23 آذار ، 6 مساءً
بغداد ، مركز المدينه .
تخطت سيارة التاكسي الصغيره وحده
من عشرات مناطق التفتيش تتحرك بعجلاتها
ببطئ
يترأسها رجل بمنتصف الخمسينات
و بجانبه شابه عشرينيه و شاب صغير خلفهم
معتليه ملامح الخوف و التوتر وجوه الكُل
و الارتباك يتوسط الجو الصامت بينهم .
مجرد دقائق قليله تفصلهم عن حظر التجوال
و بداية الحرب الي ما توقفت من اربع أيام
و بغداد تحت القصف .
آلاف ماتوا و غيرهم تشردوا ، الجامعات فرغت و المستشفيات توقفت ، مستعدين لبداية النهايه .
" وين تعيشين بنتي ؟ "
سأل السائق الكبير بالسن بنبرة هادئه و ابتسامه بدت لطيفه الآنسه الگاعده بجانبه و الي بادلته الابتسامه محاوله منهم لكسر حاجز الخوف
قاطعهم صوت الشاب بنبرة عاليه و مستنفره
" ليش ؟ "
" حتى اگدر اوصلكم للبيت ، ما باقي
غير 30 دقيقه على حظر التجوال . "
تكلم بهدوء مرجع نظراته للطريق مره ثانيه
"وصلنا لأقرب فندق "
نبس الشاب بخفوت متكئ براسه يتنهد بيأس
عمر چان ببداية تحقيقه لحلمه بالطب و بليلة خرب كل شي ، حتى فكرة زواجه من خطيبته صارت مستحيله وهمه ديحاولون ما يكونون من بين
ضحايا القصف
چان يلمح الجنود و السيارات العسكريه من زجاج السياره حتى السماء ما صارت زرقاء نفس قبل ،
الحرب غيرت معالم كل شي .
" راح تغيرني هم ؟"
همس بصوت يكاد هو نفسه يسمعه متسآئل عن مصيره المجهول لهاللحظه .
توقفت عجلات السيارة گدام واحد من الفنادق وسط بغداد و الي كان أقرب واحد إلهم
" بعد أمر خدمه ؟ "
نطق السائق بإبتسامه ودوده يفتح الباب إلهم و يلوح بإيده ببطئ
" ممنون ، شكراً"
تكلم الشاب مخرج مبلغ مو قليل من محفظته كان أكثر من الاجره و بخطوات سريعه ابتعد هو و الشابه عن السياره داخلين الفندق بعد ما بدأت صافرات الانذار المزعجه منذره ببدأ الحظر .
دخلوا الفندق سويه و لحسن حظهم چانت وحده من الغرف شاغره و مثاليه إلهم ، توجه عمر ناحية باب الغرفه بعد ما نثر أغراضه القليله بالغرفه
" وين رايح و عايفني ؟"
تكلمت الشابه مثبته أصابعها على ذراعه بنبرة تذمر
" اريد اتطمن على اهلي و اهلچ ، ابقي هنا راجع ما اطول "
تكلم بهدوء و مسرع للطابق الارضي من الفندق يحاول يجرب اي تلفون ارضي گدامه إلا أن كل محاولة منه فشلت
" بشر , شلونهم ؟ "
سألته بنبره جاده و قلقه ، زاد من قلقها سكوته و عدم رده حتى وصلتلها فكرة أن الخط مقطوع بكل بغداد و يمكن العراق كله و ماكو أي طريقه تگدر تطمنها على عائلتها
" الخط مگطوع و حظر التجوال بدأ قبل دقايق و أي واحد بالشارع راح يرمونه ، منال اني خايف "
بنبرة باكيه احتضنها بنهاية كلامه يمسح على شعرها بخفه ، هي آخر شخص تبقى له ما يريد يفقدها بسبب حرب لعينه بنظره .
" اختي الصغيره متعوده تلعب گدام بيتنا ، تتوقعين اكو دبابه داستها ؟ "
" كافي عمر "
قاطع نومه صوت الصراخ العالي مفتح عيونه و بمجرد لحظات گدر يعرف أن الفندق ديحترك و الدخان ملئ غرفتهم
چان ديحاول يتحرك و ينقذ نفسه و خطيبته من الموقف بس جسمه خذله و رفض يتحرك ، ظل متصنم بمكانه و عيونه تمطر ما كان بيده غير يضم رجلينه لصدره و يبدي يبچي و يشهق بعلو
" م.. ما .. ما ا.. اريد اموت"
گدر و بصعوبه يطلع هالجمله من بين شهقاته و صوته الي كاد يختفي
" عمر گوم يلا !!! "
صرخت بيه بجزع محاولة بصعوبه تجره و تطلعه برا الغرفه لخارج الفندق وسط تدافع المئات گدامها و بعضهم ديحترگون حرفياً
دفعته خارج البوابه الرئيسيه بقوه
" اطلع عمر لتنتظرني ! "
صرخت بيه و نهرته بقوه
اومأ براسه و ركض بخطوات ضعيفه و ثگيله يحاول يبتعد قدر الإمكان إلا أن قصف ثاني وقع قريب منه
مسبب صوت دوي مهيب جاعل منه يصاب بصداع حاد
و يفقد توازنه حتى سقط ع الأرض محاول يتمالك أعصابه و يكمل زحف إلا أن بسطال عسكري اعترض طريقه رافع الاصغر راسه حتى يشوفه إلا أن الآخر ضربه بقوه بسلاحه مفقده الوعي
.
{598 words}
أنت تقرأ
23 آذار
Romanceصباحُ الخيرِ يا عُمرْ العَظيمُ اللّٰه و عَلى شخصِكَ عُمرْ الك خد و الك ناظر عُمرْ و الك ثغر يوسدني المنية - مثليه لا تَمدُ للواقعِ بصلة قيد التعديل ( العنوان - الكوڤر )
