أرواح مُستَعصيـه

part 2

هاي كَـرزاتي ماسيو كُلش هواي
وأكيد اليوم برتوت جميل لعيونكُم بس شنو؟
لتحَرموني من التصويت خوش يله نزلي عينج وخلي نجمه كرزايه 😔🩷

أنستا nivin.wsam, تلي nivin_wsam

**

لا المَالُ يَبقَى ولاَ الأروَاحُ خَالِدَةٌ
لا شَيءَ يبقَى سِوى ذِكراكَ والأثَرِ .

**

دَخلت للبيت بخَطوات هادئه ماريد أصدر صوت وأتورط ويه تحقيق دودي ولُهام
وصلت يَم باب الغُرفه فتحت مُقبض الباب بهدوء
أنفتح الباب ابتسمت ودخلت أول خطوه بهدوء

.. : صَح النوم

فَززني صَوته بطريقه مُفاجئه دَرت وجهي مَبتسمه بتصنع...

روبى : ها هلاو

رَفع حاجـبه متسائل كَتف ايديه وأردف

لُهام : وين جنتي؟

روبى : ها جنت اشتم هوى تعرف الجو صافي وحلو تعرف

أتلبكت بلكوه اخترعت كذبه علمود مَيشُك
هَز راسه ممقتنع وأردف.

لُهام : هممم زين لتنسين باجر

روبى : لالا ما انسى يله تصبح على خير

لُهام : وانتِ من أهلو

بدون أي تردُد غلقت الباب بوجهه وأتنفست براحه

روبى : شكعدك مدكُلي شنو خفاش خما ما خُفاش

لُهام : مره ثانيه فكري بدون صوت

تفشلت بمكاني خرب سمع خرب..

روبى : يله روح ضلعي نام

سمعت ضحكاته تتعالى مُبتعده عن بـاب الغُرفه
نزعت النظاره والكمامه وشمرت نفسي على السرير
تعبانه كُلش هواي ركضت من ورا هلـ چلاب

كَعدت أفكر لبـاجر شنو راح اسوي وشنو ينتظرني

روبى : اي يلـروبى خايفه أنتِ من ألي راح يصير تدرين راح توكعين نفسج بمتاهه اذا فشلت الخُطه شنو راح تسوين يعني راح تفشل جَميع امنياتج وأكبرهن معرفه مُوقع اُختج

زَفرت نفس متأخذه القَـرار ماكو خوف

روبى : لتخافين كُلشي تريدينه راح يصير ممنوع الخوف خليج واثقه من نفسج سويتي خُطه وراح تمشين على اساس نمط الخُطه واكيد مَـراح يعرفوج ممعقوله يتذكرون حادث قبل 5 سنوات

والأهم أنتِ غيرتي هواااااي من شكلج وهم إذا عرفوج عادي لتخافين ابداً لترتبكين أنتِ بنظرهُم فاقده الذاكره تمام؟

هذا ألي دتسوينه كُله لخاطر شوفتها لتخربين كُلشي لحظه خَوف

زَفرت نَـفس براحه متأكده من نجاحي ليوم غَد