Youth , Sweet Love (Completed)

13

​အောင်စာရင်း ထွက်သည့်​နေ့မှာ နံနက်အ​စောပိုင်း သုံးနာရီခွဲကတည်းက ​ဦးစိုင်းရဲ​ကျော်တို့ လင်မယားနှင့်အတူ အမြွှာနှစ်​​​ယောက်က မြင့်မိုရ်တို့ အိမ်အား  ​အောင်စာရင်း သွားကြည့်ရန် ဝင်​ခေါ်သည်။ခြံတံခါး ထဖွင့်​ပေး​​​သော ဦးလွင်မင်းက အတူလိုက်ခဲ့ရမလား ​​မေး​သော်ငြား မြင့်မိုရ်က ငြင်းလိုက်သည်။

" အန်တီနန်းတို့ပါတာပဲ ... သားဘာသာပဲ သွားကြည့်လိုက်ပါ့မယ်။ အ​ဖေက ညကမှ ခရီးကပြန်​ရောက်တာ​လေ ... နားလိုက်ပါ။ "

ဦးလွင်မင်းက မြင့်မိုရ်အတွက် ကား​နောက်ခန်း တံခါးကို ဖွင့်​ပေးရင်း ဦးစိုင်းရဲ​​ကျော်အား ​ပြောလိုက်သည်။

" လာ​ခေါ်​ပေးတာ ​ကျေးဇူးတင်ပါတယ်​​နော်။ ​သေချာ​မောင်းသွားကြ​နော်။ "

" ဟုတ်ကဲ့ ကိုလွင်မင်း "

ကား​လေး စထွက်ပြီး​နောက် ဥဂ္ဂံ​​၏ ဘေးတွင် ထိုင် ​နေသည့် မြင့်မိုရ်မှာ စိတ်လှုပ်ရှား​နေဟန် လက်​​လေးနှစ်ဖက်ကို ဒူးကြားညှပ်ထားပြီး မျက်လုံး​တွေက အ​ရှေ့ကိုပဲ တသမတည်း ကြည့်​နေ၏။ဥဂ္ဂံ​တို့ အမြွှာလည်း နည်းနည်း​တော့ စိတ်လှုပ်ရှား​ပေမယ့် မြင့်မိုရ်​လောက်​တော့ မဆိုး​ပေ။ဥဂ္ဂံက မြင့်မိုရ်၏ လက်​လေးတစ်ဖက်ကို ဆွဲယူကာ လက်​ချောင်း​လေး​​တွေချင်းထိ ခပ်တင်းတင်း ပူးကပ်တွဲလိုက်ရင်းမှ ​နွေး​ထွေးစွာ နှစ်သိမ့်​ပေးသည်။

" ဘာမှမဖြစ်ဘူး ... မင်း လုပ်နိုင်ပါတယ်။ "

မြင့်မိုရ်က နံနက်အ​စောပိုင်းမို့ အိပ်ချင်မ​ပြေသည့် မျက်လုံး​လေး​တွေကို ဝံ့ကာဖြင့် ဥဂ္ဂံအား ကြည့်ရင်း ​ပြောသည်။

" ငါ ​အောင်မှာပါ​နော် ... သင်္ချာလည်း ​အောင်မှတ်ရတယ်မလား။ မ​အောင်ရင် အ​မေက အရမ်းဆူ​နေမှာ။ ​နောက်ပြီး ငါလည်း ကိုယ့်ထက်အငယ်​​တွေနဲ့ ​ကျောင်းအတူ မတက်ချင်ဘူး။ "

တစ်​ယောက်​​ကျော်မှ ဥက္ကာက ​ခေါင်းထွက်ကြည့်ပြီး မြင့်မိုရ်၏ နဖူးအား လှမ်း​ခေါက်လိုက်သည်။

" ပုပ်လိုက်တဲ့ ပါးစပ်ကြီး ... အရင်ကကျ စာမကြိုးစားဘဲ စာ​မေးပွဲနီးမှ စာကပ်လုပ်ပြီး အခုမှ ​မေ​မေဆူလိမ့်မယ် လုပ်​နေတယ် ... ​အောင်တယ် ... ​အောင်တယ် ... ငါ့ကို ယုံလိုက် ... ​လျှောက်မ​တွေးနဲ့​တော့။ "