جعل اخوي اللي على أخته ذرا ما يلحقه ضيمٍ على مر السنين

البارت الثاني

العصر الكل وصلو و العيال في الملقط
والبنات في الحوش
ام سعود : وين عناق ما اشوفها
منال : تسوي القهوه لي العيال
ام متعب : ماشاءالله مكه هذي السنه زحمه
ساره : اي و الحر بيكون غير عن كل سنه
ام نايف : أن شاءالله بكره نبدأ صايم
الجده : اي بإذن الله الله يكتب أجرنا
منار : جده احد بيحج هذي السنه
الجده : اي ان شاءالله انا و جدك بنحج
مناف : والله عاد نفسي مره احج
الجده : لا يمه انتم ان شاءالله السنه الجايه
نوف : كيف الدراسه معاكم
برق : أنا الحمدلله خصلت بس بقدم على الجامعه
ساره : أنا اخر سنه لي في الجامعه الله يسهل
منار : وانا خصلت من الجامعه الحمدلله
منال : انتي حظك بس ٣ سنوات أنا و ساره خمسه سنوات هذي اخر سنه لنا
نوف : اخر سنه لي في الثانوي
مناف : نفسي الله يسهل لنا
عناق من عند باب المجلس مطلق
الجد : اصبر يا مطلق يا عيال اطلعو بره خلي عناق تجي تسلم على اعمامها قام و ابوها ابو نايف انت نايف خلك
طلع مطلق : يا عين اخوك ارجعي المطبخ العيال بيطلعوا  وانتي تعالي سلمي على اعمامي
عناق وهي تلف الطرحة: ابشر يا عين اختك
طلعو العيال و دخلت مع مطلق وهي تسلم عليهم
ابو سعود: يا هلا بي الغاليه
باست راسه عناق و حضنته : هلا بك ي عيوني كيف حالك يا عمي
ابو سعود : نحمد ألله يا عيون عمك انتي وش حالك
عناق : بعد شوفت زولك بخير الحمدلله
و سلمت على ابو متعب : كيفك يا عمي
ابو متعب بأس راسها: بخير يا بعدي انتي كيفك
عناق : بخير الحمدلله ي غالي
حضنها ابو نايف : يا هلا بي بنتي
عناق بخجل : هلا بك يا يبه كيف حالك

عند العيال قدام الباب
ماهر : الحين نايف عادي يجلس و حنا لا
متعب ضربه على راسه بي خفيف: هو اخوها من الرضاعه وانت ولد عمها
نواف : اد كذا المفروض انا بعد اجلس
خالد : والله عاد نفسي انام
ماهر : انت سقت بدل عمي
خالد : اي والله ليت سعود كان معنا
ماهر : أنا و متعب جينا لي حالنا
نواف : كيف ما فهمت عليك
ماهر : قصدي انو انا اخواتي في سياره و متعب مع امي و ابوي و الأغراض فهمت يا محامي
نواف ضحك : فهمت يا ممرض
خالد : مو كانو داك عمي ابو مطلق
متعب ناظر : اي والله هو الله يستر
جاء ابو مطلق و معه مشعل و زوجته و بنته : يا هلا بي العيال ليش واقفين بره في الشمس
متعب سلم عليه و بقى العيال: ابد بس بنتك بتسلم على ابوي و عمي و حنا طلعنا
ابو مطلق ابتسم بيكره: ها اجل هي في الملقط
نواف رفع حاجب : اي يا خال
ابو مطلق لف وارء : ادخلي على اليمين
ام مشعل : تمام و خذت بنتها و دخلت
ابو مطلق : مشعل سلم على عيال اعمامك و عمتك و تعال بعدها سلم على اعمامك و جدك
مشعل : اوكي
ماهر انصدم بهمس لي نواف : قال اوكي ولا انا سمعت غلط يا ولد العمه
ضحك نواف : لا سمعت صح يا ولد الخال

