روٌيَآتٌ:کْ/يَوٌکْآ آلَزٍمًهّلَآوٌيَةّ💘🌎"
رواية ميراثي الجزء الثالث
الحلقة الثالثة بعنوان " الأنقليس الرعاد"
العرض وقف والتليفزيون رجع على قناه أخباريه , كنا متنحين انا ونصير ، بنبص لبعض ، وفاتحين بوقنا.
سمعنا حنوش بيقول :
- في حاجه كمان لحقت اعرفهاا من قرين نيللى قبل ما تفوق وتهاجمنا , أمنيتن من التلت امنيات اللى هتتمناهم !!!.
قولناله انا ونصير فى صوت واحد :
- أيه !!
حنوش قال :
- الامنيه الاولى انها تبقى أقوى ساحره على الارض , والتانيه أن يكون عندها جيوش من الشياطين مفيش أنسى ولاجنى يقدر يهزمها .
نصير قرقش أخر حبة فشار فى الطبق وهو بيقول :
- اوبااا الحرب هتقوم تانى يا تنين !!!
قولت لحنوش :
- غريبه !! ليه ما أتمنتش انى اموت وخلاص ؟!
حنوش قالى :
على ما أعتقد هى عايزه تهزمك على أرض المعركه زى ماهزمتها هى وجوزها شهاب .
نصير كمل على كلام حنوش وقال :
- دا غير ان الأمنيات اللى بيحققها المارد بيخرج منها التدخل فى عمل ملك الموت !!
ممكن يمدها بالسلاح اللى تقتلك بيه , أنما يموتك بنفسه ماظنش أنه ممكن بورط نفسه فى حاجه زى كده .
قلتلهم :
- يبقى لازم نتحرك فورا !!
نصير قال :
- انا هبدأ اتواصل بحلفائنا والم كل العشائر اللى معنا وانت يانينو ماتنساش تلبس قميصك وتسبقنا على أبن القاف .
قولتله :
- انا مابقلعش قميصى يا نصير , أتحرك بسرعه أنت ولم عشيرتك.
نصير أختفى ..
بصيت على حنوش اللى لسه ماسك ريموت التليفزيون وبيبصلى, فقولتله :
- أنت لسه هتبصلى !! انجز انقلنى بسرعه على القلعة السودا.
قرب عليا ونقلنى قدام القلعه السودا واللى أعاد ابن القاف بنائها ، قربنا على البوابة الضخمه.
الجن اللى على البوابه أول ما شافنا أدى الامر علشان يفتحوا البوابه , التروس أتحركت و البوابه أترفعت لفوق ودخلنا القلعة السوداء .
أبن القاف كان واقف فوق برج من ابراج القلعه العاليه واول ماشافنا داخلين القلعة , نزل بسرعه وقابلنا عند البوابه , سلم علينا بحراره وقالى :
- خير ياتنين !! ؟
قولت لابن القاف :
- للاسف حرب !!!
