بسم الله الرحمن الرحيم
كتابة رواية: غموض الشجاع(الغريب)
الكاتبة: بنين الحمداوي
بنات لا تنسن تصوتن وتعلقن على المشاهد احبجن نيرانات كليبي
عاملني بغرأبه وانه مصدوم
مره يدزلي بوسه ومره سهمه
ومره بكل لطافه يسولف وياي
ومره بنص كلامه يخلي سمه
*******************
كورت نفسي بين باب بيتنه والدكنه حطيت ايدي على اذاني اصرخ خايفه من هول المنضر
طفله بريئه.... وحوش.....
رمي طلق...... ملثمون.... قاتلين
سمعت صراخ امي بالطرمه ودقيق وسمعت صراخ زلم الرمي توقف فتحت عيوني اباوع سيف هجم على واحد منهم بكل وحشيه يضربه توسعن عيوني خوف ورهبه من المنضر الي كبالي شفت اخو السيف باوعلي وعاط
علي: سيففف منااا طفله كافيييي
توقف سيف صد المكان الي اني بي بس شافني انصدم صد عليهم رفع ايده وهوه يهدد
سيف: وحك عشكه الي نزرع بكلبي على كل دمعه نزلت منه ابجيه الكم دم
تقدم راد يلزمني لا شعورين دفعت ايده عني خايفه منه باوعلي بقهر وتقرب الزم ايدي على كيف اردفت بخوف
لين: لا تضربني
سيف: ايدي تنكسر قبل لا امده عليه
سحبني الحضنه ضمني الصدره بكل قوه دك باب بيتنه بس دكه طلعت امي سحبتني منه الحضنه تبوس بيه شهكت بصوت عالي واني ابجي
*سيف*
كعدت كبال اهلي واردفت
سيف: اني قدمت بعد لازم اروح
سهاد: يما يا مجثره الوضايف شعندك ركضت على الحشد يعني اله صيرن ضابط
تقدمت الزمت ايده
سيف: يما لا تخافين والله ارجعلج سلام وما اضل طول حياتي هناك
سهاد: اوففف يما روحن بس دير بالك على نفسك
كمت واني طلعت من البيت دكيت باب بيت لين طلعلي اخوه الجبير ابتسمت
سيف: شلونك خويه
عيسى: الحمدلله
سيف: بس صيحلي لين
عيسى: تدلل خويه
طب اخوه شويه وطلعت فاكه شعره تركض يطير وراه نزلت بسرعه رفعه عن الارض شامره للسماء نزلت واني ابوس بيه ضميت راسي بركبته وامشي بيه البيتنه طبين للبيت كعدنه على الكرسي وهيه بحضني
سيف: اني راح اروح وبعد ما اجي
لين: وين تروح
سيف: عندي شغل بمكان بعيد
لين: بس ترجعلي مو
سيف: اي ارجعلج
لين: لعد راح انتضرك
ضليت العب وياه الحد ما رحت البيتهم صعدت للغرفه رتبت ملابسي بالجنطه شمرت نفسي على جربيه غمضت عيوني غفيت
ننتقل بالزمن الي أيام مليئه بأيام جميله وأيام بأسه
لين: اوففف بيبي يعني اله هسه العزيمه
صباره: ولجج عليش تجثرين جلام
لين: اوييي شبيج صبوره وهسه شكنالج احنه
صباره: عاد اجلج انتي جم صارن عمرج
لين: ياااا صبوره شبيج عمري 12سنه
صباره: جا اشو احنه بعمرجن مالنه حسس
