وَعُد ألمُيقت ۔

" ألمُيقت الاول "

هَلاو وريحاتي،

(بَسم الله الرحمن الرحيم)

#وَعُد ألمُيقت

للكاتبه : بَنين الـ عليّ

لا تنسون متابعه الحساب + التعليق بين ‏الفقرات

___________________________________
_في بيت دافئ ولدت طفله

_ذات جمال خلاب ولديها احن ام

_وذو شخصيه قويه

_مع اب متملك وقاسي لا يعرف معنى الحنان

_ ياترى كيف ستكون حياتهم...

..................................................................

"وعد : مثل اي يوم اعتيادي رجعت من
المدرسه للبيت اريد بس اوصل ميته تعب ..
وصلت واسمع اصوات ماما .... شي اكيد هذا بابا كاعد يضرب ماما مو شي جديد علي .... ركضت باسرع قوتي على الغرفه.

ولكيت بابا كاعد يضرب ماما .... احاول ابعده
عن ماما لاكن بلا فايده

"وعد : وخر ليش تضرب ماما وخر عنهه... ادفعه بكل قوتي بس ميوخر .... الى ان عطت
عيطه قويه حتى يوخر ..... وخرررر عن ماماااا

"جعفر : وخريييي عني ونبي اكتلج .. بت ال..
وخري مابيج خير مثل امج ابتليت بيهه من
يوم التزوجتهه....

"وعد : وخررر عنهه حقيرر انتَ هم تسمي
نفسك اب يوميه مسوي مشكله .... وبعدين
عليمن ابتليت من تزوجت ماما خاف انته
كاظم الساهر واني ماادري ... كل هذا
واحاول ابعده عن ماما ... الى ان بعدتهه

"جعفر : تعالييي لج انتِ منو مربيج.. السانج
شطوله الى اكصه والله .... ركضت عليهه
اريد الزمها

"وعد : ماما مربيتني مااسمحلك تحجي عن
تربيتهه ... شفته ركض علي واني اطفرر
للغرفه مابيه حيل انكتل هستوني اجيت من المدرسه انوب جوعانه ... ركضت فوك اصعد للغرفه وصحت ... والله اذا بعد
ضربت ماما اروح

لجدو اكله عليك هوه يعرف يتصرف وياك
مثل ذيج المره من اجيت سكران.. وضربت
ماما وبيتك بمركز الشرطه...

"اسماء : اباوع لوعد شلون تحجي ويه ابوهه
بس احسن بردت كلبي تعارك كله علمود لان
سويت اكله ميحبهه ..... باوعت لوعد واردفت... ماما
وعد روحي للغرفه وسديهه لا يضربج
حبيبتي

" وعد : اباوع لماما كلتلي روحي للغرفه واني
امنيتي هسه الزمه واكتله ابرد كلبي وخطيه
ماما من يوم الي تزوجهه وهو يكتله وهاي
وهيه متحمله على مودنه.....اباوع لاختي

رنا بس تبجي صغيره... انوب ملاك اختي
الجبيره بعدهه بالمدرسه ... كمت اخذت
رنا ورحت للغرفه....

رحت للغرفه واسمع صوت العياط هم رجع
يضربهه .... اباوع لرنا تبجي هم بجيت وياهه
لمده نص ساعه واسمع صوت الباب انضرب
حيلل.... همزين طلع الي حرام اسمي ابو
يمكن هذا احقر اب بالعالم