"رميت اقداري في دربك وصرتي في عروقي الدم "

P:5

بعد أسبوع من ملكه وتُر دق مُتعب على أيار : هلا
مُتعب بحده : وينك ؟
آيار باستغراب : شفيك ؟ بالبيت ليه ؟
مُتعب بحده : اطلعي أنا جايك
ما أمدها ترد إلا وقفل المكالمه أيار باستغراب : شفيه ذا خل اجهز بس
وبالفعل ماهي إلا دقايق ووصل مُتعب ودق عليها : انزلي
وبالفعل نزلت أيار له سكرت باب السياره : شفيك ؟
لف عليها وبحده : تلعبين علي يابنت عبدالرحمن !!
أيار بغباء : شفيك لعبه عليك بأيش؟
مُتعب بعصبيه  وحده :   اجل رجال غريب يرسل ويغازل  حُرمي  له
فتره وأنا دوبي ادري !!
آيار : كيفف عرفت ؟؟
مُتعب بحده : ماصرت فريق عبث يابنت عـبـدالرحمن ، جهزي نفسك زواجنا بعد أسبوع !
أيار بعصبيه : وش الي بعد أسبوع تستهبل انتِ وش يمديني اخلص وعلى طاري التهديد الي يوصلني وقف من زمانن!!!
مُتعب بحده وبجمود : اي بكيفي عندك اعتراض ؟
أيار : اي
مُتعب بحده : وفريه ، ويويلك يوصلني ان تجيك رسايل تهديد وماتعلميني !
أيار بعصبيه : يليل الليل رجعني  للبيت
مُتعب بجمود : الحين أرجعك وبعد أسبوع تكونين ببيتي !!
سكتت بعصبيه وزعل من أسلوبه معها
-
-
(عند بيت عبّد الرحمن) :
نزلت وسكرت الباب حق السياره بأقوى ماعندها وتركته ومشت اماً هو عض شفايفه بقهر منها تأكد أنها دخلت وتوجه لبيت الجد ...

