#تاروت
البارت «40»
اجيتك ويـلْ ..
مِن فيض الاغاني وموگد الوحشة
مِن غصِن الحَنين المحترگ عشّه
مِن بوگة الظلمة لراية الغبشة
اجيتك ..ميّت ومحتـار
ياجنّاز يتمشى بثگل نعشه؟
𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵
خيال"
گاعدين بالصالة والورقة والطلقات وياها گدامنا گام دائب شالها بيده وگال
دائب: يعني عود شنو مثلا هذا تهديد صدك يحچون هذول عمامچ
جاوبته رميم
رميم: مو بلا اكو واحد الحد هسه يخلي تهديد بورقة گدام الباب شگد قديمين
باتر: هسه على الاقل لو گايلين ادزلهم رابط التحديث
دائب: للطرفة شباب خلي اقرالكم شكاتبين
باتر: اي بلا خلي نضحج
دائب: يابه يگولون اليمان الك اسبوع اذا ما رجعتوا بناتنا نعوف الكلام واسلاحنا يحچي
گام باتر وصاح
باتر: ايبااخخخ لموله عفطه يولد بس كون تسوه
الكل صار يضحك على كلامه ومحاسين بكمية الخطر الممكن تجينا منهم گلت بضوجة
خيال: ترى مو وكت شقاكم دام سوو هيچ ودزوا هاي الورقة اكيد اكو شي ببالهم
گام يمان اخذ الورقة من ايد دائب شگگها وگال
يمان: اها شني من كل عقلچ تخافين من هذول الحثالة
خيال: لان اعرف وراهم شي وخاصة هم مبينين شرايين طلايب ومو قليلين شر
دائب: شيسوون يگصون روؤسنا والله بالي سالفة بس زحمة اگولها خل اسكت احسن منا البنات
خيال: انا اعرف هاي الأشكال دام الموضوع يخص مصالحهم مو بعيدة كل شي يسوون
باوعلي بطرف عينه مو عاجبه الكلام طلعت حكمة من غرفتها جانت يم الجهال وجهتلهم الكلام
حكمة: شنهي تتمضحكون وماخذين السالفة بأستخفاف قبلنا وان ما قبلنا يبقون اهلهن ونفس الدم والعرگ عسى ما طگينا روؤسنا بالحايط هاي الحقيقة وباجر وراكم عشاير وجيب وحط والسالفة ماتفض بتهديد
يمان: وين چانوا كل هالسنين انا بالنسبة الي ما معترف بيهم اليصير خلي يصير
حكمة: جانوا غايبين وطلعوا ويبقون اهل غصبًا علينا لا تستهين من الوضع يمان سوي مثل ما گلتلك هذاك اليوم ومعليك بالباقي
باوع عليه وگال
يمان: اذا تقتنع يلا الله وايدچ مااگول لا
حكمة: امشي بالموضوع ومعليك خل الباقي عليه
گالتها وبعدها حجت ويا رميم حتى تدخل للغرفة ماتقبل تخليها گاعدة هواي اخذتها ودخلن مافهمت شنو الموضوع رجعت انظاري على يمان صافن يفكر بعدها طلع تليفونه ماعرف بمنو يتصل عافنا وطلع من البيت ودائب طلع وراه هو وباتر لحگهم