عند البنات و الحريم دخلت ام مشعل الكل انصدم منها
الجده : مين انتم
ام مشعل : أنا زوجت مطلق يا خاله و هذي بنته فجر
ام سعود بهمس : الله يستر بس
الجده بضيقه  : اها يا هلا و مسهلا تفضلو
دخلو و سلمو على الكل
نوف : يمه تخوف مو حلوه
منار : شوفي لون شعر بنتها
مناف ضحكت : كانو طالعه من نفاس استغفر الله
منال : اسكتوا خلني اصب لهم قهوه
برق : تكفين كبي القهوه على بنت العم
منال غمزت : ابشري بي
ساره : الله يبشرك بالجنه
ام مشعل : كيفك يا ام سعود
ام سعود : الحمدالله بخير انتي كيفك
ام مشعل : بخير ما شفت سعود مع العيال بره
ام سعود انصدمت كيف تسأل عنه : ها لا كان عنده دوام ما جاء ان شاءالله قريب بيجي
ام مشعل: الله يوفقه ويسعده
منال : تبين قهوه يا خاله
ام مشعل : اي يا حلوه
صبت له منال : تبين
فجر مغرور : نو
منال سوت نفسها ما تفهم و كبت عليها القهوه
فجر صرخت : يا غبيه ما تشوفين
منال : اف اف بي الغلط ما شفت
فجر : قلت لكِ ما ابي ليش تصبين
منال شمقت وجلست مكانها: ما عرفت وش تقولين

نرجع لي الملقط
ابو نايف : بخير بخير يا عيون ابوك
نايف ابتسم : هلا و مسهلا بي توأمي
عناق ابتسمت: هلا بك زود يا توأم روحي كيف يا قلبي
مطلق بغيره : ها عناق ترا اغار انا
حضنته عناق : انت الحب الاول و السند و العضيد والأب
دخل ابو مطلق : الاب يا عناق وانا اجل وش
الكل انصدم الجد : فهد
عناق بخوف شدت على مطلق
ابو مطلق : هالله هالله ولا نسيتوني
ابو سعود بخوف : ابد  يا اخوي مين ينساك
ابو مطلق : تعال يا مشعل و سلم على اعمامك و زوج عمتك هذا اخوك مطلق و هذي اختك عناق
مشعل بغروه : السلام عليكم يا الاهل
ابو مطلق سلم على الكل : ها يا عناق ما بتسلمين على ابوك ولا مطلق ابوك
عناق بعدت عن مطلق و هو شد على يدها : بسلم يا ابو مشعل وينك عنا الحين جاي تبي اقول لك ابوي
معليش انا ابوي مطلق و كل دنيتي
ابو مطلق عصب : اص يا قليلة الادب
عناق : لا يا ابو مشعل اد قلت كلمة الحق ما اصير قليلة ادب بالعكس الحق لازم ينقال
مشعل تقدم و هو يبي يضربها كف مسك مطلق يده بعصبيه : والله لو تفكر ثاني مره بس تعرف يدك عليها ما يصير خير تسمع تراك أصغر منها يا الرخمه
مشعل بعصبيه: و ان شاءالله ليش ترفع صوتها على ابوي
مطلق : ابوك يعرف زين ليش ترفع صوتها عليه
ابو مطلق عصب : مطلق احترم نفسك و مشعل صادقك
الجد عصب : بس يا فهد مو يقوم يبي يمد يده عليها
ابو سعود بغضب : ترا ما أرضا عليها يا فهد
ابو نايف بأس راسها : يا بنتي روحي عند البنات
عناق و الدموع بعيونها طلعت مطلق: ابشر يبه
ابو مطلق : ماشاءالله هو ابوك وانا لا يعني
عناق صرخت : اي ابوي و اغلى منك عندي
ابو مطلق تقدم و ضربها كف من قوته اغمى عليها
مطلق بخوف حضنها : يا عين اخوك اصحى تكفين
نايف دكتور كشف عليها: بخير بس اغمى عليها
مطلق برجفه رفع أصبعه: والله اني ساكت و محترمك عشان جدي لو صار فيها شيء ترا محد بيوقفني عنك
ابو مطلق ضحك بسخريه : والله وطلع لك لسان
مطلق شلها من جهة الحريم : درب يا ولد درب
الجده بخوف من الصارخ : يلا يا بنات على المطبخ
قامو البنات على المطبخ الجده بخوف: ادخل يمه
مطلق طلع غرفتها و جدته و عمته واره