេត ធ្វើឫក ងាកមុខចេញ ដូចមិនចង់និយាយជាមួយគេទៀត ។
ផ្ទះថ្មពីរជាន់ សង់ឡើងមានរបៀបរៀបរយ ទៅតាមម៉ូដអាស៊ី ។ ក្នុងផ្ទះពេលនេះងងឹតឈឹង គ្មានពន្លឺឡើយ ដែលធ្វើឲ្យអ្នកនាងតូច ឈរលើវាលស្មៅ ឃើញហើយគ្រញែញខ្លួនមិនហ៊ានចូល ។
“លោកហ្សូរិច ជូនខ្ញុំទៅផ្ទះប៉ាវិញទៅ ខ្ញុំមិនអាចនៅម្នាក់ឯងបានឡើយ”
ហ្សូរិច គិតបន្តិច ទីនេះស្ងាត់គួរសម បើឲ្យអ្នកនាងនៅតែម្នាក់ឯង វាគ្រោះថ្នាក់ណាស់
“បាទ! បានអ្នកនាង”
បានការជួយពីហ្សូរិច ពិតជាបានទាញស្នាមញញឹមឲ្យនាងមកវិញ តែបើគេមិនព្រម នាងមិនទុកមុខឲ្យគេឡើយ ។
…………….
ភូមិគ្រឹះយ៉ាម៉ាហ្សាគិៈII
ថ្ងៃថ្មីកូនស្រីកណ្ដាលរបស់ យ៉ាម៉ាហ្សាគិៈ បានរៀបចំខ្លួន ទៅមើលបងប្រុស ទាំងទឹកមុខស្លន់ស្លោរ យប់មិញនេះនាងដេកដូចស្លាប់ មិនដឹងរឿងអ្វីទាល់តែសោះ ចំជាប្អូនអាក្រក់មែន ។
“ម៉ាក់!ម៉ាក់! ខ្ញុំទៅមើលបងឌែនមុនហើយ” ភៀល ក្នុងរ៉ូបពណ៌ស ដៃបីធ្នាប់ ខ្លីលើជង្គង់ សក់មូលរួញចុងតិចៗទម្លាក់ក្របស្មា ចុះពីជណ្ដើរផង ស្រែកប្រាប់ម្ដាយដែលកំពុងតែរៀបចំអាហារផង ។ ទោះនាងមិនបានទទួលចម្លើយមកវិញ ក៏នាងត្រូវតែទៅដែរ ។
YOU ARE READING
Part-II, ម្ចាស់គ្រងបេះដូងភ្លើង វគ្គI&II (On going)
RomancePart-II is publishing.... Part-I, completed អេឌែន & ខេតធី ក្ដីស្រឡាញ់ គឺក្ដីស្រលាញ់ ពិតជាពិបាកឲ្យនិយមន័យមួយច្បាស់លាស់ណាស់! អ្វីដែលអ្នកបានឃើញ ទង្វើដែលអ្នកទទួលបាន សង្ឃឹមថាអ្នកនឹងអាចផ្ដល់និយមន័យពាក្យ 'ស្រលាញ់' ដោយខ្លួនឯងបាន ដោយមិនចាំបាច់ទទួលការបកស្រាយ...
