بين الجحيم

part 1

(بسم الله الرحمن الرحيم ) الجحيم

بقلمي رواية: الجحيم

‏صبراً لرُبما نُزهِر .:ماذنب حنيني

فضلأ وليس امرأ ارجو التصويت والتفاعل

>عَذراء<

عذراء: جنت نايمة وما احس الة انسحلت من شعري چان بابا سك//ران

چعفر: لجججج گومي گح... مو كلت ما تطبين للبيت اذا ما تجيبين فلوس

عذراء: بابا الله يخليك ولله مريضة والدنيا باردة ماكدر اطلع حباب خليها على باجر وبعد شويه عندي مدرسه ولازم اقرة

چعفر: بنت السگط اني المن مخلفجج ردتلي ولد يعينني بس اجيتي انتِ مامستفاد منج أي شي يا گح... اجيتي عله على گلبي

عذراء: سكتت وما رديت لان اعرف اذا ارد راح يصيح ويضربني گمت بساع غسلت وجهي ولبست ملابس الشغل علمود اطلع اشتغل اخذت الكارتون مال الكلنس والمي الدنيا صبح طلعت امشي لحد ما وصلت للتقاطع والدنيا بارده كلش جسمي برد وكفت بمكاني الي كل مره اوكف بي المعتاد
جنت بوكتها لازم ابيع كمية جبيره من الكلنس والمي علمود احصل فلوس واذا ما جبت ابوي يضربني ويطلعني من البيت اجو الاطفال الي كل مره يجون وياي كل واحد بحاله يدور عيشته حالهم من حالي هم ينضربون ويتأذون وبنات صغار وياي يتعرضن للتحرش بس مابيدي شي كل هاذه وعمري مايتجاوز ال 16 رسبت سنه بسبب الضروف والشغل وهم ابوي ميقبل اداوم وصلت ثالث متوسط بشلاع الگلب وحظ حضي طاح
: جانو جيراننا يتبرعون الي بملابس بناتهم ويساعدوني جنت احتاج وقت للدراسة بس ابوي ميقبل ادرس الة اشتغل دوامي ضهري وعندي امتحان شهري ولازم اروح جنت جايبه كتابي وياي علمود اراجع للأمتحان ولازم اروح من وكت للمدرسة
قاطعني صوت هورن ابو السيارة اشرلي

:شيسوي هنا الحلو وياها غمزه

عذراء: عفوأ عمو تفضل اذا رايد شي

: تعاي اصعدي وياي وعد تحصلين اضعاف الفلوس الي تجمعيها كل يوم عوفي هل شغل المتعب وتعاي وياي هم نتونس وهم تستفادين

عذراء: شجاي تمضرط انتَ توكل بالله لا الم عليك الناس وافضحك اسويك مضحكه لليسوه والمايسوه

: اروح فدوه للعصبي

عذراء: درت وجهي وغيرت اتجاهي علمود اتجنب المشاكل

: الصبح كله ل 11 ونص خلصت شغلي واصلا ماكو ناس يشترون مني حصلت بس خمس الاف
رجعت للبيت واني تعبانه مالكيت ابوي رحت للغرفه مالته حطيت الفلوس عل ميز واستداريت غميت الغرفه وطلعت مانعني ابوي منعأ باتأ اخذ يوميه للمدرسة الفلوس الي اجيبها من الشغل كلهن الة وشنو الموجود بل بيت اخذه للمدرسة رحت للحمام سبحت بساع وبدلت لأن دنيه بارده ماكدر اطول نشفت شعري وسويته ذيل حصان لان هوه وسط انتبهت لشكلي بل مراية وكعدت اتغزل بنفسي بشرتي بيضاء عيوني بني غامق رموشي كثيفات حواجبي مثل السيف شعري وسط واني سافرة سويت جدولي الدراسي ونزلت للمطبخ احضر شي اخذه وياي سويت معكرونه واخذتها وياي وطلعت لبست حذائي تكرمون وركضت للمدرسه وصلت للمدرسه لحكت قبل لا يدك الجرص بدقايق طبيت للصف وطبت وراي المُدرسة