-
[[ بيت الجد - المكتب ]]
الزواج بعد أسبوع بلغ بنت عـبد الرحمن تجهز عمرها !!
الجد بأستغراب منه : ليه كل هالاستعجال يامُتعب ؟
مُتعب : قلت الي عندي بلغها ! وقام وطلع
الجد وهو يستغفر من عناد مُتعب
-
-
( المستشفى):
جالس يتمشى كون ماعنده شغل إلا ويشوف وحده يعرفها زين ~حُرمه ~ تكلم الدكتور ولا جته عض شفايفه وتوجه لها : وتُر شجايبك هنا ؟
الدكتور الي واقف مع وتُر : أنا دكتورها
جراح : لاتقول دكتورها عشان سلامتك يادكتور !
وتُر ارتبكت وكانت بتنطق إلا ويقول لها جراح وتُر الحقيني
وبالفعل لحقته وتُر مكتبه دخلت وسكرت الباب وراها : شتسوين معه ومن غير علمي بعد !
وتُر: كنت تعبانه ورحت لدكتور بس
جراح : ثاني مره ماتروحين لأي دكتور وأنا موجود وماتسمحين لحد يعالجك غيري ! مفهوم ؟
وتُر بصداع : تمام
جراح رفع حاجبه : شفيك
وتُر بوجع من رأسها : بس فيني صدع سحبها من يدها وجلسها على الكرسي : دقيقه بجيب لك حبوب
وتُر بألم : تمام بس لاتطول
جراح وهو طالع : سمي
وماهي الا دقائق وجراح داخل وبيده الحبوب سكر الباب بالمفتاح عشان وتُر تأخذ راحتها ، فصخي عباتك وارتاحي ع السرير
ناظرته بستغراب وكانت بتنطق بعدين استوعبت انه زوجها عادي كانت بتفصخ العبايه بس تذكرت لبسها وهونت : ماودي
جراح : ليه ماودك ؟
وتُر : كيفي
جراح : مو كيفك فصخيها ولا أنا أجي افصخها لك بنفسي !
واستسلمت له كون مالها خلق وتعبانه وفصختها وبان لجراح لبسه وعض شفايفه كانت لابسه بودي بلون الأبيض وبنطلون اسود أخذت الحبوب وأكلتها
قام وقرب منها وقاس حرارتها وكانت مرتفعه شوي : بحط لك مغذي !
وتُر بتعب : تمام
حط لها مغذي ودق على أبوها : سلام كيفك ياعمي ؟
عـبـدالعزيز : وعليكم السلام ، بخير كيفك انتِ ياولدي ؟
جراح حك حاجبه : بخير ، عمي اسمع وتُر تعبانه فيها حراره وحطيت لها مغذي ويبي لها ساعتين اقل شي !
عبدالعزيز تنهد براحه : كنت بجيك بس جيتي مالها لزوم مادمك عندها انتبه لها
جراح ببتسامه : ابشر ماطلبت شي
وقفل منه ودخل وحط لها مغذي ناظر فيها : سلامتك ياروح روحي انتِ ، قرب كرسيه منها وبدا يلعب بشعرها اما وتُر كانت تعبانه ومالها خلق تتكلم
قرب منها ولمس جبينها : هانت وقرب وجلس معها بنفس السرير وسحب رأسها وحطه بصدره ونطق بحنيه : ارتاحي ونامي ياروحي انتِ
وبالفعل ماهي إلا دقايق ونامت وتُر من فرط تعبها أما هو جلس يتأملها وهي بحضنه 
-
( بيت الجد - الهنوف )
نزلت ولقت أمها وأبوها يتقهوون  جلست عندهم وصبت لها فنجال قهوه وهي تنطق : يبه
الجد : شتبين ؟  اخلصي علي
الهنوف ببتسامه : احم احم ، شرايك نطلع شاليه منها نغير جو ومنها نتجمع مع العيله
الجده دلال : وهي صادقه
الجد بتفكير : عرس مُتعب بعد أسبوع خلوها بعدين
الهنوف بصدمه : زواجه بعد أسبوع وتونا ندري بروح السوق باي
الجد بهدوء : الله معك انتبهي بطريق
الهنوف وهي توقف : ابشر
الجده دلال بصدمه : ليه مستعجل
لف عليها وهو فهم مقصدها : لاتساليني أنا اسأليه هو خليه يتزوج ويرتاح !
هزت رأسه بـ مواقفه وجلست تتقهوى مع الجد
-
-
( عند أيار وربما - المول )
ريما تكفين تعبت خل نروح كوفي أو مطعم نرتاح شوي قالتها أيار بتعب لـ ريما ريما بعصبيه : ياحماره زواجك مابقى عليه شي وباقي أشياء كثيره وتبين ترتحين !!
أيار بحده: أنا بروح ارتاح امشي معي وسحبتها بالغصب معها دقت الهنوف على آيار : وينكم
آيار : بالمول
الهنووف : يلا جايتكم !
-
( بحديقه بيت الجد )
طلعت الهنوف على دخلت مُتعب : على وين ؟
بروح المول
مُتعب : مع مين
الهنوف : مع أيار وريما
مُتعب : وش أسم المول ؟
الهنوف: تحقيق هو
مُتعب بحده : جاوبي ولا يكثر
الهنوف : مول الـ####
مُتعب وهو طالع : تمام
-
[جراح ووُتر ]
طلعو من المستشفى وركبو السياره لف جراح عليها : كيفك الحين ؟
وتُر ببتسامه : بخير ، شكرا جراح
ابتسم جراح : مابينا شكر !
شافت الطريق ونطقت بتساؤل : وين رايحين ؟
جراح : بيتنا
نطقت باستغراب : بيت مين ؟؟
جراح : البيت الي أنا عايش فيه حالياً
وتُر بصدمه : جراح لا
جراح بأستغراب: وش الي لا
وتُر : ماودي اروح معك فشله
جراح رفع حاجبه : وش الي فشله ترا انتِ منا وفينا عادي تنهدت وسكتت وبعد نص ساعه وصلو وطلعو متوجهين على طول لغرفه جراح
نطقت وتُر بإعجاب : جراح غرفتك تهبِل !
ابتسم جراح وقرب منها وحاوط خصرها : أعجبك
إلا وتدق أمه الباب وتُر انخرشت : أنا بروح للحمام وأنا افتح لها الباب
جراح بتعجب : شفيك ترا عادي انتِ زوجتي 
وتُر نطقت برجاء : تكفى ماودي تشوفني تنهد وهز رأسه بالإيجاب اما هي راحت الحمام فتح الباب لـ أمه : هلا يمه
أم جراح : ليه طلعت بدون ما أشوفك ؟
جراح :كنت تعبان يمه تبين شي ؟
ام جراح : اسمع ياجراح خالتك تبيك لبنتها وأنا وافقت وبنتها ماعندها مانع تكون الزوجه الثانيه والشرع حلل أربع
جراح وهو خايف وتُر سمعت الكلام : يمه الله يهديك وش هالكلام ذا أنا الحين متزوج وبنت أختك الله يوفقها مع غيري !!
طلعت وتُر من الحمام وبدلع : حبيبي عندك صابون ؟ اوه اهلين عمتي
عصبت ام جراح ومشت وهو سكر الباب ولف عليها وبضحكه: ماتوقعتك تسوي شي
وتُر بتقليد له : أعجبك ، بس يويلك تسوي الي أمك قالت عليه !
جراح وهو فاهم مقصدها قرب منها وحاوط خصرها : تطمني مستحيل أسويها ، عيوني ماتشوف غيرك
وتُر ابتسمت : عادي توديني المول عند البنات لان زواج مُتعب بعد أسبوع
جراح : سمي البسي عبايتك يلا وإذا نقصتك فلوس دقي علي
وتُر :من عيوني
جراح وهو نازل : تسلم العيون وصاحبتها !
قربت منه وتُر ومسكت يده وهو ابتسم وهم نازلين قابلو خالته
جراح : السلام عليكم ، كيفك ياخاله ؟
وتُر : السلام عليكم
طنشتهم الخاله ومشت وتُر: شفيها ذي خل اروح اصفقها واجيك ضحك جراح وسحبها معه : امشي بس أنا متزوج شيطان
وتُر بزعل وهي تركب السياره : الحين أنا شيطان ماش زعلت عليك !
جراح : افا وش يرضيك
وتُر : قهوه لـذيـذه !
جراح : والله محد لذيذ غيرك
وتُر بحياء : جُراحِ بس استحيت
جراح : يلبى المستحي .
وصلو وأخذو القهوه درايف ثرو
وتُر ببتسامه : بالعافيه
جراح : يعافيك ياروح روحي
شرايك تسحبين على البنات وأنا اختار لك الفستان طبعاً أنا أقولك ما أخذ رأيك
وتُر : تم
ابتسم ووصلو المول ونزلو وبدو يفرفرو بالمول دخلو وشافت فستان : الله
جراح بعد إعجاب : لا مابتاخذينه
وتُر بصدمه : ليه ؟
: قصير وفتحته الظهر كبيره !!
وتُر : عادي كلنا بنات باخذه
جراح : لا ، هذا تلبسينه عندي أنا بس أنا غيري لا
شوفي الي جنبه يهبل وانتِ بتحلينه
وتُر بإعجاب : يموتتت باخذه
وكان فستان وتُر بالون الوردي